Prayers & Meditations
Tetum ·
Oh ha’u-nia Maromak, Ita-Boot nia naran ha’u-nia isin-di’ak no hanoin ba Ita-Boot ha’u-nia ai-moruk. Besik ba Ita-Boot ha’u-nia esperansa no domin ba Ita-Boot ha’u-nia belun. Ita-nia laran-luak ba ha’u, ha’u-nia isin-di’ak no ha’u-nia tulun iha mundu ne’e no mundu atu mai. Tebes duni, Ita-Boot maka Laran-luak liu hotu-hotu, hatene liu hotu-hotu, matenek liu hotu-hotu.
Oh ha’u-nia Maromak! Oh ha’u-nia Maromak! Halo Ita-Boot nia atan sira fuan no laran ida de’it, no hamosu ba sira Ita-Boot nia hakarak tomak. Halo sira tuir Ita-Boot nia ukun-fuan no moris tuir Ita-Boot nia lei. Oh Maromak, tulun sira iha sira-nia haka’as-an no fó ba sira kbiit atu hana’i Ita-Boot. Oh Maromak! Keta husik sira mesak, maibé hatudu dalan ba sira liuhosi naroman husi Ita-Boot nia koñesimentu no halo sira-nia fuan haksolok ho Ita-Boot nia domin. Tebes duni, Ita-Boot mak sira-nia Tulun-na’in no sira-nia Na’i.
Orasaun Obrigatóriu
Ha’u hatudu sasin, Oh ha’u-nia Maromak, katak Ita-Boot kria ha’u atu hatene Ita-Boot no hahi’i Ita-Boot. Ha’u fó sasin, iha momentu ida-ne’e, ba ha’u-nia kbiit-laek no ba Ita-Boot nia kbiit, ba ha’u-nia kiak no ba Ita-Boot nia rikusoin.
Laiha Maromak seluk tan só Ita-Boot de’it, Tulun-na’in iha susar laran, Ita-Boot Rasik Rohan-laek.
Molok halo orasaun, fase oin no liman. Hamriik fila oin ba Baha’u’llah nia santuáriu. Hasa’e orasaun ne’e mesak loroloron entre meiudia no loron-monu.