Additional Prayers Revealed by Bahá'u'lláh
Esperanto ·
Spirita evoluo BH00483SAN
Ho Vi, per Kies nomo moviĝas la maro de l’ ĝojo kaj zefiras la parfumo de l’ feliĉo! Mi petas Vin montri al mi el la mirindaĵoj de Via favoro tion, kio briligos miajn okulojn kaj ĝojigos mian koron. Vi, vere, estas la Ĉion-Donema, la Plej Malavara.
Gvidado, Asisto kaj Protekto BH01393THS
Koncerne siajn aferojn ripetu li dek naŭ fojojn: »Vi vidas min, ho mia Dio, malligita de ĉio krom Vi kaj alkroĉiĝanta al Vi. Gvidu min, do, je ĉiuj miaj aferoj al tio el kio profitos mi favore al la gloro de Via Kozo kaj la elstareco de la rango de Viaj amatoj.« Tiam pripensu li la aferon kaj faru kion ajn venas al lia menso. Tiu ĉi impeta oponado de la malamikoj ja cedos al supera prospero.
Gvidado, Asisto kaj Protekto BH10588
Li estas la Plej Glora!
Laŭdo estu al Vi, ho mia Dio! Vi vokis min kaj mi respondis al Vi. Vi venigis min kaj mi rapidis al Vi, enirante la ombron de Via mizerikordo kaj serĉante ŝirmon ĉe la sojlo de la pordo de Via graco. Vi vartis min, ho Sinjoro, per Via providenco, elektis min sole por Vi, kreis min por servi al Vi, kaj destinis al mi stari antaŭ Vi. Mi petegas al Vi, je Via ĉioglora Nomo kaj je Via beleco, kiu aŭroris super la horizonto de Via plej supera Esen-co, ligu min al Vi, kiel pli frue jam Vi faris, kaj ne separu min de Vi. Kaj igu min do, ho mia Dio, fari tion kio indas al Vi. Vi, vere, regas super ĉiuj aferoj.