Prayers & Meditations

O Kwe eo im Turin mejen ej unjen ao kabun, im aibuijuij eo An ej jikin ao kone, im ijo Jikin ej menin in ao kotobar. Nebar E ej ao kejatdrikdrik, wonake eo An ej karejera, im yokwe eo An ej unjen mour eo ao, ao kwalok kake E ej menin ao jokane, An ebake io ej konan eo ao, im an bed ibba ej konan im kotobar eo ao elab tata. Ij oware Yuk, bwe Kwon jab drebij jen io men ko im Kwar kalikari nan dri kelet ro Am ilubiljin ro dri jilkam. Letok nan io bareinwot men ko romman an lalin im lal eo ej itok. Kwe ilo mol Kwoj King in armij otemjij. Ebar ejelok Anij Ijelokim, Eo Dri jolok bwid indreo, Eo ejelok jonan An jouij.

Tablet In Lolok (Jej readi Tablet in ilo Shrine ko an Baha’u’llah im Bab. Jej bareinwot jar kake ilo ran ko Air rekwojarjar: November l2 ran, May 29, October 20, May 23, July 9, April 2l – May 2) N ebar eo ear tak jen Utiej eo Am Make, im aibuijuij eo ear romak tok jen Woleo eo Am eaibuijuij, ren bed iom, O Kwe Eo Dri Kwalok Utiej potata, im King Indreo, im Iroij an ro otemjej ilo lan im ilo lal! Ij kamol bwe kin Kwe maron potata eo an Anij im Ailin eo An, utiej potata eo an Anij im maron potata eo An, emoj air alikar, im Ijuran ko jen jinoin reromak im emoj air kwalok meram ko air ilo lan in kakien eo Am ejelok juon emaron ukote, im Aibuijuij an eo jeban loe emoj an romak tok jen turin lan in komanman. Ij bareinwot kamol bwe kin jidrik wot makitkit in Pen eo Am, kakien eo Am, “Kwon Bed,” emoj an jejet kitien, im menin Ittino eo an Anij emoj an allikar, im aolep menin komanman otemjej emoj air walok, im aolep Katak ko emoj jilkinlaltak. Ij bareinwot kamol bwe kin woleo eo Am, aibuijuij an Eo jej Kabun nan e, emoj an allikar, im jen turin Mejen, Eo ej konan eo ad emoj an romak tok, im bwe kin juon naan jen Kwe emoj Am kelet ikotan menin komanman otemjej, im komman bwe ro rej tomak Yuk ren wanlinwaj nan ijo eutiej im aibuijuij, im dri jab wenik ren otlok ilo ron eo ejelok jemlokin an mulal. Ij kamol bwe eo ear jela Kajiem ejela kajien Anij, im eo ear bed Iturum ear bar bed iturin Anij. Kin menin, elab jeramon an eo ear tomak ilo Kwe, im ilo kokale ko Am, im ear kotteik e make iman utiej potata eo Am, im eutiej ilo an jelmake yuk, im ejeramon bwe ej bed Iturum jen konan eo Am, im kabol Yuk, im jutak iman throne eo Am. Jerata enaj bed ion eo ej bwid nae Yuk, im ear karmijete Yuk, im ear kajejtokjen kokale ko Am, im kariab kajur potata eo Am, im jutak nae Yuk, im jejjej iman Mejem, im ear konono nae menin kamol ko Am, im ear ko jen kien ko Am im jen ailin eo Am, im ear kobaik lok e iben ro rejab wenik, ro etaier emoj je kin adrin Bein kir eo Am ilo Tablet ko Am rekwojarjar. Innem, Kwon uktok io, O ao Anij im ao Jitenburu, jen anbwijmaron in tiriamo eo Am, jen joij im yokwe eo Am, Kituom ekwojarjar, im joij ko Am, bwe men kein ren kejenolok io jen na make im jen lalin nan loan oror in bed ebake Yuk im bed Iturum. Kwokajur nan Am kommane ta eo Kwoj konan. Emol, Kwo Utiej ion men otemjej. Ememej Anij im nebar eo An, Aibuijuij eo an Anij im wuj eo An, rebed Ibbam, O Kwe Woleo eo An! Ij kamol bwe mejen komanman eo ejain lo juon eo emoj kabwide jonan wot Kwe. Ilo ran in mour ko Am, emoj am tulok ilo mour in entan ko. Ilo juon ien Kwar lukluk kin to-chain im iron ko; im ilo bar juon ien rar kamijak Yuk kin jaje an dri kejrat ro Am. Ak ijelokin men kein otemjej, Kwar kwalok nan armij bwe ren lor ta eo Dri Jela men otemjej, Dri Meletlet otem meletlet ear je nan Yuk. Komman bwe jitob eo ao en juon jortak nan bwid ko Kwar entan kaki, im bwe jitob eo ao en juon menin binmour nan menin entan ko otemjej Kwar ineki. Ij owar nan Anij, ilo Etam im ilo etaier ro turin mej ko mejeier rar romak kin meram eo jen turin Mejam, im, ilo air yokwe Yuk, emoj air lor men otemjej emoj jiron ir kaki, bwe Kwon jolok ronol ko rej bed ikotam im ikotan menin komanman ko Am, im letok nan io men ko remmon an lalin im lal eo ej itok. Kwe, ilo mol, Dri Kajur potata, Dri Utiej potata, Eo Eaibuijuij potata, Dri Jolok bwid ilo ien otemjej, Dri Meanwod potata. Kwon kejramon, O Iroij ao Anij, Wijki-Lote eo Ekwojarjar im bwilik ko bwilkin, im ra lab ko ie, im ra ko jet ie, im mwenan ko ie, im jul ko ie, toon wot an bed et ko Etam remmon tata, im toon wot an bed kadkad ko Kadkadim reweppen tata. Innem kejbarok E jen benabnob an dri jumae im jen jerlibju in dri kakure ro. Kwe, ilo mol, Kwo Maron tata, Kwokajur tata. Kejramon, bareinwot, O Iroij ao Anij, karejeram man im karejeram kora, ro emoj air bed Ibbam. Emol, Kwe Dri Ujleptok jeramon, Eo joij eo An ejelok jemlokin. Ejelok bar Anij Ijelokim, Dri jolok bwid ilo ien otemjej, Eo Ejoij otem joij. Bahá’u’lláh

Nebar Yuk, O Iroij ao Anij! Ij oware Yuk kin Katak in emoj an ukot marok nan meram, im ear komman bwe Imon Jar eo Emakijkij kabun ie en ekkal, im Tablet eo emoj je en walok, im Lemlem eo emoj elloke en alikar, non jilkinlaltak ioo im ion ro motta men eo enaj kemaron kim bwe kemin maron weakwoj nan lan in aibuijuij eo Am ellalok jen aibuijuij otemjej, im naj kareoik kim jen mour in bere einwot an bobraik ro dri bere jen air drelon woj non loan imon Kebbed in juon wot eo Am. Na eo, O ao Iroij, emoj an jirok bin ilo toin yokwe in joij eo Am, im drebij torerein nuknuk in tiriamo im joij ko Am. Kelet nan io im ro jitenburuo emman eo an lalin im lal eo ej itok. Innem lelok nan ir Menin Lelok eo Etino im Kwar kelet nan ro remmon tata ilubiljin menin komanman ko Am. Errein, O ao Iroij, ran ko im Kwar jiron ro Karejeram bwe ren kommane ien jitlok eo. En jeramon eo ej kejbarok jitlok in ilo Etam im ellok jen aolep men otemjej ak Kwe wot. Jiban io im jiban ir, O ao Iroij, bwe kemin bokake Yuk im kejbarok kein ko Am. Mol, Kwokajur nan kommane ta eo Kwokonan. Ebar ejelok Anij Ijelokim, Dri Jela men otemjej, Dri Jelalokjen im Dri Meletlet. Nebar Anij, Iroij in aolep lal. Bahá’u’lláh

Nebar Yuk, O ao Anij, Eo ej Unjen aibuijuij im utiej potata, bunbun im nebar, maron im kajur potata, utiej im tiriamo, kabwilonlon im kajur. Jabrewot eo Kwoj konan Kwonaj komman bwe en ebake lok Lometo eo Elab Tata, im jabrewot eo Kwoj konan Kwonaj likit im kautieje bwe en kile Et eo etam jen Jinoin. Ilubiljin ro rej jokwe ilo lan im ilo lal, ejelok juon enaj jumaik kajur potata eo Am. Jen jinoin Kwoj bek aolep menin komanman otemjej, im Kwonaj wonmanlok wot im kejerbal kajur potata eo Am ion aolep menin komanman ko otemjej. Ebar ejelok Anij Ijelokim, Dri Maron, Eo Eutiej Tata, Eo Ekajur Tata, Eo Emeletlet otem meletlet. Keromak lok, O Iroij, turin mejen dri jerbal ro Am, bwe ren maron lo Yuk; im kareoik buruier bwe ren maron jibarokwaj melan jikin tiriamo ko Am ilan, im kile Eo ej Dri Kalikar Kwe im Jorantak in Bed eo Am. Emol, Kwoj Iroij in aolep lal otemjej. Ebar ejelok Anij Ijelokim, Eo Ejelok menin kabane, Eo Ejelok menin drebiji. Bahá’u’lláh