Ridván Messages

Setaun endur besedia sereta beperagam, pia mega bebendar gawa, udah apus, dikelala enggau pengiruh bala pangan di serata dunya ngintu pengerami seratus taun Peniki ‘Abdu’l-Bahá, nyengkaum ngenataika bala pengari ngulu siti pengerami special dikena meri basa ngagai Iya di Tanah Kudus. Nengah semua pengiruh tu, peransang ti datai ari pengidup ‘Abdu’l-Bahá udah diasaika ulih mayuh semengat lalu ukai semina bala Bahá’í aja. Pengibuh Iya ke tiap iku kaban bansa mensia diri sebilik, pengawa Iya ngajar, pengawa Iya ngemansangka pelajar enggau pengelantang sosial, pengawa Iya ti nyengala dalam mayuh wachana di Timur enggau di Barat, peransang ti chukup dalam ari ati Iya ngagai semua projek nirika Rumah Sembah, pengawa Iya nempa tukuh terubah-rubah ia administrasyen Bahá’í, pengawa Iya ngeraduka mayuh bengkah aspek pengidup komuniti—semua pengawa ti begembar tu dalam pengidup Iya nyereminka pengangkun Iya ti seruran sereta tunggang ati gawaka Petara enggau gawaka bansa mensia. Kelimpah ari bediri ba legit autoriti moral Iya ngembuan seling penemu spiritual ti nadai tanding, ‘Abdu’l-Bahá sigi nyadika panchur tulin ke ditengah semua daya ti dilepaska Revelasyen Bahá’u’lláh ulih meri empas kereja ba dunya. Meretika society-building power ti dikembuan Pengarap, siku-siku enda ibuh merening jauh kelimpah ari meda semua pemujur ti ulih ‘Abdu’l-Bahá sekumbang ministri Iya enggau empas transformatif lalau ti datai enda ngetu-ngetu ari pen Iya. Chukup mayuh meh pemujur ti naka pemadas ke bisi ba komuniti Bahá’í maya hari tu— ke dikenang kami dalam pesan Riḍván nuju kita taun nyin kemari—endang bepun ari pengawa, pemutus penemu, enggau jaku perintah ‘Abdu’l-Bahá.

Nya alai, sigi patut meh, komuniti Bahá’í meri basa kolektif ngagai pemetul Teladan ia nyadika pantar dikena ngepunka pengawa besai ti befokus ba mansutka society-building power Pengarap dalam tatak ti makin mayuh. Bidang kereja ti diserangkung dalam Pelen Sembilan Taun, enggau dalam ripih pelen ke diatu, endang dituju kena ngulihka juluk ati ti besai tu. Nya mega nyadika fokus lebih 10,000 iti aum besai ti diatur di serata dunya dikena nandaka pengelanchar ke spiritual enterprise ti besai tu. Semua aum besai tu, disadang deka ngelaluka naka pemayuh orang ti ngulu ia, ngempuruka ukai semina bala Bahá’í tang mega mayuh orang bukai ti dekaka pengelantang bansa mensia ti bekunsi pengeran enggau sida ti deka nanggam penyerakup enggau ngemanahka dunya. Pemutus ati enggau pengering pengasai tuju sida udah dipanchar dalam semangat ti dipansutka ba semua gempuru ke udah bisi dipejalaika, ke alai bala orang ti ngulu udah ditanggam enggau mayuh jurai dinamik ke alai sida udah ngenataika pemeri ngagai visyen kolektif ke dipejurai maya pengerami ti ngelantangka ati tu. Kami nganti enggau pengeran sadang ke utai ti deka nyadi ba beberapa bulan enggau taun-taun ti deka datai.

Kenyau ari maya kami ngenataika pesan kena 30 December 2021 nuju Aum Besai bala Counsellor, semua Raban Gelumu Sambiang Bansa enggau Regional Bahá’í Council udah bebendar nentuka pengulih dalam neritka proses pemansang ba semua klaster ti dipegai sida kandang Pelen Sembilan Taun. Kami ngasaika bisi ulih mantu, dikena nentuka tatak pemansang ti deka nyadi ba maya ti deka datai, patut meda Pelen tu deka ngerembai dalam dua renggat ba pengelama empat taun enggau lima taun, lalu semua Raban Gelumu Sambiang Bansa dipinta ngira pemansang ti disadang ba komuniti diri empu ba Riḍván 2026 enggau ba Riḍván 2031. Pengawa tu nyengkaum beratika baru garis antara klaster, lalu asil ari ubah garis tu dia penyampau klaster di dunya udah niki sesuku lalu penyampau diatu bisi lebih 22,000. Diperati ari jangka ti diterima, dianggarka, ba ujung Pelen, program pemansang ba sekeda tikas deka bisi nyadi ba kira-kira 14,000 ari semua klaster tu. Ari penyampau tu, pemayuh klaster ke dikira manggai ba program pemansang dedat dijangka niki ngagai 11,000 dalam kandang maya nya. Lalu ari semua tu, disadang penyampau klaster ke udah ngelimpas batu tanda ketiga deka niki ngagai lebih 5,000 ba taun 2031. Enda ibuh ditanya, ngelajakka pemujur baka nya sigi begunaka pengeran ti tinggi ngereja pengawa dalam sepemanjai Pelen. Taja pia kami ngasaika tu siti niat ti lumau dikereja, laban ia nyadika juluk ati ti besai tang dikemeratka laban nya sigi ulih japai.

Tu nyemetak. Semua juluk ati ti baka nya sigi enda ulih dipikirka enti semua institusyen administratif enggau agensi enda nyata berubah, nyikap sida enggau kapasiti ti chukup tinggi dalam ngatur semua pengawa komuniti ke alai aktiviti ia udah mayuh betambah enggau jampat, nyerangkung mayuh semengat pupu bansa ti betambah. Sigi enda ulih diniatka pemansang ti baka nya enti pengingin deka belajar—gawa, ninjau, nangkap seling penemu, lalu nyerapka semua seling penemu ti ayan ba tempat bukai—enda diraduka ba semua tikas, ngerembai ngagai perayat ba komuniti. Lalu semua kereja ti bekaul enggau projeksyen baka nya sigi enda mujur enti langkah-rapat sistematik ba pengawa ngajar enggau ba ngemansangka human resource enda betambah ayan ba dunya Bahá’í. Semua tu udah mai pemujur pemereti komuniti Bahá’í ngagai identiti sereta tuju ia empu. Mutus ati deka merening ke luar dalam proses nirika komuniti udah nyadi sidan ti ditumbuhka ba daya idup mayuh, mayuh tempat; diatu ia ngerembai, ba makin mayuh komuniti, nyadi asai tanggung jawap ti amat dalam ngulihka pemansang spiritual enggau pemansang material ngagai makin mayuh semayuh raban dalam society, ngilah jauh ari bala kaban komuniti Bahá’í empu. Semua kereja bala pangan dalam nirika komuniti, enggau dalam social action, lalu ngenataika pemeri ngagai wachana ti bisi nyadi ba society udah bejantil nyadi siti enterprise global, ditanggam enggau siti langkar-kereja kena gawa ti sama, dituju ngagai nulung bansa mensia numbuhka semua pengawa ia bepugu ba batang ajar spiritual. Pemesai guna semua pemansang ti udah dikenang kami, manggai ba titik tu pengudah seratus taun Atur Administratif berengkah didudukka, enda ulih dikelaung. Kapasiti ti balat betambah ke udah nyadi dalam kandang dua puluh taun ti lalu— enggau ke ulih ngasuh dunya Bahá’í meda semua kereja dalam reti mansutka society-building power Pengarap—kami meda kelai ti enda ulih disakal ianya Pengawa Petara udah masuk ngagai renggat ke enam dalam Rambau Formatif. Kami bisi ngerah maya Riḍván ke udah ianya fenomena pemayuh orang ti enggau dalam aktiviti Bahá’í, ke ditungkun enggau pengarap ati, lalu bulih pengelandik enggau pengulih gawaka komuniti sida nya nandaka renggat ketiga dalam Pelen Pengudus ari Master udah berengkah; nya alai, Pelen Satu Taun, maya ia berengkah suba lalu diatu ia udah tutup, udah ngaga kelai ke sebagi ari pemujur historik ti udah dikemajuka raban ti taluk. Lalu ba pemetung pengawa ti baru, ti besai, raban orang ti arap ti beserakup tu bediri sedia deka ngerampas semua peluang ti tebuka besai ba mua sida.

Siti penteba ti nyengala ba renggat ke diatu udah tutup ianya udah nirika Rumah Sembah kontinental ti penudi lalu ngepunka mayuh projek numbuhka Rumah Sembah ba tikas nasional enggau lokal. Mayuh udah dipelajarka, bala Bahá’í di serata dunya, bekaul enggau konsep Mashriqu’l-Adhkár sereta gempung nyembah enggau servis ti diserangkung ia. Kandang renggat ke enam ba Rambau Formatif, makin mayuh deka dipelajar bekaul enggau menasan ti ngiring ari pemansang dalam komuniti ti ngembuan pengidup devotional ti galak—enggau servis ti diperansang ia—nuju ngagai pengayan Mashriqu’l-Adhkár. Mayuh jurai udah berengkah enggau beberapa iti Raban Gelumu Sambiang Bansa, lalu lebuh tu bejalai, kami deka ngerah ba maya ti patut bekaul enggau dini Rumah Sembah Bahá’í deka didirika dalam taun-taun ti deka datai.

Kami gaga meda komuniti Nama Pemadu Tebangkar udah mansang kering sekering disakum enggau pengudu penyinu ati kami meda gaya enggau penyarut ti majak nyadi di dunya ti mai penusah enggau pemedis ti balat—ke lebih agi, meda penyadi pemayuh daya pengerusak ti nyarutka hal antarabansa lalu ngenataika penakut ngagai raban mensia. Kami sigi nemu sereta ngembuan pengandal ianya, baka ti suah ditunjukka komuniti Bahá’í ba mayuh bengkah konteks, bala penitih Bahá’u’lláh endang komited deka ngenataika tulung enggau bantu ngagai orang ti ngelingi sida, nadai ngira penyuntuk sida empu. Tang semadi meh semua raban mensia deka ngatur semua hal ia bepelasar ba pengelurus enggau pengamat, akai rai, nasib ia sigi betegiu ari krisis siti ngagai krisis siti. Kami besampi ianya, enti perang ti baru nyadi empai lama di Europe deka meri ajar ngagai mensia jemah ila, ia deka nyadika tangkan ti dipeguai pasal pejalai ti mesti dititihka dunya enti ia deka bulih pemaik ti amat sereta teguh. Batang ajar ti dikenataika Bahá’u’lláh ngagai bala raja enggau bala presiden ba maya Iya suba, enggau tanggung jawab ti berat ke dipanggai Iya ngagai bala pemerintah ke dulu enggau ke diatu, nyangka lebih ngengkang sereta beguna agi diatu enti dibanding enggau maya lebuh Pen Iya nulis nya suba. Ngagai bala Bahá’í, pengelajak Pelen Besai Petara ti enda ulih ditagang—ti diserumba enggau mayuh pemerinsa ti balat enggau tebunsa, tang pengujung ia deka nganjakka raban mensia nuju pengelurus, pemaik, enggau penyerakup—nya endang dalam konteks Pelen Mit Petara, ti benung kiruh dikereja bala orang ti arap, tebantai. Gaya atur society ke maya hari tu ti enda befungsi nunjukka guna mansutka society-building power Pengarap nyata beguna amat sereta diperumban. Kami sigi nyadang, ke diatu, pengerabat enggau pengachau sigi deka terus ngemediska dunya; ari nya, kita tentu deka gaga nemu, nama kebuah tiap-tiap pengeran sampi kami minta semua nembiak Petara dilepaska ari semua pemedis enggau penusah ti pait digembar enggau sambiang ti dalam minta pemujur ke semua servis kita ti amat diguna ti dikenataika kita ngagai Pengawa Anak Raja Pemaik.

Ba tiap-klaster ke alai mayuh aktiviti Pelen bulih momentum ti betambah, kami meda pemansang mayuh komuniti ngembuan penteba mulia baka ti dikenang dalam pesan 30 December 2021. Lebuh mayuh society ngasaika mayuh macham stres, bala penitih Pemajik Abhá mesti makin bediri tebilang ketegal kualiti sida ti puh sereta rasionaliti, ketegal standard perangai sida enggau sida ngasika batang ajar, enggau pengasih, pengelengka, sereta penyabar ti dipandangka sida lebuh sida gawa ke penyerakup. Suah amat, semua penteba ti nyulut enggau perangai ti dipandangka bala orang ti arap ba kandang maya penusah ti balat ngansak orang nunga bala Bahá’í minta penerang, lalau, enggau sukung, ke lebih agi lebuh pengidup society udah tejanggal ketegal penusah enggau penyarut ti enda disadang. Lebuh bekunsika semua pemerati tu, kami nemu ianya komuniti Bahá’í empu mega ngasaika empas daya-daya pengeruntuh ti benung mangka ba dunya. Tambah mega, kami nemu ianya makin tinggi pengiruh bala pangan dalam ngerembaika Lekajaku Petara, makin kuat daya ti nyakal ke nyatup sida, lama laun, ari mayuh piak. Sida mesti ngenegapka runding enggau semangat sida ngelaban mayuh penguji ti tetap deka datai, enggai ke semua tu nimpangka integriti semua kereja sida. Tang orang ti arap nemu enda kira pemalat biau balai ba mua sida, bandung Pengawa Petara sigi ulih nipak semua nya. Tikas pejalai ia ti betunda udi ngelama tu udah meda ia mujur napi panas enggau ujan sereta belayar di atas alun gelombang. Diatu ia bekejang nuju bingkai langit ti baru. Pengentap ari Iya ti Pemadu Tegap meh kesuh ribut ti niupka layar ia lalu ngenyungka nuju penyangkai ia. Lalu Sempekat meh nyadika bintang pemalin i a , lalu nentuka bangkung suchi ia bejalai nengah arus ia ti tetap sereta betul. Ngajihka raban malikat di serega nurunka berekat ngagai semua ti belayar dalam nya.

Setaun endur besedia sereta beperagam, pia mega bebendar gawa, udah apus, dikelala enggau pengiruh bala pangan di serata dunya ngintu pengerami seratus taun Peniki ‘Abdu’l-Bahá, nyengkaum ngenataika bala pengari ngulu siti pengerami special dikena meri basa ngagai Iya di Tanah Kudus. Nengah semua pengiruh tu, peransang ti datai ari pengidup ‘Abdu’l-Bahá udah diasaika ulih mayuh semengat lalu ukai semina bala Bahá’í aja. Pengibuh Iya ke tiap iku kaban bansa mensia diri sebilik, pengawa Iya ngajar, pengawa Iya ngemansangka pelajar enggau pengelantang sosial, pengawa Iya ti nyengala dalam mayuh wachana di Timur enggau di Barat, peransang ti chukup dalam ari ati Iya ngagai semua projek nirika Rumah Sembah, pengawa Iya nempa tukuh terubah-rubah ia administrasyen Bahá’í, pengawa Iya ngeraduka mayuh bengkah aspek pengidup komuniti—semua pengawa ti begembar tu dalam pengidup Iya nyereminka pengangkun Iya ti seruran sereta tunggang ati gawaka Petara enggau gawaka bansa mensia. Kelimpah ari bediri ba legit autoriti moral Iya ngembuan seling penemu spiritual ti nadai tanding, ‘Abdu’l-Bahá sigi nyadika panchur tulin ke ditengah semua daya ti dilepaska Revelasyen Bahá’u’lláh ulih meri empas kereja ba dunya. Meretika society-building power ti dikembuan Pengarap, siku-siku enda ibuh merening jauh kelimpah ari meda semua pemujur ti ulih ‘Abdu’l-Bahá sekumbang ministri Iya enggau empas transformatif lalau ti datai enda ngetu-ngetu ari pen Iya. Chukup mayuh meh pemujur ti naka pemadas ke bisi ba komuniti Bahá’í maya hari tu— ke dikenang kami dalam pesan Riḍván nuju kita taun nyin kemari—endang bepun ari pengawa, pemutus penemu, enggau jaku perintah ‘Abdu’l-Bahá.

Nya alai, sigi patut meh, komuniti Bahá’í meri basa kolektif ngagai pemetul Teladan ia nyadika pantar dikena ngepunka pengawa besai ti befokus ba mansutka society-building power Pengarap dalam tatak ti makin mayuh. Bidang kereja ti diserangkung dalam Pelen Sembilan Taun, enggau dalam ripih pelen ke diatu, endang dituju kena ngulihka juluk ati ti besai tu. Nya mega nyadika fokus lebih 10,000 iti aum besai ti diatur di serata dunya dikena nandaka pengelanchar ke spiritual enterprise ti besai tu. Semua aum besai tu, disadang deka ngelaluka naka pemayuh orang ti ngulu ia, ngempuruka ukai semina bala Bahá’í tang mega mayuh orang bukai ti dekaka pengelantang bansa mensia ti bekunsi pengeran enggau sida ti deka nanggam penyerakup enggau ngemanahka dunya. Pemutus ati enggau pengering pengasai tuju sida udah dipanchar dalam semangat ti dipansutka ba semua gempuru ke udah bisi dipejalaika, ke alai bala orang ti ngulu udah ditanggam enggau mayuh jurai dinamik ke alai sida udah ngenataika pemeri ngagai visyen kolektif ke dipejurai maya pengerami ti ngelantangka ati tu. Kami nganti enggau pengeran sadang ke utai ti deka nyadi ba beberapa bulan enggau taun-taun ti deka datai.

Kenyau ari maya kami ngenataika pesan kena 30 December 2021 nuju Aum Besai bala Counsellor, semua Raban Gelumu Sambiang Bansa enggau Regional Bahá’í Council udah bebendar nentuka pengulih dalam neritka proses pemansang ba semua klaster ti dipegai sida kandang Pelen Sembilan Taun. Kami ngasaika bisi ulih mantu, dikena nentuka tatak pemansang ti deka nyadi ba maya ti deka datai, patut meda Pelen tu deka ngerembai dalam dua renggat ba pengelama empat taun enggau lima taun, lalu semua Raban Gelumu Sambiang Bansa dipinta ngira pemansang ti disadang ba komuniti diri empu ba Riḍván 2026 enggau ba Riḍván 2031. Pengawa tu nyengkaum beratika baru garis antara klaster, lalu asil ari ubah garis tu dia penyampau klaster di dunya udah niki sesuku lalu penyampau diatu bisi lebih 22,000. Diperati ari jangka ti diterima, dianggarka, ba ujung Pelen, program pemansang ba sekeda tikas deka bisi nyadi ba kira-kira 14,000 ari semua klaster tu. Ari penyampau tu, pemayuh klaster ke dikira manggai ba program pemansang dedat dijangka niki ngagai 11,000 dalam kandang maya nya. Lalu ari semua tu, disadang penyampau klaster ke udah ngelimpas batu tanda ketiga deka niki ngagai lebih 5,000 ba taun 2031. Enda ibuh ditanya, ngelajakka pemujur baka nya sigi begunaka pengeran ti tinggi ngereja pengawa dalam sepemanjai Pelen. Taja pia kami ngasaika tu siti niat ti lumau dikereja, laban ia nyadika juluk ati ti besai tang dikemeratka laban nya sigi ulih japai.

Tu nyemetak. Semua juluk ati ti baka nya sigi enda ulih dipikirka enti semua institusyen administratif enggau agensi enda nyata berubah, nyikap sida enggau kapasiti ti chukup tinggi dalam ngatur semua pengawa komuniti ke alai aktiviti ia udah mayuh betambah enggau jampat, nyerangkung mayuh semengat pupu bansa ti betambah. Sigi enda ulih diniatka pemansang ti baka nya enti pengingin deka belajar—gawa, ninjau, nangkap seling penemu, lalu nyerapka semua seling penemu ti ayan ba tempat bukai—enda diraduka ba semua tikas, ngerembai ngagai perayat ba komuniti. Lalu semua kereja ti bekaul enggau projeksyen baka nya sigi enda mujur enti langkah-rapat sistematik ba pengawa ngajar enggau ba ngemansangka human resource enda betambah ayan ba dunya Bahá’í. Semua tu udah mai pemujur pemereti komuniti Bahá’í ngagai identiti sereta tuju ia empu. Mutus ati deka merening ke luar dalam proses nirika komuniti udah nyadi sidan ti ditumbuhka ba daya idup mayuh, mayuh tempat; diatu ia ngerembai, ba makin mayuh komuniti, nyadi asai tanggung jawap ti amat dalam ngulihka pemansang spiritual enggau pemansang material ngagai makin mayuh semayuh raban dalam society, ngilah jauh ari bala kaban komuniti Bahá’í empu. Semua kereja bala pangan dalam nirika komuniti, enggau dalam social action, lalu ngenataika pemeri ngagai wachana ti bisi nyadi ba society udah bejantil nyadi siti enterprise global, ditanggam enggau siti langkar-kereja kena gawa ti sama, dituju ngagai nulung bansa mensia numbuhka semua pengawa ia bepugu ba batang ajar spiritual. Pemesai guna semua pemansang ti udah dikenang kami, manggai ba titik tu pengudah seratus taun Atur Administratif berengkah didudukka, enda ulih dikelaung. Kapasiti ti balat betambah ke udah nyadi dalam kandang dua puluh taun ti lalu— enggau ke ulih ngasuh dunya Bahá’í meda semua kereja dalam reti mansutka society-building power Pengarap—kami meda kelai ti enda ulih disakal ianya Pengawa Petara udah masuk ngagai renggat ke enam dalam Rambau Formatif. Kami bisi ngerah maya Riḍván ke udah ianya fenomena pemayuh orang ti enggau dalam aktiviti Bahá’í, ke ditungkun enggau pengarap ati, lalu bulih pengelandik enggau pengulih gawaka komuniti sida nya nandaka renggat ketiga dalam Pelen Pengudus ari Master udah berengkah; nya alai, Pelen Satu Taun, maya ia berengkah suba lalu diatu ia udah tutup, udah ngaga kelai ke sebagi ari pemujur historik ti udah dikemajuka raban ti taluk. Lalu ba pemetung pengawa ti baru, ti besai, raban orang ti arap ti beserakup tu bediri sedia deka ngerampas semua peluang ti tebuka besai ba mua sida.

Siti penteba ti nyengala ba renggat ke diatu udah tutup ianya udah nirika Rumah Sembah kontinental ti penudi lalu ngepunka mayuh projek numbuhka Rumah Sembah ba tikas nasional enggau lokal. Mayuh udah dipelajarka, bala Bahá’í di serata dunya, bekaul enggau konsep Mashriqu’l-Adhkár sereta gempung nyembah enggau servis ti diserangkung ia. Kandang renggat ke enam ba Rambau Formatif, makin mayuh deka dipelajar bekaul enggau menasan ti ngiring ari pemansang dalam komuniti ti ngembuan pengidup devotional ti galak—enggau servis ti diperansang ia—nuju ngagai pengayan

Mashriqu’l-Adhkár. Mayuh jurai udah berengkah enggau beberapa iti Raban Gelumu Sambiang Bansa, lalu lebuh tu bejalai, kami deka ngerah ba maya ti patut bekaul enggau dini Rumah Sembah Bahá’í deka didirika dalam taun-taun ti deka datai.

Kami gaga meda komuniti Nama Pemadu Tebangkar udah mansang kering sekering disakum enggau pengudu penyinu ati kami meda gaya enggau penyarut ti majak nyadi di dunya ti mai penusah enggau pemedis ti balat—ke lebih agi, meda penyadi pemayuh daya pengerusak ti nyarutka hal antarabansa lalu ngenataika penakut ngagai raban mensia. Kami sigi nemu sereta ngembuan pengandal ianya, baka ti suah ditunjukka komuniti Bahá’í ba mayuh bengkah konteks, bala penitih Bahá’u’lláh endang komited deka ngenataika tulung enggau bantu ngagai orang ti ngelingi sida, nadai ngira penyuntuk sida empu. Tang semadi meh semua raban mensia deka ngatur semua hal ia bepelasar ba pengelurus enggau pengamat, akai rai, nasib ia sigi betegiu ari krisis siti ngagai krisis siti. Kami besampi ianya, enti perang ti baru nyadi empai lama di Europe deka meri ajar ngagai mensia jemah ila, ia deka nyadika tangkan ti dipeguai pasal pejalai ti mesti dititihka dunya enti ia deka bulih pemaik ti amat sereta teguh. Batang ajar ti dikenataika Bahá’u’lláh ngagai bala raja enggau bala presiden ba maya Iya suba, enggau tanggung jawab ti berat ke dipanggai Iya ngagai bala pemerintah ke dulu enggau ke diatu, nyangka lebih ngengkang sereta beguna agi diatu enti dibanding enggau maya lebuh Pen Iya nulis nya suba. Ngagai bala Bahá’í, pengelajak Pelen Besai Petara ti enda ulih ditagang—ti diserumba enggau mayuh pemerinsa ti balat enggau tebunsa, tang pengujung ia deka nganjakka raban mensia nuju pengelurus, pemaik, enggau penyerakup—nya endang dalam konteks Pelen Mit Petara, ti benung kiruh dikereja bala orang ti arap, tebantai. Gaya atur society ke maya hari tu ti enda befungsi nunjukka guna mansutka society-building power Pengarap nyata beguna amat sereta diperumban. Kami sigi nyadang, ke diatu, pengerabat enggau pengachau sigi deka terus ngemediska dunya; ari nya, kita tentu deka gaga nemu, nama kebuah tiap-tiap pengeran sampi kami minta semua nembiak Petara dilepaska ari semua pemedis enggau penusah ti pait digembar enggau sambiang ti dalam minta pemujur ke semua servis kita ti amat diguna ti dikenataika kita ngagai Pengawa Anak Raja Pemaik.

Ba tiap-klaster ke alai mayuh aktiviti Pelen bulih momentum ti betambah, kami meda pemansang mayuh komuniti ngembuan penteba mulia baka ti dikenang dalam pesan 30 December 2021. Lebuh mayuh society ngasaika mayuh macham stres, bala penitih Pemajik Abhá mesti makin bediri tebilang ketegal kualiti sida ti puh sereta rasionaliti, ketegal standard perangai sida enggau sida ngasika batang ajar, enggau pengasih, pengelengka, sereta penyabar ti dipandangka sida lebuh sida gawa ke penyerakup. Suah amat, semua penteba ti nyulut enggau perangai ti dipandangka bala orang ti arap ba kandang maya penusah ti balat ngansak orang nunga bala Bahá’í minta penerang, lalau, enggau sukung, ke lebih agi lebuh pengidup society udah tejanggal ketegal penusah enggau penyarut ti enda disadang. Lebuh bekunsika semua pemerati tu, kami nemu ianya komuniti Bahá’í empu mega ngasaika empas daya-daya pengeruntuh ti benung mangka ba dunya. Tambah mega, kami nemu ianya makin tinggi pengiruh bala pangan dalam ngerembaika Lekajaku Petara, makin kuat daya ti nyakal ke nyatup sida, lama laun, ari mayuh piak. Sida mesti ngenegapka runding enggau semangat sida ngelaban mayuh penguji ti tetap deka datai, enggai ke semua tu nimpangka integriti semua kereja sida. Tang orang ti arap nemu enda kira pemalat biau balai ba mua sida, bandung Pengawa Petara sigi ulih nipak semua nya. Tikas pejalai ia ti betunda udi ngelama tu udah meda ia mujur napi panas enggau ujan sereta belayar di atas alun gelombang. Diatu ia bekejang nuju bingkai langit ti baru. Pengentap ari Iya ti Pemadu Tegap meh kesuh ribut ti niupka layar ia lalu ngenyungka nuju penyangkai ia. Lalu Sempekat meh nyadika bintang pemalin i a , lalu nentuka bangkung suchi ia bejalai nengah arus ia ti tetap sereta betul. Ngajihka raban malikat di serega nurunka berekat ngagai semua ti belayar dalam nya.

Lebuh Pengerami ke Pemadu Besai nyau makin semak, kami udah diangkat enggau asai ati ti beterima kasih sereta enggau sadang--beterima kasih ke pemanah ketegal Bahá’u’lláh udah ngasuh bala penitih Iya bulih pemujur, penyadang ke utai ti dikandal ke pagila lusa.

Segang ti nyadi ketegal pengerami ke dua ratus taun Pengada Bahá’u’lláh ti diintu di serata dunya udah semina mansang kenyau ari maya nya. Peneras pemansang raban Bahá’í, penyungkak kapasiti, enggau pengulih ia narit pengering makin mayuh kaban ia nyengala dipeda ari simpul pemujur ia di serata dunya apin lama ke udah. Ari semua tu, aktiviti nirika raban ke nyengala agi udah mayuh bendar nambah. Pelen Lima Taun ke diatu ke nyambung pengawa dua puluh taun dikereja ulih dunya Bahá’í ti ngalus sereta nambahka aktiviti enggau lebih sistematik--tang nyata bendar, dalam dua taun setengah keterubah ba Pelen tu, penyampau aktiviti pugu aja udah betambah lebih ari setengah. Raban di serata dunya udah nunjukka kapasiti ulih mai, ba sebarang maya, lebih sejuta mensia dalam aktiviti ti baka nya, nulung sida matau sereta nyaut pemansang semengat ti bendar. Dalam maya ke enda lama nya, penyampau serumpu alai besambiang betambah nyau deka belipat kajang--utai ke chukup beguna dikena ngerapatka raban mensia ke makin beserara ari Pun pengandal enggau pengasih. Pemansang tu ngembuan danji ti spesial, laban serumpu sambiang ngisi semengat baru ngagai pengidup raban. Dianyam enggau pengawa pelajar ba semua tikas umur, ia nyungkakka peninggi tuju pengawa nya: alai ngemansangka raban ti dikelala ketegal sida nyembah Petara sereta gawaka bansa mensia. Nadai dibukai pekara tu lebih nyata kelimpah ari dalam klaster ke alai orang enggau dalam chukup pemayuh ba aktiviti Bahá’í seruran ditan lalu bala pangan udah ngelebus batu tanda ketiga dalam pemansang raban sida. Kami gaga bendar ati meda penyampau klaster alai proses pemansang udah naka kediatu betambah ngagai lebih belipat kajang kenyau ari Pelen berengkah lalu diatu bisi kira lima ratus iti.

Lansa pansik tu enda ulih nyerita enggau nenak tikas transformasyen ke benung nyadi. Rampa tinjau dua taun ke agi tinggal ba Pelen tu endang tampak. Mayuh udah dijapai ba taun tu tadi ari ti mayuh bekunsika pelajar ke diulih ari klaster ke ngembuan program pemansang ke lebih kering ianya, baka ke dikarap kami, udah nyadi lubuk penemu enggau sumber. Pusat Ngajar Antarabansa, bala Pengelalau, sereta penyanding sida ke nadai ngira pengelelak enda ngetu nentuka bala pangan ba sebarang endur di dunya tau bulih penguntung ari peneras pelajar lalu nguna seling penemu ke udah ulih ba realiti sida empu. Kami lantang ati meda makin mayuh klaster, enggau tempat ti besemak pendiau enggau tumpuk dalam nya, nukleus bala pangan udah ayan nengah gawa enggau ninjau udah tetemuka utai ke diguna, lalu ba siti siti maya, ke proses pemansang dikena ngemajuka endur sida. Sida nguna penguat pekakas institiut, nengah nya kapasiti ke meri ngagai pengaya pemansang semengat enggau pemansang material ba raban udah disungkak, lalu lebuh sida gawa, penyampau orang ke enggau sida pen betambah. Endang amat, gaya ba tempat siti enggau tempat siti sigi bebida, baka nya mega gaya pemansang. Tang nengah pengawa ti berurun, genap iku ulih ngenataika pemeri ti lebih semitan ngagai kereja ke benung dipejalai. Ba genap endur, sigi bisi pengaga ti tulin lebuh mai bala semengat bukai dalam randau ke bebatang sereta ngelantang ke nuju, sekalika jampat tauka beseranyat, ngagai pemudah nerima pemansang semengat. Makin tampak api ke ditungkun ba ati orang ke arap, makin kuat kuasa penarit ke diasai orang ti kena laban pengangat ia. Lalu ngagai ati ke ditunu enggau pengerindu ke Bahá’u’lláh, nama pengawa ke lebih ngakun agi ari ti ngiga semengat ke ngembuan peneka ti sama, meransang sida lebuh sida masuk ngagai menasan gawa, nyempulang sida lebuh sida makin bulih peneleba lalu--dipelaba pengaga ke pemadu tinggi ari semua—ia nya meda bala semengat tu nyadi tetap ba pengarap ati sida, angkat kediri, lalu mantu orang bukai nengah pejalai ke sama. Tu mih sekeda ari utai ke pemadu dikerindu ari semua maya ke ulih dikenatai ari pengidup ke sementara tu

Peluang ngemajuka enterprise kudus tu makin ngerinduka ati laban pengerami ke dua ratus taun Pengada Báb makin semak. Baka pengerami ke dua ratus taun ke dulu ari tu, pengerami tu endang maya ke pemadu berega enda ulih dikira. Ia nyendiaka peluang ke chukup manah ngagai semua Bahá’í endur ngenanika orang ngelingi sida tentang pemesai Hari Petara, ngagai pemayuh pengerarat pengasih serega ke dikelai enggau penatai dua iku Seruan Petara, Penampak ke betunda udi ke udah nerangka bingkai langit dunya. Singkang ke ulih dikereja dalam dua pusin ke deka datai endang ditemu semua ari peneleba ngintu pengerami ke dua ratus taun dua taun ke udah, lalu semua utai ke dipelajar maya nya mesti dipanchur ngagai langgur pengawa dikena ngintu Pengerami Hari Pengada Besapit ti Kudus ke taun tu. Lebuh pengerami dua ratus taun nyau makin semak, kami deka selalu besampi ngarika kita ba Sungkup Suchi, besambiang ngambika kereja kita ngakun bebasaka Báb deka mujur lebuh ti ngemajuka Pengawa Petara ti dipadah Iya.

Penutup ke abad keterubah Rambau Formatif semina agi tinggal dua taun setengah. Ia deka nyengkabung penerit pengawa seratus taun dalam ngenegap enggau ngerembaika pelasar ke udah diduduk enggau naka beberantu kandang Rambau Bujang Berani Pengarap. Nya mega maya alai raban Bahá’í nanda seratus taun Pengangkat ‘Abdu’l-Bahá , maya lebuh Tuai ke dikerindu dilepas ari kurung dunya tu lalu begulai baru enggau Apai Iya ba pengenduh pengelantang penampak serega. Pengawa nguburka Iya, ke diatur sehari pengudah nya, nyadi siti maya "ke nadai kala udah dipeda baka nya di Palestine". Ba pengujung nya, tubuh Iya ke udah nadai digali di dalam sungkup ba Mausoleum Báb. Taja pia, nitihka sadang Shoghi Effendi tu semina atur ke sementara. Siti Sungkup deka didiri, ngipakka peninggi penuduk ‘Abdu’l-Bahá ba maya ke patut.

Maya nya udah datai. Dunya Bahá’í diatu dikangau nirika edifis ke deka selama ia nyimpan rangkah suchi nya. Ia deka didiri dalam kandang Kebun Ridván, ba tanah ke diberekat ulih tujah tapa kaki Pemajik Beberekat; ari nya

Sungkup ‘Abdu’l-Bahá deka duduk ba selepak bengkung antara Sungkup Suchi di 'Akka enggau Haifa. Kereja bekaul enggau pelen arkitek benung digaga, lalu penerang ke mayuh agi deka dikunsi dalam beberapa bulan ke deka datai.

Asai ati ke naka pengaga diatu ngalun dalam kitai, lebuh kitai ngerundingka taun ke deka datai enggau semua ke didanji dalam ia. Kami ngadap ngagai genap iku kita--bala ke kiruh gawaka Bahá’u’lláh, ngereja pengawa ti pulaika pemaik ba tiap-tiap menua--ngamatka kangau ke tinggi nuju kita.

Dua realiti ke ayan ngansak kami ngenataika lekajaku tu ngagai kita. Realiti keterubah ianya pengeleda ti mansang di selampur dunya pasal penusah ti regah-regah sereta ngenakut ketegal pengerekai koronavirus. Ba mayuh menua, taja gempung pengiruh ti berani sereta terit udah dipejalaika dikena nyeliahka rabat, gaya ke nyadi udah raya, ti mai trajedi ngagai mayuh orang diri sebilik enggau siku siku lalu nempalungka serata raban mensia ngagai krisis. Beberapa alun gelumbang pemedis enggau merampau nyau mangka ke tempat siti ngagai tempat siti, lalu deka ngelemika mayuh bengkah menua ti bebida, ba maya ti bebida, dalam jalai ti bebida.

Realiti ti kedua, siti ke makin nyata genap hari, ianya pengepuh sereta pengering ke enda langkang ba dunya Bahá’í dalam napi chabar ke nadai kala baka nya dalam pengingat pengidup. Saut ari kita chukup nyulut. Lebuh kami nulis ngagai kita sebulan ke udah maya Naw-Rúz, kami keran deka madah ngenang pemanah kualiti ti ditunjukka mayuh komuniti lebuh sidan aktiviti ti baka selama nyau tejanggal. Semua utai ke nyadi dalam beberapa minggu nangkan nya, alai mayuh bala pangan nyau diasuh nitihka atur sekat ti makin terit, udah nambahka puji ari ati kami. Belajar ari peneleba ke udah ulih ari tempat bukai di dunya, sekeda komuniti udah tetemuka jalai ti likun sereta kreatif dikena ngangkatka pemereti bekaul enggau guna nyaga pengerai bala mayuh ba raban mensia. Perati ti spesial patut diberi ngagai orang ke mudah kena rampit virus sereta penusah penatai pemisi ti nyadi ketegal pengerembai ia; pengawa ti dicherita dalam Bahá’í World News Service bekaul enggau tu nya semina segenggam ari pemayuh ke enda ulih dikira ti benung dipejalaika. Tu endang disaup enggau pengawa ti meresa, meransang, sereta nanam kualiti spiritual ke chukup diguna ba maya tu. Mayuh pengawa baka nya dipejalai ba unit diri sebilik tauka kediri, tang ba endur ti ngemendarka tauka perengka komunikasyen meri ia ulih dikereja, asai segempung ati ti naka peninggi endang terit dikemansang ulih bala semengat ti bekunsika gaya ti sebaka. Dinamik pengidup komuniti, ti chukup beguna dikena sama bela mansang, enda deka dikelemi.

Peransang ati kami ditegi laban ti meda baka ni pengulih Raban Gelumu Sambiang Bansa, bala jeneral Sedadu Penampak ti puh, udah ngiring komuniti sida lalu nempa saut sida napi krisis. Sida mega udah disukung kuat ulih bala Pengelalau sereta penyanding sida, baka selama seruran, negi tinggi enggau pemerani tikas servis ti bepengerindu. Laban seruran nemu pasal utai ke nyadi ke jampat berubah ba menua sida, Raban Gelumu mega ngaga atur ti diguna lalu ngatur pengawa Pengarap, lalu kelebih agi dalam ngatur bepilih, enti tu agi ulih dipejalaika. Nengah komunikasyen ti bejarit, bala institusyen enggau ajensi udah meri lalau ti landik, meri penetap ti ngelantang, sereta seruran meri peransang.

Ba mayuh maya, sida mega berengkah ngelala batang penemu ti ngemansang ke ayan ari randau ti tebuka ba raban sida. Sadang ti dikenatai kami dalam pesan

Naw-Rúz ianya penanggul tu ti nguji pengepuh bansa mensia deka meri ia seling penemu ke makin besai diatu udah nyata. Bala ketuai, bala pemikir ti tebilang, enggau bala komentator udah berengkah nyidi pugu konsep enggau niat ti berani, alai dalam maya ke empai bangat lama dulu suba, jarang bendar disebut dalam randau mensia mayuh. Kediatu tu semina cheli ti baru pansut, taja baka nya ia nunjukka bisi peluang maya gempung pengeleda tau ulih dipeda.

Penyamai ati kami meda pengeliat ati dunya Bahá’í dalam ngayanka diri ngereja pengawa lalu digulai enggau penusah ati kami meda empas pengerekai penyakit nuntung bansa mensia. Akai rai, kami nemu ianya bala orang ke arap enggau bala kaban sida sama bela ngasaika pemedis. Takah penyauh antara bala pangan enggau kaban belayan, ketegal nitihka atur pengelikun bala mayuh, ke disepi mayuh mensia di dunya lalu agi mengkang dipejalaika ba maya tu, ke sekeda orang, ngujungka beserara ti tetap. Ba tiap teberingkas tawas gaya nyau majak nyengala makin mayuh pemedis deka ditapi sebedau matahari padam. Arapka semaya betemu baru dalam dunya ti meruan deka mai pengaga ngagai sida ke udah lenyau orang ti dikesayau sida. Kami besambiangka pengelantang ati sida, lalu bantu pengasih Petara ngerayung sida ke alai pelajar sida, pengidup sida, rumah sida, nyentukka jalai pengidup sida pan dalam penusah. Ngagai kita, sereta orang ti diasi kita, enggau semua kaban kita, kami besampi ngagai Bahá’u’lláh lalu minta enggau pemaruh ati ke berekat enggau pengasih Iya.

Enda kira berapa pemanjai enggau pemedis jalai ti mesti ditujah, kami ngembuan pengandal ti tinggi dalam penegap kita enggau pemutus ati kita nembuka pejalai. Kita ngambi ari tibang pengandal, pengarap, sereta pengasih, ngengkahka guna orang bukai dulu ari enggi diri empu, ngasuh orang ti dikemelu bulih tupi pemansang semengat, sida ti makin aus ke saut tau tepantup ati, lalu sida ti ingin deka gawaka pemanah dunya tau diberi chara. Ari bala penitih ti angkun ke Pemetul Beberekat, baka ni kami tau nyadang kurang ari tu?

Lekajaku ke penudi dalam chapter ti pemadu dikingat dalam sejarah Pengawa Petara diatu udah ditulis, lalu lambar dibuka. Riḍván tu nanda penutup ke taun ti ngelui ari selama, siti Pelen Lima Taun, ba siti ripih semua Pelen ti berengkah dalam taun 1996. Siti ripih Pelen ti baru ngangau, enggau mayuh semaya ti beguna ba duabelas bulan nyadika pemantar ngagai pengawa sembilan taun ke deka berengkah ba Riḍván ke deka datai. Kami meda ba mua kami siti komuniti ti jampat udah bulih pengering lalu besedia deka ngambi singkang besai ke mua. Tang patut nadai igau bekaul enggau pemayuh pengiruh dikena ngenataika diri ba penuduk tu lalu naka pemedis meh alai nyapai mayuh seling penemu ti diulih sepemanjai jalai: mayuh pelajar ti dipelajar deka nukuh komuniti ke jemah ila, lalu cherita bakani nya dipelajar deka meri penerang ngagai ia ti deka datai.

Beberapa puluh taun nuju ngagai taun 1996, kaya dalam pemansang sereta mayuh seling penemu sida empu, udah nunjuk nadai pengakang ianya mensia dalam penyampau ti besai ba mayuh society besedia deka masuk di baruh menira Pengarap. Taja, peluang endur masuk beraban endang bisi, tang nadai proses ti ulih nipak dikena ngetanka pemansang dalam ngeraduka ia ba mayuh bengkah gaya setting. Mayuh tanya ti nyemetak nuntung komuniti alai, ba maya nya, ia enda chukup peneleba dikena meri saut ti engkeman. Bakani pengawa ti ngembuan tuju deka ngerembai bejalai segembar enggau proses ngenegap lalu mutarka chabar ti mar, ti lama udah bisi, dipeda nekul pengenan pemansang? Bakani siku siku, institusyen enggau komuniti tau didiri sereta ulih nyalin ajar Bahá’u’lláh nyadi kereja? Lalu bakani bala ti tetarit ngagai ajar tau nyadi protagonis dalam enterprise spiritual global?

Baka nya meh utai ti nyadi, sesuku abad ti lalu, komuniti Bahá’í agi bisi tiga iku Jari Pengawa Petara ti ngulu sida maya berengkah ngereja Pelen Empat Taun, tebilang ari ia ti dulu ari nya ke ngembuan fokus ba siti tuju: pengangkat signifikan dalam proses masuk beraban. Tuju tu udah nukuh ripih semua Pelen ke entudi nya. Komuniti nyau mereti ianya proses tu ukai semina masuk ngagai Pengarap dalam mayuh raban ti besai, tauka ia deka ayan ngenyit; ia ngembuan empas pengerembai enggau penegap ti bisi tuju, sistematik sereta dikenyampat. Kereja tu begunaka naka pemayuh bala semengat ti udah dipadah sama gawa, lalu dalam taun 1996, dunya Bahá’í dikangau napi chabar pelajar ti besai ti diguna. Ia dipinta numbuhka sangitkaul institut pematih ti ngembuan fokus deka nambahka penatai makin mayuh orang siku siku ke disikap enggau kapasiti ti diguna kena ngenanka proses pemansang.

Bala pangan ti enggau ngintu kereja tu nemu ianya, nadai ngira pemenang sida ke dulu suba dalam pengawa ngajar, nyata bendar sida mayuh utai ti deka dipelajar pasal ni bagi kapasiti ke patut diulih lalu, beguna amat, bakani ngulihka nya. Dalam mayuh chara, komuniti belajar ari ti ngereja, lalu semua pelajar ti udah dipelajar, udah ia ditapis sereta dialuska lalu diguna ba mayuh bengkah gaya setting ba maya ti lama, nya baru dipasuk dalam perengka pelajar. Endang dikelala ianya sekeda aktiviti sigi saut asal ngagai guna spiritual raban mensia. Study circle, kelas anakmit, serumpu sambiang, lalu udah nya grup nembiak lanjau nyulut dipeda nyadi pugu ti beguna dalam pekara tu, lalu dianyam begulai enggau semua aktiviti bukai ti bisi kaul, dinamik ti nyadi tau mansutka sidan pengeregas pengidup komuniti. Lalu lebuh makin mayuh orang enggau dalam aktiviti pugu tu, dimensyen ti baru mega ditambah ngagai tuju asal ia. Sida gawa nyadika penama ke ditengah bala nembiak, orang besai tuai sereta serampur diri sebilik ari society luas tau betunga enggau Revelasyen Bahá’u’lláh. Nyau lebih nyata agi ulih dikereja lebuh ngerundingka strategi dikena gawa nirika komuniti dalam konteks “klaster”: siti sitak geographik ti ulih diintu ke ngembuan penteba rama enggau ekonomi ti nyemetak dipeda. Kapasiti nyendiaka pelen ti mudah ba tikas klaster berengkah diradu, lalu pansut ari pelen ti baka nya, progrem pemansang ba Pengarap mega ayan, diatur dalam pusin aktiviti tiga bulan. Siti pekara ti terang beguna mesti ayan dulu: pejalai siku siku nengah ripih kos meri peransang ke, lalu diteruska enggau, pejalai klaster niti arus pemansang. Kaul ti begembar mantu bala pangan ba tiap endur nyidi dinamik pemansang ba endur ngelingi sida empu lalu ngerintis menasan nuju penambah pengering. Nyau kelama, ditemu bisi asil lebuh meda utai ti nyadi dalam klaster nengah kedua dua perspektif ianya perspektif tiga imperatif pelajar—ti dikenatai ngagai bala anakmit, nembiak lanjau, sereta bala nembiak enggau orang besai tuai—lalu pia mega perspektif pusin aktiviti ti beguna ngagai rentak pemansang. Separuh jalai ngagai pengawa ti dikereja kandang duapuluh lima taun, mayuh ari nya nyadi penteba ti nyengala dipeda dalam proses pemansang kediatu nyau majak entap.

Lebuh pengawa bala pangan nyau dedat, mayuh batang ajar, konsep enggau strategi ke selampur relevan ngagai proses pemansang mupuk nyadi ke perambu kereja ti tau mansang deka nerima mayuh elemen baru. Perambu kereja tu nyata beguna dikena mansutka pengeregas penguat pengidup. Ia mantu bala pangan manchurka tenaga sida dalam mayuh chara, baka ti ditunjuk ari peneleba, ti pulaika pemanah pemansang komuniti ti gerai. Tang perambu kereja tu ukai siti formula.

Lebuh ngambi kira mayuh bengkah elemen perambu kereja dalam nyidi realiti siti klaster, siti lokaliti, tauka semina siti genturung pendiau, dia sidan aktiviti tau dikemansang nitihka utai ti udah dipelajar dunya Bahá’í ba tempat bukai dalam nyaut utai ti diguna ba tempat nya. Siti dikotomi antara guna ti terit ba sepiak enggau peneka siku siku ti nadai tatak ba sepiak meri jalai ngagai pemereti ti lebih manah agi ba mayuh bengkah chara bakani siku siku tau nyukung proses nya, nyadi kah ianya, ia bekaul-kait sereta seruran dialuska lebuh peneleba udah dikukun. Awakka nadai pengakang dalam pemansang ti ditunjuk nengah pemansut perambu kereja tu: empas pengawa begempung enggau beserakup ba serata dunya Bahá’í lalu ngenyungka penerus pejalai ia endang bisi empas penyadi ti besai.

Lebuh siti Pelen betunda udi enggau ke siti, lalu enggau dalam pengawa nirika komuniti makin lebih luas, pemansang ba tikas daya idup mega makin nyata. Ambika banding, pemesai guna meri pelajar ngagai sida rebak ke agi biak nyau makin diterima, baka nya mega pengulih ti ngelui ari selama ke lebih agi diayan bala nembiak lanjau. Bala semengat nyukung sereta nyempulang pangan diri nengah menasan ti dikunsi, seruran ngemesaika agi sengkaum betulung pangan diri, nyadi sidan alai semua pengawa ke dituju ngagai ngemansangka kapasiti ti nyadika niat servis. Nyentukka kaul antara bala pangan empu sereta kaul sida enggau orang ngelingi sida mega bisi ubah, lebuh pengeleda kuasa randau bebatang diangkatka dia penerima spiritual ditungkun sereta ditiup. Lalu chukup beguna, mayuh komuniti Bahá’í ngembuan orientasyen perening ke luar ti makin betambah. Sebarang semengat ke deka nerima visyen Pengarap tau nyadi orang ke enggau ti regas— nyentukka nyadi promoter enggau fasilitator—mayuh aktiviti pelajar, aum endur besambiang enggau mayuh elemen bukai dalam pengawa nirika komuniti; ari bala semengat ke baka nya, mayuh mega sida madahka pengarap diri ba Bahá’u’lláh.

Nya alai, penemu pasal proses masuk beraban mayuh ayan kurang bepanggai ba teori enggau pelaba tang lebih ba peneleba ti amat bakani mayuh orang tau tetemuka Pengarap, makin beteleba enggau nya, dikelala enggau tuju ia, enggau dalam mayuh aktiviti sereta randau ia, lalu mayuh mega nerima nya. Kebendar, lebuh proses institut dikeringka ba bengkah menua siti ngagai bengkah menua siti, pemayuh orang siku siku ti sama bela bekunsi dalam pengawa Pelen, dikemanjai sampai ke ngagai orang ti baru bekelala enggau Pengarap, udah ngerembai belipat lipat. Tang tu ukai dikereja ketegal deka ngulih ke pemayuh tubuh. Siti visyen transformasyen ba siku siku enggau beraban bela benung nyadi, bepun ari ti belajarka Lekajaku Petara lalu nerima kapasiti tiap iku endang tau nyadi protagonis dalam drama spiritual ti nyengala, udah ngadaka pengasai ati deka ngereja pengawa ti sama.

Siti ari penteba ti chukup nyulut sereta meransang ati dalam kandang pengelama duapuluh lima taun tu ianya servis ti dikenataika bala nembiak Bahá’í, ke ngembuan pengarap enggau pemerani udah ngengkahka sida ba pematut tempat sida ba luan pengawa komuniti. Nyadi bala pengajar ba Pengawa Petara enggau pengajar ke sida ti biak, nyadi bala mobile tutor enggau homefront pioneer, nyadi klaster koordinator enggau nyadi kaban ba mayuh bengkah agensi Bahá’í, bala nembiak ba lima kontinen udah angkat gawaka komuniti sida enggau pengangkun sereta bekorban. Maturiti ke udah ditunjuk sida, dalam bejalaika ungkup kereja sida dalam ngemansangka Pelen Petara, mandangka penguat pengidup spiritual sida enggau pengeran sida deka nyaga pemanah pengidup mensia jemah ila. Ngelala tanda pengamat ti makin nyata bekaul enggau maturiti tu, kami ngaga pemutus ianya, tekala nya pengudah Riḍván tu, taja umur orang ti arap ke tau gawa ba Raban Gelumu Sambiang agi terus ba umur duapuluh satu, umur orang ti arap ke tau ngundi dalam bepilih Bahá’í deka diturun ngagai lapanbelas taun. Kami nadai kakang ianya bala nembiak Bahá’í ba semua tempat ke udah chukup umur deka nyukung pengandal kami dalam pengulih sida alai tiap iku ngamatka pinta nyadi pengundi Bahá’í ti

“silik sereta rajin” bejalaika “ungkup-kereja suchi”.

*

Kami nemu ianya, sigi ke gaya ia, realiti komuniti sigi jauh bebida. Komuniti bansa ti bebida, tempat ti bebida dalam komuniti nya, berengkah enggau riris Pelen ba tikas pemansang ke bebida: kenyau ari nya, sida mega udah mansang ba pengelaju ti bebida lalu udah datai ba tikas pemansang ke bebida. Tu, dalam gaya ia empu, ukai utai ke baru. Endang seruran ke baka nya ianya gaya ba mayuh tempat enda sebaka, lalu bakanya mega gaya penerima ba tempat nya.Tang kami ngasaika, mega, lenggang pasang, ke alai kapasiti, pengandal enggau kukun peneleba ba nyau deka semua komuniti diatu udah angkat, dikelapungka enggau pemujur komuniti ti sama ke bukai baika semak tauka jauh. Nyadika siti chunto, lebuh bala semengat angkat muka lokaliti menua ke baru dalam taun 1996 endang nadai pengurang ba pemerani, pengarap enggau pengangkun, diatu bala ke ngereja pengawa ke sama di sebarang endur mega nambahka qualiti ti sama nya enggau penemu, pengelansik ti dalam sereta pengelandik ti udah dikukun dalam pengelama dua puluh lima taun ba pengawa ti dikereja di selampur dunya Bahá’í ngerurun sereta ngaluska pengawa ngerembai enggau ngenegap.

Enda ngira tikas endur komuniti berengkah, ia endang udah ngangkatka proses pemansang lebuh ia udah begulaika kualiti pengarap, pengepuh sereta mekuh enggau besedia deka belajar. Ke bendar, legasi ti amat diasika dalam ripih semua Pelen ianya penyauh pengerembai penerima ke alai kereja dikena ngangkat berengkah enggau orientasyen deka belajar. Pemudah batang penemu tu enda ngipakka pemesai empas ia ti deka pegari ari nya. Kami endang nadai pengirau ianya tetiap klaster, nyau kelama ila, deka maju niti arus pemansang: komuniti ti balat udah angkat enggau jampat agi, bebanding enggau tempat ke ngembuan gaya enggau peluang ti sama, udah mandangka pengulih ngeringka penyerakup runding lalu belajarka pasal kereja ti semitan. Lalu sida ngereja nya enggau nadai pengakang gawa.

Mekuh pengawa belajar tu mega enda takutka bisi penyilap - lalu kekadang, sigi amat, penyilap bisi ngasuh enda lantang. Endang disadang, chara ke baru enggau langkah-rapat sigi terubah dipelajaika enggau nadai pengelandik laban ke kurang peneleba: kekadang, pengulih ke baru udah dipelajar ngena siti gaya temu lenyau lebuh maya siti komuniti kiruh ngemansangka chara ke siti agi. Ngembuan tuju ke pemadu manah nya ukai nyamin nadai salah singkang, lalu maju ninggalka nya begunaka pemaruh ati enggau pengelengka. Lebuh siti komuniti meruan keran deka mandangka pengeliat lalu belajar ari penyilap ti sigi selalu nyadi, pemaju endang enda kala enda ulih dijapai.

Ba tengan ripih semua Pelen, nya baru pengawa raban ba pengidup society deka terus lebih diberi perati. Bala pangan deka diperansang berundingka tu dalam dua bengkah pengawa ti bekaulkait - kereja sosial enggau dalam randau rama ke benung nyadi ba society. Semua tu, endang sigi, ukai ke ganti pengawa ngerembai enggau ngenegap, lebih agi ukai ngelimpangka nya: semua tu endang di dalam pengawa dua iti nya. Lebih mayuh agi sumber mensia ti ulih dikangau siti-siti komuniti, lebih kuat agi mega pengulih sida mansutka pemintar ti disimpan dalam

Revelasyen Bahá’u’lláh dikena napi chabar pengawa besari-sari - nyalin ajar Iya ngagai realiti. Lalu pekara mensia ke nyau kachau-bilau ba maya ke diatu udah baka ke ngayanka pemesai guna begigaka penawar ke diberi ulih Lutur Kudus. Reti dalam semua tu ianya pemereti pasal agama jauh bebida ari pemereti sida ke lebih agi megai kuasa ba dunya; pemereti ti ngelala agama nya kuasa ti bisa dikena ngenyungka temadun ti majak mansang belama. Endang sigi udah ditemu ianya temadun ke bakanya nadai mega deka ayan enggau ngenyit, nitihka peneka ia empu - ianya endang misyen penitih Bahá’u’lláh bebendar gawa ngambika ia ulih pegari. Misyen ti baka nya minta bejalaika proses belajar ti berurun ti sama dalam kereja sosial enggau dalam randau rama mensia mayuh

Dipeda ari perspektif sekumbang dua puluh lima taun ke udah, pengulih kereja sosial udah jauh bendar niki, ti ngujungka aktiviti udah mansang ngelui ari selama. Bebanding enggau taun 1996, ke alai semina 250 iti kereja sosial enggau pemansang projek ekonomi bisi dipejalai ari taun siti ngagai taun siti, lalu diatu bisi 1,500, lalu pia mega pemayuh gerempung ke diperansang ajar Bahá’í diatu udah bisi betambah empat kali lipat ngelui ari 160 iti. Lebih ari 70,000 inisiatif kereja sosial perayat ti serekat bisi ditumbuhka tiap-tiap taun, udah nambah lima puluh kali lipat. Kami keran deka meda semua pengawa tu majak nambah ti nyadi ketegal ari sukung penuh enggau peransang diatu diberi ulih Bahá’í International Development Organization. Bakanya mega, bala Bahá’í ke enggau dalam randau rama ke benung nyadi dalam society udah mega balat majak nambah. Kelimpah ari mayuh peluang lebuh bala pangan ulih meri penemu ari perspektif Bahá’í ti nyadi enggau lebuh bekereja tauka randau enggau orang siku siku, diatu nyau majak nyengala mayuh agi randau formal diatur. Endang bisi dalam runding kami ukai semina pengawa ti balat ngerembai enggau pemeri ti lebih sofistikated ari Komuniti Bahá’í Antara Bansa, ia ke diatu udah nambahka Opis sida di Africa, Asia enggau di Europe - tang pia mega sangitkaul pengawa Offices of External Affairs bansa, udah balat ditambah sereta ditegapka, lalu enggi sida meh bidang kereja tu endang udah nyadika batang pengawa; nambahka nya, bisi sekeda orang udah meri penemu tinjau ti jauh sereta nyengala ba mayuh bidang spesifik. Semua tu endang bisi bendar nunjukka basa, puji enggau pengerindu ti diberi bala ketuai orang ti landik bepikir enggau orang ti tebilang ba semua tikas society udah bekali-kali diberi ngagai Pengarap, bala penitih ia enggau aktiviti ti dikereja sida.

Lebuh ke berati baru dua puluh lima taun ke udah, kami temegah bendar ba mayuh pemansang ke sama sama bela udah nyadi ba dunya Bahá’í. Pengidup intelektual ia udah galak bendar, baka ke udah dipandangka ukai semina ba pengangkat ia dalam semua bidang pengawa ti udah dipejuraika, tang mega ba pemayuh litericha ti bekualiti tinggi ke udah ditulis ulih penulis-penulis Bahá’í, ba pemayuh ruang endur matau sekeda batang penemu nitihka ajar, enggau empas seminar undergraduate enggau graduate ti enggau berurun diatur Institute for Studies in Global Prosperity, ti, besaum kereja enggau Institusyen Pengawa Petara, diatu dipasuk bala anembiak Bahá’í ari lebih 100 buah menua. Pengawa ti bebendar deka nirika Rumah Sembah udah nyengala jampat amat. Indu Rumah Sembah ti penudi udah didirika ba Santiago, Chile, lalu projek deka nirika dua Mashriqu’l-Adhkár tikas bansa enggau lima tikas menua udah berengkah; Rumah Sembah ba Batambang, Cambodia, enggau ba Norte del Cauca, Colombia, udah muka pintu sida. Rumah

Sembah Bahá’í, baika nya ia ke baru bendar udah dipenyadi tauka ia ke dulu didirika, nyau mupuk majak ngambi tempat ia ba ati pengidup komuniti. Sukung material ke diberi semua peringkat bala ke arap ngagai mayuh macham pengawa ti dipejalaika ulih bala pangan Petara udah enda ulih disekat. Semina dipeda baka sukat gempung penguat pengidup spiritual, pementas enggau bekorban ti dikena, ba maya penanggul ekonomi ti balat, penatai duit fund ke pemadu diguna udah meruan belama- ukai semina nya, tang dikuatka agi - endang nyengala. Dalam dunya Administrasyen Bahá’í, pengulih Raban Gelumu Sambiang Bansa ngatur mayuh pekara dalam komuniti sida dalam gaya pemansang ti kompleks udah balat bendar disungkakka. Sida bisi bendar bulih penguntung ke lebih agi ari kaul enggau bala Pengelalau ba tikas baru ke tinggi agi, lalu ketegal sida ti ngatur gelumu ti berurun endur ngumpul seling penemu ari semua rayat diselampur dunya lalu nentuka seling penemu nya dikerembaika enggau naka pengeluas.Tu mega maya endur Regional Bahá’í Council udah nyadi siti institusyen penuh Pengawa Petara, lalu diatu bisi dalam 230 sitak menua, Council enggau institut pematih ti dijaga sida udah mandangka pemesai guna pengawa sida dikena ngangkatka proses pemansang. Nyambung ke dudi hari ila pengawa Kepala Trustee Ḥuqúqu’lláh, Jari Pengawa Petara ‘Alí-Muḥammad Varqá, International Board of Trustees ke Ḥuqúqu’lláh udah ditumbuhka dalam taun 2005; diatu ia ngatur kereja ba nadai kurang ari 33 Boards of Trustees ba tikas Bansa enggau Regional tang diatu udah mungkur dunya. lalu sida nya udah ngiring pengawa lebih 1,000 iku Wakil. Pemansang ke nyadi ba Pusat Dunya Bahá’í maya ti sama tu endang mayuh amat: penembu ngaga Teres endur Sungkup Nabi Bab enggau dua buah rumah besai ba Arc enggau ngepunka pengawa ti deka nirika Sungkup Abdu’l Bahá, tu enda nyengkaum mayuh projek dikena ngering sereta ngenanka Tempattempat Kudus ke Pengarap tu. Sungkup Bahá’u’lláh enggau Sungkup Nabi Báb, nya udah dikelala nyadika tempat ke Lanting Dunya, tempat ke enda ulih sukat pemesai reti ia ngagai mensia. Mensia mayuh nyau bebala nyentukka nyau beratus-ratus enggau beribu-ribu iku ngusung tempat suchi tu lalu diatu nyau semak sejuta setengah ba sekeda taun, lalu Pusat Dunya mega seruran ngelaluka beratus iku pilgrim ke datai serentak, lalu kekadang lebih 5,000 iku dalam kandang setaun, sama begulai enggau bala temuai Bahá’í ke bukai; kami gagit amat ati laban penambah enggau naka pemayuh mensia ari mayuh pupu bansa enggau menua ti diwakil bala ke bulih berekat pilgrimej. Teks Suchi ke udah disalin, dichelak sereta disadung mega balat bendar dilajakka, segembar enggau pemansang Bahá’í Reference Library, siti ari kaban ti nyengala dalam ruang bilik website ti bekaling enggau Bahai.org, ia kediatu bisi dalam sepuluh bansa jaku. Mayuh macham opis enggau agensi udah didudukka, bisi ba Pusat Dunya enggau bisi ba tempat bukai, diberi kereja nyukung proses belajar ti benung dikerembaika ba mayuh bengkah bidang pengawa di selampur dunya Bahá’í. Semua tu, bala menyadi dalam pengarap, nya semina mimit aja ke ulih dicherita kami bekaul enggau pengangkun kita ngagai Iya Siku Dipesalah ke Dunya udah dibai ke mua. Kami ulih tang nunda lekajaku sedu-sedan ti kala disebut Tuai ti dikerindu, lebuh, dialah laban penyinu, Iya manjung: “O Bahá’u’lláh! Nama ti udah dikereja Nuan?”

*

Ari panorama suku abad ke pemadu ia beguna, kami diatu nungaka pekuh kitai ngagai Pelen Lima Taun ti baru udah lalu, siti Pelen ke enda tentu sebaka dalam mayuh bengkah jalai enggau ia ke dulu ari nya. Dalam Pelen tu kami minta bala Bahá’í di dunya nguna semua utai ke udah dipelajar sida dalam kandang duapuluh taun ke udah lalu sereta bala Bahá’í nguna nya enggau penuh. Kami gaga ati laban pengandal kami dalam pekara tu udah ulih ngelui ari ke dijangka, tang taja kami nyadang pemujur besai ari bala penitih Pemajik Beberekat, gaya pemujur ke udah dijapai nengah kereja sida gawa penapat inat amat ngelantangka ati. Ia nyadika pugut penembu kereja duapuluh lima taun ke udah.

Pelen tu amat dikingatka ketegal dibagi tiga ulih dua pengerami suchi dua ratus taun, tiap tiap nya udah ngeringka komuniti menua di serata dunya. Raban bala ti taluk udah mandangka, ngagai tikas ti nadai kala disaksi enggau gaya ti mudah, siti kapasiti mai orang ari semua pupu raban ba society meri basa ngagai pengidup Seruan Petara. Tu nyadi penunjuk ti amat kuat ngagai utai ke lebih besai: pengulih ti deka manchurka penatai tenaga spiritual ti naka pemayuh dalam ngemajuka Pengawa Petara. Chukup manah meh penerima alai ba mayuh tempat Pengarap ti lindung udah dikebu pansut ba tikas bansa. Ba mayuh setting alai ia enda disadang, nyangka enda diperatika, nunjukka penerima ngagai Pengarap nyadi nyata. Beribu atas beribu atas beribu diangkatka nengah sida betunga enggau roh nyembah Petara ti nyadika penteba kediatu ba mayuh komuniti Bahá’í di tiap endur. Visyen tu ulih nyadi ari ti ngintu Hari Kudus Bahá’í udah dikerembai enggau naka pengeluas.

Semua pemujur Pelen tu, dikira dalam pemayuh ia, udah jampat ngelui semua pemujur ba Pelen ti dipejalai dulu agi kenyau ari taun 1996. Lebuh maya Pelen tu berengkah, kapasiti ke bisi semina ulih ngatur lebih mimit ari 100,000 aktiviti pugu ba siti siti maya, siti kapasiti ke diasil ari kereja duapuluh taun ba pengawa ti sama. Diatu, 300,000 aktiviti pugu ulih ditan ba sebarang maya. Bala ti enggau dalam aktiviti nya udah manggai lebih dua juta, ke betambah nyau semak tiga kali lipat. Bisi 329 institut pematih ba tikas bansa enggau bengkah menua ti benung dipejalaika, lalu kapasiti sida ditunjuk nengah tiga suku juta orang udah ulih nembuka abis kurang siti bup dalam rurun nya; raup sekali, penyampau kos ke udah ditembu orang siku siku diatu mega dua juta—niki lebih bagi tiga dalam lima taun.

Penerit ti betambah alai progrem pemansang dipejalai di serata dunya nyeritaka pemujur ia empu. Dalam pengelama lima taun tu, kami udah minta pemansang ia dilajakka dalam tiap tiap 5,000 klaster ke alai ia udah berengkah. Peminta naka ia beguna tu udah nyadika peransang gawa bebendar di serata dunya. Asil ia, penyampau progrem pemansang dedat udah betambah dua kali lipat lalu diatu bisi kira 4,000. Bisi penanggul muka tumpuk enggau tempat pendiau ti baru ngagai Pengarap ketegal ke benung dituntung krisis pengerai global, tauka ngerembaika aktiviti ke benung ba tikas baru tumbuh maya pandemik berengkah, ngenekul ngulihka penyampau ti lebih tinggi dijapai ba taun pengujung Pelen. Taja pia, agi mayuh ulih dicherita ari tu. Ba pun Pelen, kami udah madahka pengandal ianya penyampau klaster alai bala pangan udah mansa batu tanda ketiga dalam arus pemansang, asil ari belajar bakani ngelaluka penyampau ti mayuh ngagai serangkung aktiviti sida, deka mansang lebih beratus ratus. Penyampau maya nya bisi kira 200, dipejalai ba kira kira 40 menua. Lima taun udah nya, penyampau tu udah niki ngagai 1,000 ba kira kira 100 menua—sesuku ari semua progrem pemansang dedat di dunya siti pemujur ti ngelui ari sadang kami. Lalu taja pia penyampau tu enda ngayanka peninggi tuchung ke alai komuniti tu udah angkat. Lebih 30 klaster alai penyampau aktiviti pugu ke ulih ditan ngelui 1,000; ba mayuh tempat, penyampau bisi beberapa ribu, ke alai pemayuh orang enggau bisi lebih 20,000 iku orang ba siti klaster. Makin mayuh Raban Gelumu Sambiang Menua diatu ngemataka pengerembai progrem pelajar ti meri pelajar ngagai semua anakmit enggau nembiak lanjau ba siti tumpuk pendiau; realiti ti sama mega berengkah ayan ba sekeda kandang pendiau di bandar. Begunaka Revelasyen Bahá’u’lláh udah, nyata ba sekeda maya, ngilah orang siku siku, diri sebilik enggau kaban belayan ti jauh—utai ti benung disaksi ianya penginsit raban mensia nuju siti pusat. Bisi maya, laya lama antara raban diatu udah dilengka, lalu sekeda struktur enggau dinamik rama udah berubah nitihka penampak ajar kudus.

Kami enda ulih enda gaga meda pemansang ti amat manah tu. Kuasa nirika society ba Pengarap Bahá’u’lláh udah ayan enggau lebih terang, lalu tu meh nyadika pelasar ti tegap ke alai Pelen Sembilan Taun ke datai deka didirika. Semua klaster ke nyulut kuat, baka ti udah dikandalka, udah nyata nyadi lubuk penemu enggau sumber ngagai klaster ke besemak sida. Lalu bengkah menua ke ngembuan lebih ari siti klaster ti baka nya lebih mudah ngelajakka chara dikena ngenyampatka pemansang siti klaster ngagai siti klaster. Kami ngasai patut ngengkang madah sekali agi, taja pia, pemujur baka nya nyau deka selampur; bida pemujur ba siti tempat enggau siti tempat semina ba tikas. Gempung pemereti komuniti pasal proses masuk beraban mayuh sereta pengandal ia ba pengulih meransang proses tu ba sebarang gaya udah disungkak ngagai tikas ti enda ulih disadang dalam beberapa puluh taun ti lalu. Mayuh tanya ti nyemetak ke lama udah enda teputar, lalu dibai ngagai fokus ti tajam dalam taun 1996, udah mujur disaut ulih dunya Bahá’í. Bisi serebak bala orang ke arap ti nyerahka pengidup sida dalam ninggalka tukuh ba pemansang komuniti. Tang tikas pemesai bekaul enggau utai ti nyadi ba mayuh klaster alai pengerandang pelajar udah dikemanjaika agi udah nyadi pengangkat signifikan dalam proses masuk beraban mayuh nyadika pemujur besejarah ti chukup besai.

Mayuh bala endang teleba bakani Pengibun magi Rambau dalam Pengarap ngagai mayuh renggat ti betangkan tangkan; renggat kelima ba Rambau Formatif berengkah ba taun 2001. Kurang agi ditemu mega ianya Pengibun bisi ngenang beberapa renggat dalam Pelen Petara, lalu beberapa tikas didalam renggat nya. Bisi ditanguh pengelama duapuluh taun lebuh niri sereta ngeringka Atur Administratif raban menua enggau raban bansa, Pelen Petara ti dimun ulih ‘Abdu’l-Bahá mula dipejalai ba taun 1937 dia berengkah meh tikas keterubah ba renggat keterubah ia: Pelen Tujuh Taun ti diagih Pengibun ngagai komuniti Bahá’í di Amerika Utara. Renggat keterubah tembu pengudah pengujung Crusade Sepuluh Taun dalam taun 1963, ti mansutka asil alai menira Pengarap udah ditanam di serata dunya. Tikas pemuka renggat kedua ianya Pelen Sembilan Taun ti keterubah, lalu enda kurang sepuluh Pelen bisi nangkan nya, Pelen ke enda sebaka pengelama bisi nya duabelas bulan bisi mega tujuh taun. Ba pun renggat kedua tu, dunya Bahá’í udah berengkah besaksika pun tumu masuk beraban mayuh ngagai Pengarap ke udah dikenang ulih Pengarang Pelen Petara; dalam beberapa puluh taun nangkan nya, beberapa rebak orang ti arap ke angkun di dalam komuniti Nama Pemadu Tebangkar udah gawa dalam Kebun Anggur Petara ngeraduka gaya ti manah ti diguna kena ngetanka pemansang, ti besai. Lalu ba musim Riḍván ti mulia tu, naka meh pengelebat buah ari pengawa sida nya! Fenomena ti umbas ia pemesai udah nyegangka pemayuh aktivit ba komuniti, nerima perechi pengarap lalu jampat angkat gawa ba luan Pelen udah mindah ari tenung ti dikeringka ulih pengarap nyadi realiti ti betunda udi. Pemujur ti nyengala sereta segenda nya patut ditanda dalam sejarah Pengawa Petara. Enggau naka pengaga ati, kami ngerah ianya renggat ketiga dalam Pelen Petara ti dimun ulih Tuai udah berengkah. Tikas betangkan tikas, renggat betangkan renggat meh Pelen Iya deka dikerembai, nyentukka penampak Perintah Petara nerangka tiap tiap ati.

*

Bala pangan ti dikerindu, nadai sidi bekaul enggau enterprise lima taun ti udah nutup renggat kedua ba Pelen Petara dikira penuh enti nadai ngenang pasal penusah ti nyempulang taun penudi ia lalu diatu agi mengkang nyadi. Sekat ba kaul antara siku siku ti tengelam pansut ba mayuh menua ba kandang maya tu tau nasal ke gempung pengawa komuniti, ngeraika diri ari nya tau nguna pengelama beberapa taun, tang bisi dua kebuah ngasuh ia enda nyadi baka nya. Keterubah ianya pengeleda luas pasal ungkup-kereja ba bala Bahá’í dalam gawaka bansa mensia, lebih agi ba maya pemedis enggau penusah. Ia ke siti agi ianya tambah kapasiti ti ngelui ari selama ba dunya Bahá’í ti ngayanka pengeleda nya. Ngembuan peneleba bepuluh taun endur begunaka sidan kereja ti berurun, bala pangan ngena kreativiti sida sereta bisi tuju napi krisis ti enda disadang, pia mega nentuka langkah-rapat baru ti diguna sida sejantil enggau perambu kereja ke udah dikereja sida dalam beberapa Pelen ti betunda udi enggau naka pemetul.Tu ukai enda pedulika pemalat pemedis ke ditapi bala Bahá’í, sebaka enggau bala kaban sida ba tiap menua; taja pia sepemanjai penusah ti udu nya, bala orang ti arap seruran fokus. Mayuh sumber udah dipanchur ngagai mayuh komuniti ti begunaka ia, lalu ba semua maya semua institusyen Pengawa Petara terus bejalaika ungkup-kereja sida. Singkang ke mua ti berani bisi mega digaga. Raban Gelumu Sambiang Bansa ke São Tomé enggau Príncipe deka ditumbuh baru ba Riḍván tu, lalu dua tiang pemun baru ke Rumah Pengelurus Serata Dunya deka didirika: Raban Gelumu Sambiang Bansa ke Croatia, ke bepenuduk di Zagreb, enggau Raban Gelumu Sambiang Bansa ke Timor-Leste, ke bepenuduk di Dili.

Enggau nya meh Pelen Satu Taun berengkah. Tuju enggau semua guna ia udah dirintai dalam pesan kami ti dikirum maya Hari Sempekat; Pelen tu, taja pandak, tang chukup dikena nyendiaka dunya Bahá’í nuju Pelen Sembilan Taun ti entudi nya. Timpuh maya ti ngembuan pemisa ti spesial, ke dibuka seratus taun pengudah Papan Tulis Pelen Petara dipegarika, enda lama agi deka ditutup enggau seratus taun Peniki ‘Abdu’l-Bahá, nandaka penutup abad keterubah ba Rambau Formatif lalu ngepun ia ti kedua. Raban ti taluk masuk ngagai Pelen ti baru tu lebuh maya bansa mensia, diukum ketegal nyengala nadai daya, dipeda lebih ngeleda pasal guna bekereja sama dalam mutar mayuh chabar global. Taja pia, agi bisi perangai bepekit, ngira peneka diri, runding sangka enggau runding ti tutup seruran ngempang pejalai nuju penyerakup, taja pen makin mayuh orang ba society mandangka ba lekajaku enggau pengawa-badas bakani sida, mega, keran deka nerima penyatu ti sigi dikembuan bansa mensia. Kami besambiang awakka semua menua ti bediri sebilik tau mujur muai ke tisi semua penyerekang ia lalu ngambi utai ti pulaika pemanah semua. Enda kira utai ke enda ulih ditentu ti malut beberapa bulan ke deka datai, kami minta-kasih Bahá’u’lláh ngambi meri semua pengentap ke udah ngenanka bala penitih Iya ngelama tu makin mayuh semayuh, awakka kita tau diasur ke mua dalam misyen kita, pengelikun ati kita enda tejanggal laban dunya ke charut ti makin begunaka pesan pengerai Iya.

Pelen Petara masuk ngagai renggat baru enggau tikas baru. Lambar udah dikalih.

Kami nabi kita dalam penampak bara ti teguh pengudah pengerami ti dikingat nanda dua ratus Pengada Pemajik Beberekat. Lebuh kami ngerunding pekara ti nyadi pengudah pengerami nya, kami nemu ianya komuniti Bahá’í serata dunya kediatu enda sebaka enggau ia lebuh ia belabuh ngereja enam putar keterubah ba Pelen kediatu. Ia makin ngelala ari ti udah tentang misyen diri. Ia udah bulih segang ti enda disadang dalam pengulih ia mai bala pangan sereta orang ti beteleba enggau ia ngasaika pengidup komuniti ia; meransang orang ti besemak pendiau sereta genturung ngereja pengawa begempung; nguna baka ni pengamat pemansang semengat tau dikena dalam ngetanka pengawa ti ulih dikereja; lalu, ngelui ari semua, ulih berandau ukai semina pasal ajar ti diguna nirika dunya ti baru, tang pasal Siku ti Mai ajar nya: Bahá’u’lláh. Jerita pasal pengidup Iya enggau pemerinsa Iya dicherita dalam mayuh bengkah jaku ulih orang besai tuai, bala nembiak, enggau bala anakmit udah negu mayuh bendar ati. Sekeda sida nya udah mandangka diri empu besedia deka mansik dalam agi Pengawa Iya. Sekeda udah besemaya deka bekereja sama. Lalu mayuh semengat ti deka nerima udah tetarit nyambut enggau pengarap ati.

Siti tanda pemansang ti nyemetak ianya ba mayuh tempat nyata bendar Pengarap udah pansut ari pengelindung ba tikas bansa. Sekeda ketuai perintah enggau ketuai penemu udah nyengala madah —lalu kadang kadang nyemetak madah maya berandau kediri—ianya dunya begunaka visyen Bahá’u’lláh lalu pengawa bala Bahá’í sigi dikerindu lalu patut dikerembai. Chukup ngelantangka ati kami meda ukai semina bala Bahá’í ti deka bebasaka Bahá’u’lláh lalu ngerami pengidup Iya—sekeda pengerami bisi diatur ulih orang ari luar komuniti Bahá’í. Ba endur alai Pengarap bisi dibantah, bala pangan enda rawan; nunjukka pengeliat ati ti chukup tinggi, sida meransang bala kaban sida mansik pengamat kediri empu, lalu mayuh lantang ati enggau dalam pengerami. Pengerami dua ratus taun udah mega mansutka pengelandik artistik ti nadai sekat, mandangka tanda sungai pengerindu alai ia bepun. Chara komuniti Bahá’í ngintu pengerami tu netapka naka pemayuh ti udah dipelajar dalam kandang lebih dua puluh taun diatu, kenyau ari rintai Pelen serata dunya kediatu udah berengkah. Orang siku siku ti arap udah ngambi inisiatif kediri empu, komuniti udah angkat ngereja pengawa begempung, lalu bala pangan udah ngiri pengering kreatif sida ngagai pelen ti disedia ulih institusyen. Pengerami ti besai reti, nanda dua ratus taun udah lalu, meri peransang ti chukup kuat ngagai pengawa nirika komuniti dalam beratus taun ti deka datai. Dalam renggat maya nuju ngagai pengerami dua ratus taun ti kedua, beri genap iti leka ti udah ditanam enggau chukup pengerindu ba pengerami ti keterubah diintu enggau naka pengeliat ati nyentukka ia bebuah.

Dua taun masuk ngagai Pelen kediatu, taja pemansang sigi enda sebaka ba menua siti enggau menua siti, penyampau program pemansang dedat di dunya nyau deka mangai setengah ari lima ribu ti disadang ba pun pengiruh gawa kediatu, lalu peneras penyampau tu niki makin mansang. Diperati silik agi, endang bisi tanda pengandal baka ni kuasa enggau pengulih siku siku, komuniti, enggau institusyen deka ayan. Ba bala orang ti arap dini dini endur, peneleba ti ulih ari pengerami dua ratus taun nunjukka dalam mayuh kaul sida besari sari enggau orang bukai ti ngelingi sida tau disempulang enggau semengat ngajar. Lalu lebuh pengawa ba beribu iti genturung sereta tempat besemak pendiau makin bulih peneras, pengidup komuniti ti regas makin tumbuh ba tiap endur nya. Penyampau klaster alai sistem ngerembaika rangkar aktiviti tu ngagai makin mayuh tempat nyau betambah tegap—ari nya, mai, bala pangan ulih mansa tanda batu ketiga dalam kontinum pejalai pemansang—udah nyengala dipeda. Lalu ba tu, di luan pelajar dunya Bahá’í, kelebih agi dalam pejalai mensia mayuh nuju visyen Bahá’u’lláh, ukai semina makin mayuh masuk ngagai berap besai aktiviti Bahá’í tang bala pangan diatu nyau belajar baka ni grup ti betambah tetemuka chara ngelala diri empu enggau komuniti Nama ti Pemadu Tebangkar. Kitai diatu meda pengawa pelajar ba Pengarap nyau nitih rangkar ti makin formal ba sekeda tempat, lebuh bala anakmit mansang nadai tejangal niki gred ari taun siti ngagai taun siti lalu tikas program empowermen pemansang semengat nembiak lanjau mansang betunda udi. Ba tempat ti baka nya, institut pematih bisi belajar nentuka sumber mensia ti chukup bisi disediaka dikena napi nyendiaka pelajar pemansang semengat enggau moral ngagai bala anakmit enggau nembiak lanjau ti makin betambah pemayuh ia. Enggau dalam aktiviti pugu tu nyau makin dititih ba perangai mensia mayuh lalu dipeda nyadika siti aspek pengidup ti enda tau enda ba komuniti. Siti pengeregas ti baru nyau ayan ba raban ti nentuka pemansang diri sida empu, lalu sida nirika pengebal ngelaban kuasa raban ti nginang nadai pengibuh. Pengulih nempa pemansang material enggau pemansang semengat nyau makin dipeda. Realiti rama berengkah berubah.

Bala pangan ti dikesayau, amat bendar tu meh maya alai meri terima kasih ngagai Siku ti Pemadu Dikerindu. Sigi mayuh kebuah ti besai alai teperansang. Taja pia kitai mega nemu pemesai pengawa ti agi empai dikereja. Kebendar, baka ti udah dipadah kami dulu ari tu, mesti ayan ba beratus iti klaster alai makin mayuh raban orang ti arap ke ulih ngetan, enggau orang ti ngelingi sida, fokas ti teguh dalam nginang pemansang lalu nirika kapasiti, ti dikelala ketegal pengulih sida sereta disiplin sida dalam ninjau ngagai pengawa sereta belajar ari peneleba. Nirika sereta nyempulang nukleus siku siku ti makin besai ba tiap tempat—ukai semina ba tikas klaster tang ba genturung pendiau enggau tempat ti besemak—siti tangkup pengawa ti chukup berat sereta chukup diguna. Tang dini pekara baka tu nyadi, asil ia nyerita pasal diri empu.

Kami tetap deka meda semua institusyen Pengarap ngembuan guna ti tinggi tu ba mua runding sida, ngaga jalai ti engkeman dikena ngulihka seling penemu ti datai ari pemansang ngambika diguna enggau luas. Ba maya ti sama, peneleba ti besai agi deka nyikap raban bansa, bengkah menua, sereta menua sama bela ngembuan visyen ti lebih luas. Sida makin enggau dalam semua aspek pemansang komuniti lalu lebih ibuhka pengelantang pengidup mensia ukai semina ngagai kaban ia aja. Ngelala pemesai empas proses institut ti pulaika pemansang mensia, sida mega meri perati ti tinggi ngagai baka ni ngeringka institut pematih. Sida seruran ingatka guna alai ngetanka fokas komuniti ngagai utai ti diguna Pelen lalu minta segala bala pangan ti makin besai ngagai penyerakup ba tikas ti makin tinggi setinggi. Sida taluk bepegai ba tangkup pengawa sida dalam ngemanahka agi sistem atur pengawa enggau sistem pejalai wang ngambika pengawa ngerembai enggau ngenegap tau bulih sukung enggau manah. Dalam semua pekara tu, sida sigi tetap kiruh enggau nanam ba komuniti utai ti diguna kena ngelepaska penguat pengering kuasa pemansang semengat.

Lebuh pengawa nirika komuniti makin terit, bala pangan nguna kapasiti ti baru ti udah dikemansang sida dikena ngemanahka agi gaya pengidup mensia ngelingi sida, pengeransing sida ditungkun ketegal sida belajarka ajar Petara. Projek renggat pandak udah betambah naka pemayuh, program formal udah ngerembaika jengkau ia, lalu diatu makin mayuh gerempung pemansang ti beperansang Bahá’í enggau dalam pengawa pelajar, pengerai, betanam betupi, sereta bidang bukai. Ari pemansut ubah ti dipeda ba siku siku enggau pengidup begempung ba mensia mayuh ulih dikelala kesuh ti enda salah ke datai ari kuasa nirika raban ti dikembuan Pengawa Bahá’u’lláh. Nya alai, nadai kakang, ari teladan pengawa rama baka nya meh—sekalika ia mudah tauka komplex, ba maya ti tetap tauka dipejalai dalam maya ti lama—dia Upis ke Komuniti Bahá’í Antarabansa betambah bulih peransang dalam pengawa sida enggau dalam randau pasal pekara pengidup mensia kemaya haritu. Tu siti agi bidang ti beguna ba Pengarap ti udah mansang enggau manah. Ba tikas bansa, pemeri ngagai randau ti bisi reti ngagai pengidup mensia—pengerata kuasa ba lelaki enggau indu, bepindah menua enggau begempung, ungkup bala nembiak dalam ubah rama, enggau penyerakup ba pengarap, nya sekeda ari ia—bisi dikereja enggau lebih bepengandal, bepengelandik, sereta bepenemu. Lalu ba dini dini sida diau, gawa, tauka belajar, bala orang ti arap ari mayuh bengkah renggat umur enggau pupu raban bansa endang ngenataika pemeri ti chukup beguna ngagai siti siti randau, mai perati orang ngelingi sida ngagai batang penemu ke ditempa ulih Revelasyen Bahá’u’lláh ti luas.

Penuduk Pengarap dalam mayuh bengkah ruang alai randau bisi tebuka balat bendar disungkak ketegal ia bisi palan rasmi ba World Wide Web, palan nya makin ngerembai ari tambah beberapa iti Bahá’í website bansa enggau pemansang bukai ti bisi betangkai enggau palan bukai ke bisi kaul enggau Bahai.org. Tu meri reti ti chukup berega ngagai pengawa ngerembai enggau nyaga Pengarap. Dalam pengelama beberapa hari aja bala audien ti besai di serata dunya udah tetarit ngagai undan ke silik digaga ngenang Pengarap ti bisi dikenatai dalam website pengerami dua ratus taun lalu seruran dikemetul seretai dalam sembilan bengkah jaku, lalu diatu udah ditambah enggau lambar siti siti menua nunjukka pemayuh pupu bansa alai pengerami nya bisi diintu. Pelen mega udah nyulut dalam muka palan Bahá’í Reference Library siti endur ngenataika genteran tauka Papan tulis ari Tulis Kudus ti empai kala disalin enggau dichelak dikenatai enggau chara online tekala nya. Serimbai enggau tu, volume ti baru ke Tulis Bahá’u’lláh enggau ‘Abdu’l-Bahá’ dalam jaku English deka diayan dalam beberapa taun ti deka datai.

Di Santiago, Chile, enggau Battambang, Cambodia, Rumah Sembah pemadu baru di dunya ti udah dipejadi diatu nyadi pusat penarit ati ti tetap, nyadi tengau penampak ngagai raban sida nuju semua alai Pengarap bediri. Lalu pemayuh nya deka betambah. Kami enggau pengaga ati ngerah ianya pengerami bejadi Rumah Sembah di Norte del Cauca, Colombia, deka diatur dalam bulan Tujuh. Nambahka nya, pengawa nirika makin mayuh Rumah Sembah udah bisi ba tisi bingkai perening. Di Vanuatu, kemendar udah diterima alai deka belabuh nirika rumah. Di India enggau di the Democratic Republic of the Congo, proses ti chukup komplek sereta tusah udah mai ngagai pemujur ngulihka tanah. Gaga ati meda ukir Mashriqu’l-Adhkár bansa ti keterubah udah dibuka di Papua New Guinea maya Naw-Rúz empai tentu jauh surut dia ukir Rumah Sembah menua di Kenya mega bisi dikerembai. Kediatu, kami nyadang penerang enggau tibang penemu ngenang institusyen Mashriqu’l-Adhkár ti baru udah dikeluarka, disedia ulih Research Department kami, deka meransang penerima bala pangan ngagai pemesai reti nyembah Petara ba pengidup komuniti. Laban lebuh sida gawa, kelebih agi dalam bejarit serumpu sambiang, bala Bahá’í ba dini dini endur nanam pelasar pemansang semengat ngagai penumbuh Rumah Sembah ke jemah ila.

Semina tiga taun agi tinggal dalam pengawa sesuku abad ke berengkah dalam taun 1996 ke nyelinting ngagai siti tuju: pemansang ti besai dalam proses masuk beraban mayuh. Ba Ridván 2021, bala penitih Bahá’u’lláh deka berengkah enggau siti Pelen ti bejalai pengelama setaun aja. Pandak, tang ngandung enggau tangkan, pengawa satu taun tu deka ngepunka umbak baru ba Pelen ti mai bandung Pengawa Petara ngagai abad ketiga dalam Bahá’í Era. Dalam sepemanjai dua belas bulan ti besai reti tu, dunya Bahá’í deka ngintu pengerami seratus taun Peniki ‘Abdu’l-Bahá ke nyengkaum siti gempuru ti special ba Pusat Dunya Bahá’í alai pengari ari tiap iti Raban Gelumu Sambiang Bansa enggau tiap iti Regional Bahá’í Council deka dikangau datai. Tu, taja pia, nyadika ia ti keterubah ba rintai pengawa dikena nyendiaka bala penitih tentang utai ti diguna dalam bepuluh taun ti deka datai. Bulan Satu pengudah nya, saka seratus taun kenyau ari keterubah ia dibacha ngagai orang mayuh Will enggau Testament Tuai deka diatur aum di Tanah Kudus alai ngempuruka semua Bala Pengelalau Bengkah Menua enggau semua kaban Bala Penyanding ke Penyaga enggau Pengerembai. Penguat pemansang semengat ti dilepas ari dua iti gempuru historik tu mesti dibai pengudah nya ngagai semua bala pangan Petara ba tiap tiap menua alai sida diau. Ka tuju tu, beberapa rintai aum deka diatur di serata dunya ba beberapa bulan nangkan nya, nyadika katalis pengawa beberapa taun ti nangkanka Pelen Satu Taun ti deka datai.

Ari nya, renggat baru dalam pengerembai Pelen Petara Tuai nyau semak. Tang prospek ti ngelantang sereta lebih semak bediri ba mua. Pengerami dua ratus taun Pengada Báb diatu semina tinggal setaun setengah agi.

Tu meh maya ngingatka pemerani ti ngelui sadang ditunjukka GenselanPengerandang jalai Pengarap kitai, alai ministri Iya ti dramatik ngasulka bansa mensia masuk ngagai rambau baru ba cherita lama. Taja diserara dua ratus taun enggau maya kitai diatu, raban mensia maya Báb ayan sebaka enggau gaya dunya kediatu alai asai ditekan enggau pengingin deka ngemuaska pengaus semengat deka tetemuka saut nyau tendur. Dalam ngerunding baka ni pengerami dua ratus taun tu ngakun diintu, kami ngelala ianya pengerami tu ngembuan gaya ti special ba diri empu. Taja pia, kami nyadang aktiviti ti galak ke enda kurang kaya sereta enda kurang nyerangkung baka ti nyempulang pengerami dua ratus taun ti baru udah ngelebus. Tu meh pengerami alai tiap tiap komuniti, tiap tiap ruang bilik, tiap tiap ati enda kakang deka nyambut ia enggau penuh sadang.

Beberapa bulan ti deka datai mega maya alai kitai mulaika pengingat ngagai pengidup bala penitih Báb ti chukup kempang—bala dara enggau bujang berani ke ngembuan pengarap ati ke ditunjuk ba pengawa ti nadai ulih banding, berantu kediri ti deka ngias selama ia jerita lama Pengawa Petara. Kualiti sida ti ngembuan pemerani, angkun nyembah Petara, lalu ngingkas kediri ari semua utai kelimpah ari Petara ngentapka ati tiap iku orang bukai ti ngelala pengawa dikereja sida. Chukup nyengala, mega, maya umur sida agi biak ngembuan ati ti amat berani udah ngukir tanda sida ti enda ulih dipadam ba cherita lama. Dalam renggat ti deka datai, arapka teladan sida meri peransang ngagai serata raban ti arap—enda kurang ngagai bala nembiak, sekali agi dikangau ngeluan pejalai ti ngembuan tuju ke enda kurang ari ngubah dunya.

Tu, meh, pengandal ba kami ti tampak, ti tampak. Dalam enam pusin ti nyelepak antara Ridván tu enggau pengerami dua ratus ti deka datai—kebendar, sepemanjai tiga taun ti agi bisi ba Pelen kediatu—uji beri pengerindu ti ngulam semua, ti ngelui semua ke ngasulka bala penitih Báb nganchauka penampak kudus meransang kita ngereja pengawa ti chukup besai. Ngarapka kita nyadi penerima bantu serega nya ti dipinta sampi kami ba Pemetung Suchi.

Peda bakani raban Nama ti Pemadu Tebangkar angkat! Enggau semina setaun aja udah ngelebus ke alai Pelen ti baru udah dipun, riput ti diterima nunjukka kelai pemesai kereja ti udah digaga lalu udah berengkah bulih pemujur. Neritka agi 5,000 iti program pemansang begunaka tikas pengiruh ti empai kala udah diasai. Ngembuan pemereti ti tegap ba batang Pelen, mayuh bala pangan ngereja nitihka utai ti diguna ia, nunjukka pengeran sereta berantu dalam kualiti respon sida. Baka ti disadang, sekeda program pemansang dedat ti lama udah meruan diatu nyadi lubuk penemu enggau sumber, meri sukung ngagai sitak menua ti besemak lalu ngemudahka penyampat pengerembai peneleba enggau seling penemu. Pusat ke aktiviti dedat—ianya genturung pendiau enggau tumpuk menua ke alai kereja nirika raban nyau chukup terit— udah nyadi tempat ti galak endur mayuh bansa ubah bisi nyadi. Raban kaban Bala Penyanding ti udah betambah sereta dikeringka enggau pemantu sida udah ngansakka pengiruh bala orang ti arap, nulung sida tulihka visyen bakani nganjakka proses pemansang dalam mayuh bengkah gaya lalu ngiga jalai ti engkeman dikena napi penyadi ba siti-siti klaster. Disukung Raban Gelumu Sambiang Bansa sida, Regional Baha'i Council belajar bakani pejalai Pelen ulih sama-sama didirika ba klaster bukai, lalu ba sekeda menua bukai ti mit ti nadai Regional Baha'i Council, entiti ti baru ba tikas nasional berengkah ngereja pekara ti sama. Taja, baka ti disadang ba proses pemansang organik, pemansang deras ti nyadi ba sekeda tempat empai ayan ba tempat ti bukai, penyampau program pemansang dedat di dunya udah mansang mayuh. Nambahka nya, kami gaga ati meda pemayuh orang ti enggau dalam aktiviti Pelen udah nyata bendar betambah dalam empat pusin ti keterubah.

Ari nya, bisi bendar tanda pengandal ke pemujur deka nyadi ba taun ti deka datai. Nya alai nama utai ti lebih ngakun agi diberi ngagai Pemajik Beberekat ba pengerami kedua ratus taun Pengada Iya kelimpah ari orang ti dikerindu Iya bebendar ngenataika enggau naka penyauh Pengarap Iya? Keterubah ari dua iti Pengerami dua ratus taun tu diintu dunya Baha'i ianya pengerami ti ngembuan tinjau ti chukup manah. Diperening enggau betul, taun tu mih meri siti peluang nyerangkap dunya ti pemadu besai endur nyambung ati ngagai Baha'u'llah. Dalam beberapa bulan ti deka datai, uji semua bela ngerunding tentang pemerega peluang tu lalu ngelala semua pengulih ti bisi ayan ba tiap endur alai nelebaka orang bukai pasal pengidup Iya enggau pemesai reti misyen Iya. Laban peluang ngajar ianya ti kediatu udah ba mua dunya Baha'i patut dirampas enggau pengambis ia, runding ti kreatif patut diguna ba randau ti tau nyadi enggau mayuh macham bansa mensia. Lebuh maya randau ti bebatang baka nya, pengelansik deka betambah lalu ati deka tebuka—kadang-kadang tekala nya. Dalam pengawa ti besai reti tu semua bisi ungkup, lalu pengaga ti datai ari ngereja pengawa tu nadai siku patut ngemeluka kediri-empu. Kami minta ari Iya siku ti Dikerindu meri sepemanjai taun ti kedua ratus tu tau diisi enggau pengaga tu ti pemadu tulin sereta pemadu manis: nyerita ngagai semengat bukai pasal penatai Hari Petara.

Pengawa ti mesti enda tau enda ditapi raban ti angkun majak diperumbanka laban penyarut, enda pechaya, enggau kerurau ti nyadi ba dunya. Kebendar, bala pangan patut nguna tiap-tiap peluang dikena mancharka penampak ti ulih nerangka jalai sereta meri pengentap ati ngagai ati sida ti kesit-kesit, meri pengandal ngagai sida ti nadai pengarap ati agi. Kitai dikingatka enggau lalau ti diberi Pengibun ngagai siti raban Bahá'i dalam jaku munyi ti dituju ngagai rambau kitai diatu: "Lebuh maya anyam masyarakat kemaya haritu ensepung sereta merekah ketegal penerit enggau pemerat jeretan pekara ti nyadi enggau rabat besai, lebuh rekah, ngemesaika agi serekang ti nyerara menua siti enggau menua siti, kelas siti enggau kelas siti, bansa siti enggau bansa siti, pengarap siti enggau pengarap siti, makin nambah, bala ti bejalaika Pelen mesti ngayanka tanggam ti lebih rapit dalam pengidup pemansang semengat sida enggau dalam aktiviti atur pengawa, sereta nunjukka tikas ti lebih rapat agi dalam gempung pengawa, besaup betulung, sereta sejalai ngemansangka enterprise kolektif sida." Selalu ngemanaka pemesai reti pemansang semengat ba pengawa Pengarap lalu pengeran ti tinggi ti dikembuan orang ti arap lebuh sida bejalaika ungkup pengawa suchi sida, Shoghi Effendi mega nangkan anang sekali-kali ngambi ungkup ba penyerekang, penyarut, enggau laya politik. "Uji sida angkat ngelui ari atas semua macham bepitak enggau bepiak," ba maya siti iya nyebut, "ngelui ari atas laya ti nadai tuju, bekiraka utai ti mit-mit, pengagit sementara ti benung ngeruga mua, lalu narit perati ke, dunya ti berubah." Tu mih pupu enggau sembur ari umbak ti ngalun betangkan tangkan ngejarka raban ti charut sereta bepechah-belah. Kelalu besai mih entaruh endur kiruh limpang ketegal utai baka nya. Baka ke udah ditemu tiap iku penitih Baha'u'llah enggau bendar, pengujung pemanah pengidup bansa mensia sigi bepanggai ba ngelaungka ari bida lalu penyerakup ia ditumbuhka enggau teguh. Tetiap pemeri ari Baha'i ngagai pengidup masyarakat endang ngembuan tuju ti nanggam penyerakup; genap iti pengawa nirika raban ngembuan tuju ti sama. Ngagai sida ti udah ikak belaya, raban ti mansang di baruh kelemayang Nama ti Pemadu Tebangkar ulih meri teladan ti ngasi mandangka utai ti ulih dijapai ketegal penyerakup.

Kami meri puji ngagai Tuhan ke Tuhan ti meda amat mayuh bala ti dikerindu Iya, dalam mayuh bengkah jalai, meri semua ti dikembuan sida ngambika tambai penyerakup bansa mensia tau didegika tinggi. Bala pangan ti pemadu dikesayau: Lebuh taun ti sarat enggau pemujur diatu udah belabuh, enda ke genap iku kitai ngerunding ni bagi pengawa kudus ti dibantu penelap Iya ulih dikereja kitai?

Perenching musim Ridvan diatu udah datai, lalu ari atas peninggi ti udah diulih komuniti Nama ti Tebangkar, penampak peluang ti baru udah ayan ba bingkai langit. Naka pemesai mih rampa menua udah ditujah: program pemansang ti baru bisi udah ayan, lalu lebuh maya beratus-ratus da agi ti enda tau enda diulih dalam kandang duabelas bulan ti deka datai, dia pengawa ti dikena ngepunka langkar pengawa ti beguna udah berengkah ba nyau deka ke semua 5 000 klaster ti udah dirintai ba Pelen Lima Taun. Program pemansang ti bisi kediatu nyau majak nambahka pengering ia, ketebal agi sida nya udah terang bendar mandangka nama kebuah Pengarap Petara tu patut dikerembaika jauh agi ngagai pengawa rama dalam siti-siti klaster sereta enggau dalam genturung pendiau tauka ba tumpuk menua. Menasan ti nuju ngagai pengenan pengawa ngerembai enggau ngenegap ti naka iya pemesai udah dititih ngena singkang kaki ti tegap, lalu bala nembiak ti kempang ati selalu agi nentuka pejalai. Chara ti dikena kuasa-penempa raban ba Pengarap ti udah ulih dikena ba mayuh endur nyau majak nyengala, lalu gaya langkar pengawa ti enda tau enda nyadi dikena nanda pengerembai proses pemansang tu jauh ke agi dalam pemansang siti klaster diatu nyau makin nyengenda dipeda.

Tesau ti minta pengawa tu dikereja sereta disukung endang dituju terus ngagai tiap iku penitih Bahá’u’lláh, lalu ia deka ngeruga tiap ati sida ti sinu meda pemerinsa ti balat ba dunya, gaya pendiau ti ngenyinuka ati ti endur mayuh mensia enda ulih ngasaika penyenang. Laban, pengujung ia, semina pengawa ti berurun, pengeliat ati, enggau penunggang ati ti dikereja nitihka langkar Pelen ti patut nya nyadika saut ti pemadu semitan ke tiap iku bala ti arap dikena napi penyakit ti majak ba raban ti charut. Ba taun siti tu tadi, udah tampak bendar ditemu ia nya, ba siti-siti menua chara ti enda sebaka, penemu rama ti manah dulu kelia ke suah dikena nyerakup sereta ngempung mensia mayuh diatu udah majak luya sereta enda ulih dikena agi. Ia enda ulih agi nyadi ke terabai ti dikarap ulih ngelindung mensia ari bemacham penemu ti nguntungka diri empu, nadai penyabar, enggau ideologi ti udah bari ti beridup ari ati ti enda puas sereta ransi. Enggau penatai dunya ti beserekang tiap-tiap hari ti dipeda makin kurang pechaya ba diri-empu, orang ti nyukung penemu ti mai pengerusak tu majak berani sereta mangah. Kami teingatka jaku ti nyemetak ari Pen Ti Pemadu Bekuasa: “Sida berumban nuju Api Neraka, laban teperasa ngumbai nya penampak.” Bala ketuai perintah menua ti manah enggau bala mensia ti lurus nyau diteju kediri nyeruri pengerusak ti nyadi ba raban mensia mayuh tang nadai kuasa nagang pengerembai pengerusak nya. Empas ari semua utai tu ukai semina dipeda ayan ba laya ti enda betangguh tauka ba pengeruntuh atur. Ketegal ti enda ulih dipechaya udah ngasuh orang ti berimbai pendiau nyau belaya enggau pangan diri lalu mutuska kaul diri sebilik, ketegal dengki ti nyau kelalu udah masuk ba randau rama, ketegal chara ti enda nyata mejal mensia nerima pengawa ti enda beradat dikena ngulihka kuasa sereta nugungka pengaya – semua tu endang tanda ti nyengala ke alai kuasa moral ti dikena ngenanka raban mensia diatu nyau majak sabau.

Taja pia bisi bendar penetap laban nemu ia nya, beserak enggau pengeruntuh ti nyadi, sebansa daya pengidup beraban ti baru udah meruan tukuh ti mandangka semua gaya pengudus pendiau pengidup mensia. Kami udah berati bakani, kelebih agi ba endur pengawa ngajar terit dipejalai lalu pengawa nempa-komuniti udah ditanka, dia bala pangan ulih nyeliahka diri ari kuasa pengamu ke reta ti tau nabanka pengering sida gawa. Ukai semina nya aja, tang lebuh sida kiruh ngatur masa ngereja mayuh pekara bukai, sida enda kala nyeliah berumban ngereja pengawa kudus ti diungkup ke sida. Pengiruh ti bakatu ke guna Pengarap enggau ke penguntung mensia mayuh endang patut dikembuan ba tiap komuniti. Tempat ti endur program pemansang dipejalaika ba klaster ke nadai kala udah dibuka, kitai meda bakani penumbuh pengawa dia endang beduduk ari pengerindu ke Bahá’u’lláh ke bisi dikembuan dalam ati bala ti angkun. Enda pedulika tusun pengawa ti majak kompleks taja pen dudi ila tetap deka ditapi lebuh maya sais komuniti nyau majak besai, tang kediatu semua pengawa bepun ari selambar pengerindu tu. Nya endang ari tabu ubung ti beguna bendar dianyam nyadika sidan penyabar enggau pengeregas gawa, ari siti pusin ngagai siti pusin, ngemunka penemu pengudus ngagai bala anakmit, nembiak, enggau orang tuai; mantilka pengasai pengeran ati deka nyembah ari ke beserumpu sambiang enggau besampi; ngepunka randau ti ngerandang penemu; nambahka pemayuh orang ti baru mungkal belajar seumur idup pasal Jaku Petara lalu ngayanka penemu ti dipelajar nya ba pengawa; ngemansangka, beserebak enggau orang bukai, pengelandik gawa; enggau nyempulang pangan diri belatihka utai ti udah dipelajar. Pangan ti dikerindu, kita ti dikerindu Pemajik Abha: Kami besambiang bebendar ke kita tiap kali kami ngadap Pemetung Kudus Iya, awakka pengerindu kita ke Iya tau meri kita pengering nyerahka pengidup kita ke Pengarap Iya.

Peneleba ti mayuh diambi ari mayuh klaster, enggau ari pusat pengawa dedat dipejalai dalam klaster, ke endur penyeregas pengidup komuniti udah nyerakung mayuh mensia patut bendar dikenang ditu. Kami lantang bendar ati meda bakani daya idup bebantu-bantu, bepun ari kaul ti rapat enggau gawa ngemaruhka diri, udah numbuhka diri empu ba gaya ti bakanya, ngujungka mayuh semayuh semengat dibai enggau chara berurun masuk ke dalam pengawa komuniti. Endang amat bendar, ba mayuh bengkah endur ti makin nambah pejalai raban mensia nuju visyen Bahá’u’lláh ti deka nirika raban ti baru bisi dipeda ukai semina agi disadang aja deka ayan tang pengamat ti nyengala udah pegari.

Kami deka ngelalau nambahka sekeda jaku ngagai bala kita ke endur pemansang ti nyata apin nyadi tang lama udah keran deka berubah. Kembuanka pengandal ati. Ia enda deka baka nya belama. Kati enda ke cherita lama Pengarap kitai tu penuh laban cherita ti bepun ari pemerinsa tang asil ia naka pemujur? Berapa kali udah pengawa dikereja ulih seraban penitih ti mimit tubuh–biak tauka tuai – tauka semina sepintu bilik, tauka siku-iku ngati kediri, lebuh dibantu ulih kuasa ti kudus, udah mujur ngemansangka komuniti ti regas taja tempatnya endang agi siga? Anang saru penemu ngumbai tempat enggi kita enda sebaka enggau enggi orang bukai. Ubah pemansang ba siti-siti klaster, sekalika jampat tauka tusah diulih, nyadi ukai nengah chara gawa ti bisi bebatang atur lalu ukai mega ari pengawa nyeligau ngapa; ia mansang nitihka lanjan pengawa, beperagam, enggau bejurai, lalu diasur nengah pelen ti datai ari peneleba ti udah diulih. Lebih ari tu, lalu enggau sebarang empas ia ti tekala nya, gawa ke Iya ti Dikerindu retinya, ba nya aja, udah nyadi siti penatai pengaga ti meruan ngagai semengat. Peragam dalam ati, mega, sekeda chunto ari kaban belayan semengat kitai ba Dulang Pengarap, bakani pengelandik tinjau sida, pengeliat-ati sida nyadi siti komuniti, enggau penegap sida dalam ngerembaika Jaku Kudus udah mai ubah ngagai raban sida sekalika ba tikas runding tauka ba pengawa. Petara seruran enggau kita, enggau tiap iku bala kita. Dalam kandang duabelas bulan ti agi tinggal ba Pelen tu, awakka tiap komuniti mansang kering agi ari ia ti ke diatu.

Pengawa ngerembai enggau ngenegap ti pemadu beguna dikena nudukka pelasar ti tegap ke pengawa ba dunya Bahá’í diatu dipinta bejalaika mayuh pengawa bukai. Ba Pusat Dunya Bahá’í, pengawa ti deka betusunka sereta nanda undan beribu-ribu Papan Tulis, ti digelumu nyadika waris reta-pesaka ti pemadu beguna, Teks Kudus Pengarap kitai, diibun ngambika ulih pulai ke penguntung semua mensia – tu, ngambika mayuh Tulis tu ulih dichelak enggau jampat, serentak ba jaku asal enggau ti disalin ngagai jaku English. Bebendar deka nirika lapan buah Mashriqu‘l-Adhkars, Rumah Sembah ti suchi dikena muji pemulia Petara, sama bela lanchar dikereja. Pengawa External Affair ba tikas nasional udah majak semitan sereta berurun agi, lalu diperansang enggau dalam agi ulih siti dokumen ti dikeluar, nuju Raban Gelumu Sambiang Bansa enam bulan ke udah lalu, ti dikarang ari peneleba ti manah dipejalai lebih dua puluh taun tu tadi lalu ia mega nambahka langkar pengawa dikena ngemansangka pengawa ia jemah ila. Naka ke diatu, dua iti opis Komuniti Bahá’í Antarabangsa ti baru, ti nyau deka sebaka enggau Opis ia ba Gerempung

Bansa ti bepengkalan di New York enggau ba Geneva lalu pia mega opis ia di Brussels, udah dibuka ba Addis Ababa enggau Jakarta, nambahka pemesai agi peluang alai endur ngemansangka penemu Pengarap ba tikas antarabansa di Africa enggau di Tenggara Asia. Laban peminta ti majak dikena napi pemansang, mayuh Raban Gelumu Sambiang Bansa benung nyungkakka pengelandik diri ngatur pengawa, bisi bendar dipeda ba gaya sida ngintu guna sumber ti dikemisi sida, pengiruh sida deka meretika enggau dalam agi gaya ba komuniti sida, seruran betatika dikena nentuka operasyen Opis Bansa sida majak kering sekering; dikena berurunka semua penemu ti mayuh bendar udah digumpul dalam bidang tu udah ngujungka Opis Pemansang Sistem Atur Pengawa didirika ba Pusat Dunya din. Pengemun mungkal mayuh macham pengawa rama majak betambah ba mayuh menua, ngujungka mayuh pekara ti deka dipelajar pasal bakani gaya penemu ti bisi dalam Ajar Pengarap ulih dikena nambahka pemanah pekara rama enggau ekonomi; naka meh pemesai peluang ba pekara tu ke alai kami udah nudukka Raban Penasihat Antarabansa ti betubuh tujuh iku ba Opis Pemansang Rama enggau Ekonomi, muka tikas pemansang ti baru dalam pengerembai pengawa Opis nya. Tiga iku kaban Raban nya gawa nyadika kaban penyelaras lalu diau ba Tanah Kudus.

Ba Ridvan tu, ia nya, kami meda mayuh pengawa ti agi patut dikereja, kami mega meda mayuh orang besedia deka gawa. Ba beribu-ribu klaster, genturung-genturung pendiau, enggau tumpuk pendiau, panchur pengandal enggau penetap ti baru majak manjah, meransang semengat sida ti ulih nyepi ai pengidup. Ba sekeda tempat, penganyut ai baka anak sungai, ba endur bukai, udah nyadi batang sungai. Diatu ukai maya endur sebarang semengat bediri tegir-tegir ba tebing sungai – uji semua sama bela terejun ngagai segang pemansang nya.

Enggau penatai Raja Pengerami, maya endur nyendiaka Pelen selampur dunya ti deka datai udah ambis: kami diatu nesau bala pangan Petara berengkah baru dalam kandang lima taun enggau naka ia pemendar meri pemerani, pengeran ati, sereta pemisi kita.

Raban ti angkunka Bahá’u’lláh udah tegap nyendiaka diri. Gelumu institusyen ti udah diatur di serata dunya dalam beberapa bulan ti udah lalu bisi bendar nunjukka tangkan tanda pengeran deka berengkah ngereja enterprise ti besai tu. Pekara ti enda tau enda dikereja ti dipadahka dalam pesan nuju Aum Bala Pengelalau udah diambi nyadika pelen kereja ti nyemetak. Bepuluh taun udah bebendar ngereja pengawa ti berani udah nempa komuniti lalu udah ngasuh ia bulih sekeda pengulih ti nyengala dikena nirika pemansang, ngenegap sereta ngeringka ia ba maya diatu. Dua dekad ti lalu, kelebih agi, udah nyata bendar deras dalam pengangkat ti dikingin ba pengelandik tu.

Kandang maya tu, begunaka langkar ngereja pengawa ti seruran mansang udah ngasuh bala pangan nginang sereta ngaluska pengulih ti beguna enggau regas agi, lalu ngepunka pengawa ti mudah dikereja dulu, ngasilka langkar pengawa ti lebih silik, lalu tu begunaka pemansang pengulih ti makin kompleks. Ngena chara tu, proses ti berurun ke pemansang sumber mensia enggau nempa komuniti udah berengkah ba beribu-ribu iti klaster--lalu, ba mayuh klaster nya, udah jauh amat mansang. Fokus ukai semina ba orang ti arap siku-siku, tauka komuniti, tauka institusyen Pengarap; semua ketiga-tiga nya ti enda ulih diserara dalam ubah pemansang Atur Dunya baru endang diperansang ulih daya pengudus ti pansut nengah pengerembai Pelen Petara. Tanda pemansang sida nyau makin berupai bendar: laban ti amat bisi bendar pengarap ati ke mayuh bendar bala ti arap udah ulih bekunsika cherita pengidup Bahá’u’lláh sereta berandauka empas Revelasyen Iya enggau Sempekat ti nadai banding; ba raban semengat ti majak betambah, ketegal ti, udah tetarit ngagai Pengawa Iya lalu nyurungka pemeri dalam ngulihka penyerakup ba visyen Iya; ba pengulih bala Bahá’í enggau bala pangan sida, ba dini-dini endur sida dalam komuniti, ulih nerangka enggau naka pemanah tentang peneleba sida ba proses ti tau ngubah penteba sereta nukuh pengidup rama; ba makin mayuh orang bansa asal di menua nya, nyadi kaban ba institusyen Bahá’í enggau agensi ia, lalu diatu ngiring atur pengawa ba raban sida; tau dikarap, mentas, sereta betunggang-lupung meri ngagai Pan, ti chukup beguna dikena ngeringka pemansang Pengarap; ba pengayan penumbuh ti enda kala dipeda ba inisiatif siku-siku sereta pengawa bebala mayuh nyukung pengawa nempakomuniti; ba pengeransing bala semengat ti nadai ngira diri ba nembiak ti benung umur udah mai pengeregas ti chukup kuat ngagai kereja tu, kelebih agi dalam meri pelajar pemansang semengat ngagai rambau ti biak agi; dalam ngemansangka gaya pengudus komuniti ari ti bejarit beserumpu sambiang; dalam ngangkatka pengulih ba semua tikas pengatur pengawa Bahá’í; dalam nyendiaka institusyen, agensi, enggau siku-siku berunding pasal proses ia, beratika realiti sida ti dia lalu ngira sumber ti bisi ba tempat endur sida diau, lalu ngaga pelen ti bepelasar ba nya; ke alai diatu nyau teleba pasal dinamik belajar, bejurai, aksyen enggau refleksyen, sereta ti udah ngeradu penumbuh gaya belajar ti betul ; dalam nambahka pengerindu pemereti orang ti deka meri asil ngagai pengawa Ngajar ti semitan nengah kaul pengawa rama; dalam nambahka peluang ti digiga sereta diguna dalam meri perspektif Bahá’í dalam randau ti nyadi ba raban; dalam pengeleda ke raban serata dunya ianya, dalam semua pemendar pengawa ia, deka ngenyampatka penatai pengayan tamadun suchi ari ti mansutka kuasa penempa-komuniti ti dikembuan Pengarap; ke bendar, pengeleda bala pangan ti makin betambah tentang pemendar sida ngubah pendiau diri, ngemesaika agi sengkilung penyerakup, bekereja-sama enggau orang bukai ngereja pengawa, nulung mensia mayuh dalam nentuka pemansang semengat diri, rama, enggau pemansang ekonomi--lalu, nengah semua pengiruh nya, deka mai pengelantang ngagai dunya—ti mandangka batang tuju pengarap tu empu.

Nadai siti aja chara ulih nerang enggau penuh pemansang komuniti Bahá’í, tang mayuh ulih diperati nengah penyampau klaster di selampur dunya ke alai program pemansang udah didudukka, alai, enggau pengaga bantu pengasih diturunka Pemajik Abha, kami netapka udah ngelui ari 5,000. Naka pemesai mih pelasar laban tu mih ti nyadika pekara ti dulu diguna dikena napi pengawa ti nempuh dunya Bahá’í—ngeringka proses pemansang ba tetiap klaster ti endur ia udah berengkah sereta ngerembaika besai agi pengaya gaya tukuh pengidup komuniti. Pengering mekuh ti diguna sigi amat berat. Tang asil ia bisi ngembuan pengulih ti chukup nyengala, ulih ngepunka rambau. Singkang ti mit, enti ia bejarit sereta deras, deka nambahka penyauh pejalai. Ari ti majakka pemansang ti mesti dipenyadika ba klaster ba renggat ti keterubah—ambi ke banding, dalam enam kali pusin ti diatur sebedau pengerami ti keterubah ba pengerami dua ratus taun sekali tu, —bala pangan tentu deka ngereja mayuh pengawa ti ngujungka juluk ati sida nyau deka ulih jengkau dalam kandang lima taun. Ba tiap pusin sigi ngembuan peluang ti laju mansa ti dikena mansang ke mua, pengulih ti berega ti nadai nikal agi.

Ba raban mensia diluar dia, akai rai, tanda-tanda pemerinsa semengat ti makin pedis nyau majak betambah sereta balat. Nyengala bendar mih bida ianya, lebuh mensia di dunya ngasaika penusah ngiga tipang ti betul sereta engkuda nguing ari siti pengasa ngagai siti pengasa, kita begempung ngaluska kereban ti dikena nyantilka ati enggau Leka-jaku Petara ti meruan selama ia. Nyengala bendar mih bida ianya, ba tengah-tengah rauh penemu ti enggai alah sereta peneka ti beserekang ti makin balat nyadi dini-dini endur, kita befokus mai mensia begempung deka nirika komuniti ti nyadi pengenduh ke penyerakup. Anang ke ngasuh ati kita leju, awakka runding sangka enggau pemangah ba dunya nyadika tangkan ti nunjukka semengat ti ngelingi kita begunaka ubat pengerai enggau naka penyampat ti semina kita aja ulih meri sida.

Tu meh pengambis rintai Pelen Lima Taun ti betangkan-tangkan. Ba penutup ia, renggat ti baru dalam evolusyen Pelen Petara deka tebuka, sedia dikena ngenyung komuniti Bahá’u’lláh nuju abad ti ketiga dalam Bahá’í Era. Arapka bala pangan Petara ba tiap-tiap menua beterimakasih ke semaya ti dikembuan beberapa taun ti dulu, ti regas agi nyendiaka diri napi pengawa ti lebih berat ti deka datai. Pelen ti kediatu ti ngembuan rampa pengawa ti besai meri peluang ngagai tiap iku nyukung pengawa tu, enda ngira pengemit ungkup iya. Kami minta kita, bala kaban sekereja ti dikesayau, ti rinduka Iya Siku ti Pemadu Dikerinduka dunya, anang ngalau diri begunaka semua utai ti udah dipelajar kita lalu ngena semua pengulih enggau pengelandik ti udah diberi Petara ti dikemisi kita nyungkakka pemansang Pelen Petara ngagai tikas ti enda tau enda nangkanka tu. Ngagai pengeran sampi kita minta bantu kudus kami nambahka enggau enggi kami, disampi ba Sungkup Kudus, ngarika semua ti gawaka Pengawa ti nyerangkap semua.

Ba terebak maya ti bemulia tu mata kami nyau terang lebuh maya kami meda perenching ti pegari ari perabung ti ngelabung Sungkup Nabi Bab ti baru bendar udah tembu. Disepuh baru ti ngasuh ia nyau bendang-bendang penampak baka ti dikedeka ulih Shoghi Effendi, sungkup ti kudus nya sekali agi beperenching manchar ngagai tanah, tasik,enggau langit, siang enggau malam, mandangka kuasa-raja enggau pengudus lya ti udah dipendam dalam sungkup nya.

gaga ati tu senutuk bendar enggau penembu siti lumpar pengawa ti udah mujur bendar dalam pengerembai Pelen Kudus. Ka semina sepuluh taun da agi dalam seratus taun ti keterubah Rambau Pengaga, seratus taun ti keterubah dalam kandang kuasa penyiru Sempekat enggau Penyanggup 'Abdu'l-Baha. Pelen Lima Taun diatu udah tembu lalu deka diganti enggau siti agi, lalu pekara ti dalam Pelen nya udah nyadi pekara ti balat bendar dipelajarka semua bala Bahå'i di seluruh dunya. Ke bendar, kami puas bendar ali meda gaya sambut ngagai pesan kami nuju Aum bala Counsellor enggau pesan Ridvan dua belas bulan ti udah lalu. Enda puas ati ketegal penemu ti agi rapas-rapas pasal undan pesan dua iti nya, dia bala pangan agi selalu ngulang belajarka nya baika nya kediri aja tauka beraban, ba maya bisi aum tauka temu begulu belajar. Pemereti ati sida nyau betambah ari ti chakah sereta masuk ba program pemansang ti benung dipejalai enggau berurun ba klaster sida. Ketegal nya, raban Bahå'i diseluruh dunya udah mereti bendar dalam kandang beberapa bulan ti udah tu, nama utai ti diguna dikena ngenyung ia awakka ulih berengkah enggau pengandal sadang ati dalam kandang sepuluh taun ti deka datai.

Ba maya ti sama, tugung penyarut politik enggau penyarut ekonomi ba mayuh menua di dunya tu udah ngeruga perintah enggau mensia. Raban mensia udah diperinsa dataika sida nyau deka ngelaban perintah enggau jalai ti a•, lalu bisi mega sida udah angkat ngelaban perintah sida. Tuai perintah udah ngasaika senyata enggau pengaya ti dikemisi enda ulih dikena nyaga pengelikun agi. Ba tempat ti endur peneka rayat enda dikibuhka perintah, dia pengeringat nyau majak betambah. Kami agi ingat Baha'u'llah bisi udah nyemetak bendar nangkan tuai-tuai perintah ba dunya enggau jaku munyi tu : " Rayat nuan nya reta pesaka nuan. Bejaga enggaika kuasa nuan ngelanggar jaku tangkan Petara, lalu nuan nyerahka orang jaga nuan ngagai penchuri"

Seleka jaku lalau: Bai bakani kati ke pengering pengeras ati mensia mayuh deka berubah, ia patut dikingatka, ianya bisi pekara bukai agi ti ngemudika pejalai pekara ti deka nyadi. Lalu, seagi-agi sakang ti udah dipadah ulih Manang Ti Kudus enda dikena enggau betul, penyarut ti ngeruga rambau ke diatu deka majak balat tusah agi. Orang ti landik meragamka pekara ti nyadi diatu nemu pengeruntuh, ti majakjampat, ngejut-ngejut tang terus runtuh, atur dunya ti balat bendar udah repuk.

Taja Pia, atur ti baru mega nyau tampak pegari, proses pengagå ti dipadah Pengibun ti bekaul enggau "pengada Pengarap Baha'u'llah" lalu "diterang lya nyadika "pengerandang Atur Baru Dunya ti endur Pengarap tu deka tetap didudukka" Empas ia ulih dipeda kelebih agi, ba gaya sida ke biak mansutka perasai ati sida, ti tumbuh ketegal ti keran deka ngaduka pemansang raban mensia. Tu mih berekat ti diberi ngagai penitih Pemajik Jeman ti ngasuh pengelengau tu, ti nyau ngembai ari roh mensia ba tiap tempat di dunya tu, udah ulih mandangka penemu ti chukup landik ba pengawa raban Bahå'i ti dipejalai dikena ngaga pengulih awakka mujur agi bejalaika pengawa ba macham-macham pupu raban bansa di seluruh dunya. Kati bisi penemu bukai ti ulih nanding tu?

Dikena meragam enggau terang pengawa tu awakka bala ti arap meda gaya Abdu'l-Baha, ti kediatu udah chukup nandaka seratus taun lya udah ngemunka "renggat pejalai rambau" ngagai Egypt enggau ngagai menua Barat. Enggau enda ngetu-ngetu lya nerantangka ajar ba semua orang ari mayuh daya jalai pendiau; baika nya ba bilik enggau ba balai gereja,ba kelab enggau ba gerempunb ba sekula enggau ba universiti. lya enda tendü ngenanka pengamat, taja pen ngena chara ti pemadu lembut, lya mantaika batang ajar ti kudus ti deka nyadika pekara dikena napi guna ba rambau tu. Ngagai semua enggau nadai bebida — tuai perintah,saintis, pengereja pengawa, nembiak, apai indai, orang ti nadai daya,orang ti kih ngenanka sekeda batang penemu, tuai agama, enggau sida ti agi kakang — lya mandangka pengerindu, pemintar, penyiru enggau nama aja ti dikedeka orang. Lebuh ti meransang semengat sida, lya ngemetulka anggap sida, ngeluruska penemu sida, ngerembaika pengeleda sida, lalu ngempung pengering sida. lya ukai semina mandang enggau leka jaku tang mega enggau pengawa baka bepengasih enggau bepenelap ti ngujungka ati sida terus bebali. Nadai siku enda diterima. Pengandal ati kami ianya kita selalu ngingat, lebuh maya ngintu hari ti keseratus taun, rekod pengawa ti dikereja Tuan tu ti enda ulih ditanding deka meransang sereta ngenegapka orang ti amat sayauka iya. Engkahka teladan lya ba mua nuan lalu tacharka perening nuan nuju nya; awakka nya nyadika lalau ti endang udah bisi sedia lebuh nuan ti ngerejajuluk ati Pelen.

Ba pun Pelen sedunya raban Bahå'i ti keterubah, Shoghi Effendi nerang enggau leka jaku ti nyemetak bendar tentang rurun turai ti endur penampak pengudus udah ditungkun ba Siyah-Chal, bengepan dalam lampu pemadah ba Baghdad, ngerembai ngagai menua di Asia enggau Afrika ti endur ia manchar lebih beperenching agi ba Adrianople lalu udah nya ba 'Akka, dipanchar meraka tasik ngagai semua menua ke bukai, ti endur ia meresap masuk ngagai tiap antara menua di seluruh dunya. Ke pengujung ia proses tu ku iya madah nya baka "panchar lampu ti beperenching... .manchar ngagai semua tempat di seluruh dunya ti apin kena panchar ia", lya mega madahka nya baka "panggau ti endur pemenang lampu Pengarap Petara manchar enggau penuh kuasa enggau mulia ti deka nyerangkap sereta mungkur semua dunya tu."Taja pen juluk ati nya agi jauh apin diulih, panchar ia udah terang bendar ba mayuh tempat. Ba sekeda menua ia udah bepernching ba tiap klaster. Ba menua ti endur penampak ia ti enda ulih dipadamka agi keterubah ia ditungkun, iya mau bendar taja pen bisi sida ti deka madamka ia. Lalu ba mayuh bengkah menua ke bukai ia udah mupuk mujur nerangka sida ti sama berimbai pendiau enggau sida ti sama diau ba siti tumpuk pendiau, ari sebatang lilin ngagai sebatang lilin ari siti ati ngagai siti ati ditungkun ulih Jari Petara; ia meransang jurai ti menyana ba semua tikas kaul mensia; ia mancharka pijar ia ngagai semua pengawa ti dikerea dikena ngangkatka penyamai pengidup mensia. Lalu ba sebarang maya ia mancharka penampak ari bala penitih ti taluk, raban ti regas, Raban Gelumu ti bepengerindu tiap iku nyadi lampu tenggau dalam pemetang. Kami besampi enggau bebendar ba Pemetung Kudus awakka tiap iku kita, ti mai lampu ti enda padam nya diserayung ulih penetap Baha'u'llah ti tegap lebuh kita nyadung perechi pengarap ngagai orang bukai.

1. Enggau ati ti penuh ketegal puji ngagai bala penitih Bahá`u’llah, kami madahka enggau pengerindu ba musim Ridvan ti pemadu bepengaga tu, ke alai bisi pemujur baru ti benung diulih ba program pemansang dedat, ti bepenyampau lebih ari 1500 iti lalu ngemenuhka juluk ati ka Lumpar Pengawa Lima Taun, setaun lebih tumu ari taga penembu ia. Kami engkundukka pala dalam meri terima kasih ngagai Petara ketegal pemujur ti tampak tu, siti tanda pemenang tu. Semua ti gawa bebendar deka ngasaika bantu pengasih ti udah disikap Petara ngagai raban Iya ketegal meri pemujur ngagai raban tu sepemanjai setaun ti udah dikena ngenegap alun pengerembai enggau penegap ti diatu benong dipejalaika di tiap tempat, lebuh nyendiaka tapi pengawa ti deka dikangau dalam pengawa besai sedunya ti nangkan tu – siti lumpar pengelama lima taun, ti kelima dalam siti rintai ti ngembuan batang tuju ngemansangka proses masuk beraban.

2. Kami berasai gaga ati, lebuh kami belelak ba musim pengerami tu, ngambika nerangka nama ti mansutka naka penalam asai ati ti temegah sereta beterima kasih dalam ati kami nya ukai semina ketegal pemayuh penyampau ti udah ulih, taja pen nyemetak pengulih tu, tang ketegal siti champur pemansang ba tikas daya pengidup, ke alai pemujur tu ditunjukka. Nyadika ketuai pekara tu, kami berati, nya peniki mansang dalam pengulih bala pangan berandau ngagai orang bukai pasal pekara pengudus lalu bejaku enggau lantang pasal Bahá`u’llah enggau Pegari-penemu Iya. Sida udah nenak meretika pengawa ngajar nya siti pekara ti diguna dalam pengidup ti mentas.

3. Dalam semua pesan ti lalu, kami mandangka pengaga meda rentak pemansang ba pengawa ngajar ti seranyat mansang ngelinggi dunya. Bejalaika pugu pengawa ansak kudus ti diungkup ngagai siku-siku ti arap tu deka meruan sereta serarih mengkang nyadika siti pengawa dikerja dalam pengidup Bahá’í. Pekara ti udah nyata ditunjuk ari penumbuh 1500 program pemansang dedat ia nya pengawa naka pemerani sereta nyemetak ba tiap serak enggau renggat bala ke arap ti mansang ke mua ngereja pengawa di luar sengkilung kaban diri sebilik enggau bala pangan, besedia diiring Jari Penuh Penelap ngagai semengat ti deka nerima enda ngira ari piak ni sida. Taja pen anggar kasar kediatu nunjukka lebih bepuluh ribu orang sanggup ngereja pengawa nanggamka kaul bekaban dalam mayuh kempen ti berenggat nitihka chara bekongsika penemu, enggau sida ti suba dikumbai orang temuai.

4. Dalam pengawa sida mandangka pekara beguna dalam Pengarap Bahá’í ngena jalai beterus terang sereta nyemetak, bala ti arap udah mayuh bulih penguntung ari teladan ti ditunjuk dalam Ruhi Institiut Bup 6. Ke alai mantaika rurun pemetul penerang tu diterima, lalu pengeransing nukar ia nyadi petua gawa dikemujurka, ia muka ngagai siti randau antara dua semengat – siti randau ti dikelai enggau pemereti ti dalam dikeulih sereta gaya kaul bekaban ditanggam. Lebuh randau disambung ngelui ari semina betemu ti ketrubah lalu kaul bekaban ti nyata ditanggam, pengawa ngajar enggau terus bakatu deka nyadika penyungkak pejalai ubah pemansang semengat ti meruan. Sekalika betemu mua keterubah enggau pangan ti baru ditemu tu ulih nyadi penarit ngelalu sida nyadi kaban raban Bahá’í tauka sida ngulu siti ari pengawa raban tu, nya ukai nyadi pekara ti besai. Lebih beguna ia nya tiap-tiap iku semengat ngasai kediri dikelalu enggau raban tu sama gawa ngulihka pemanah ke raban mensia, berengkah ari siti nasan gawaka mensia mayuh ti alai, ba pun ia tauka lebuh udah nginsit ba pejalai ia, masuk ngena chara berejista tau nyadi.

5. Pemesai reti pemansang tu enda patut dikemaruh. Dalam tiap-tiap klaster, pengudah siti rurun pengawa meruan mujur dipejalai, tumpu perati patut dikerembai lebih luas nengah siti entali bala kaban pengereja pengawa enggau bala dikelala, lebuh penguat, seretai, ditumpu ngagai raban mit ba genturung pendiau, tiap iti nya patut nyadika pusat pengawa ti dedat. Ba klaster di nengeri, pusat pengawa nya lebih nyamai ditentu ngena garis ti nyerangkung genturung tempat endur diau; ba klaster di menua pesisir, siti genturung rumah manah nyadika tempat nipakka tuju tu. Sida ti gawa ba tempat baka tu, sekalika sida ti diau mendam dia tauka bala pengajar ti nemuai, patut ngasai pengawa sida betumpu ngagai ngemansangka raban. Lebuh ngenang pengawa ngajar bakatu dikumbai baka ngusung “sepintu ke sepintu” taja pen penemuai keterubah nyangka nadai madah dulu orang ti ngempu bilik ti digagai, nya enda senutuk enggau siti pejalai pengidup ti deka gawa ngeninggika pengulih ba siti genturung pendiau ti napi pengawa ngemansangka pengawa pemansang semengat, pengawa rama enggau pengawa mintarka runding ti ngatika diri. Kerja ti ngangkatka proses tu, alai bala pangan ti baru deka dikelalu enggau ngerja ia - gelumu ti deka ngenegap penyikap besambiangka ba raban; kelas ti nupi pengelembut ati enggau runding anakmit; grup ti malinka penguat gawa ti nyegang ba bala nembiak lanjau tu; pengawa begulai belajar, dibuka ngagai semua, nya ngangkatka semua orang ari mayuh asal pendiau mansang ari pun ti sama lalu mansik guna ajar tu ba pengidup siku-siku enggau pengidup raban mayuh – nyangka tau ditan nengah bantu bala ari luar genturung pendiau nya. Endang deka disadang, taja pia, pemayuh pugu pengawa tu enda lama agi deka disukung ulih pengerja pengawa ari bala ti nguan siti-siti genturung pendiau tauka rumah--dikereja bala lelaki enggau indu ti gagit gawa deka ngemanahka pengeraja enggau pengudus ba rampa menua sida. Siti rentak pengidup raban deka seranyat pegari, nangkan ka nya, ngipakka tikas pengulih ari pusat(nukleus) siku-siku ti sanggup gawaka Atur Dunya baru ti ditinjau Bahá`u’llah.

6. Dalam pemereti tu, pemudah nerima ngayanka diriempu dalam sanggup enggau ba proses ngemansangka raban ti berengkah ba pugu pengawa. Ba siti-siti klaster alai program pemansang dedat benung dipejalaika, tapi pengawa ditungga bala pangan dalam taun ti deka datai ia nya ngajar ba siti tauka mayuh agi genturung pendiau ti mudah nerima, nguna pengawa ngajar terus dalam nerangka batang ajar Pengarap sida, lalu ngiga bala semengat ti lelengau deka ngingkaska pengikak ti dilempai raban ba sida lalu gawa begulai enggau bala bukai ti diau ba endur sida dalam ngepunka proses pengubah raban. Enti bala pangan mekuh dalam pengiruh sida belajarka jalai enggau chara ngemansangka raban dalam tikas rampa ti mit baka tu, juluk ati ti lama udah dikingin ianya serampur gawa, sigi tetap ba penemu kami, mansang nengah beberapa tusun ti besai deka ulih jengkau.

7. Kena nangkup tapi tu, bala ti arap enggau pengatur pengawa ti gawa ngemataka sida patut ngeringka proses institiut ba klaster nya, nambah enggau nyengala dalam kandang tikas ia pemayuh bala ti landik nyadi tutor ka pengawa begulai belajar; laban nya patut dikelala siti peluang kediatu dibuka ngagai bala pangan ngambika ulih ngeregaska pengidup raban ba genturung endur sida diau, ti dikelai enggau penajam tuju, tau nyadi laban pemansang ti chukup beguna ti udah nyadi ba bepuluh taun ti lepas dalam gaya pengidup Bahá’í ti betumpu ngagai ngenalam penemu.

8. Dalam bulan Disember 1995 kami ngangau nudukka latih institiut di seluruh dunya, turai ti pemadu pegari ba raban Bahá’í ti dikena nulung genap iku ngenalamka penemu sida ba Pengarap tu nyengkaum bepuguka kos enggau kelas, dalam timpuh ti enda sebaka, ngupas mayuh bengkah batang penemu. Turai nya manah mantupka peneka raban Bahá’í ti benung ayan seluruh dunya, enti dibanding agi mit dalam penyampau lalu betumpu ngagai beberapa bengkah tempat ti ke batang ia dikerembai serata dunya. Kami madah enggau terang maya nya, taja pia, siti jalai belajarka tulis tu patut dipun, siti ti meransang raban mayuh ngereja pengawa, enti proses masuk beraban deka jampat mansang. Dalam pekara tu, kami minta institiut pematih mantu raban bala ti arap ti meruan betambah gawaka Pengawa tu nengah undan kos ti meri penemu, penajam pemereti enggau pengelandik gawa ti diguna dalam bejalaika mayuh bengkah pengawa bekaul enggau ngelajuka pengawa ngerembai enggau ngenegap.

9. Macha tulis Pengarap sereta bebendar ngulihka pemereti ti chukup dalam ba pemesai guna Pegari-penemu Baha'u'llah ti tinggi nya pengawa ansak ti dilempai ba tiap iku penitih Iya. Semua dipinta nyelam tasik Pegari-penemu Iya lalu ngambi, nitihka undan pengulih enggau pengingin sida, pemayuh mutiara pemintar ti dipelalai dalam ia. Dalam pekara tu, kelas ngenalam penemu, sekula kemarau enggau sekula musim chelap ba tumpuk diri, lalu aum tau diatur alai siku-siku ti landik penemu dalam tulis Pengarap tau bekongsika enggau orang bukai pekara bebatang ti pegari setipak enggau pengidup Bahá’í. Sama baka penyuah macha ninting hari ti deka mengkang nyadi sebagi ari kelai pengidup Bahá’í, baka nya mega gaya belajar tu mengkang diguna dalam pengidup begulai raban. Tang pemereti empa guna Pegari-penemu, kedua-dua nya nitihka pemansang enggau pemaju kaul pendiau siku-siku, deka betambah belipat kali lebuh belajar enggau ngerja pengawa dipegulai lalu dipejalai seretai. Dia meh, dalam rampa ngereja pengawa, penemu deka diuji, jaku tanya ayan nengah pengawa ti dikerja, lalu pemereti ti baru deka ulih. Dalam sistem belajar jarak jauh ti udah didudukka ba menua siti enggau menua siti – pekara pemun ti nyengkaum pengawa begulai belajar, tutor enggau kurikulum Institiut Ruhi – Bahá’í seluruh dunya udah bulih pengulih dikena nerima beribu, enti enda bejuta, dalam pengawa belajarka tulis dalam grup ti mit ti ngembuan batang tuju deka nukar nyadi nyata batang ajar Bahá’í tu, mai pengawa Pengarap mansang ngagai tingkat ti baru: ngenanka pengawa ngerembai enggau pengawa ngenegap ba tikas ti lebih besai.

10. Arapka nadai siku enda beterima kasih ba pengulih ti udah ditempa. Enda regas udah ditupi ulih teruju gaya pengidup mensia kemaya hari tu. Pengingin deka diperindang udah ditupi kenyau ari rambau anakmit, lalu betambah sikar, nupi peturun sedia diiring sapa aja ti nunjukka lebih landik narit perasai ati ti luar nyelai. Dalam mayuh mega sistem pelajar, bala murid diintu baka sida iya pekakas ditaga endur nyimpan penerang. Laban dunya Bahá’í udah mujur numbuhka siti gaya pengidup ti ngemeranka penajam runding, belajar, sereta gawa, ke alai semua ngasai kediri nengah nasan gawa ti sama – nyukung pangan diri ngambika sama bela mansang, enda ngira penemu ti dikembuan siku-siku ba sebarang maya lalu ngelawung runding deka magi bala ti arap ngagai tingkat baka bala ti dalam penemu enggau bala ti kurang penemu – nya siti pemenang ti chukup besai. Lalu dalam nya meh ensilup penguat ti enda ulih ditagang mansang.

11. Utai ti beguna ianya kualiti proses pelajar ti ditanam ba rengat begulai belajar nyemetak betambah ba taun ti datai ngambika pengulih gawa ba orang genturung pendiau nya deka nempa penguat baka nya tau nyadi. Dalam pekara tu bepanggai mayuh ba sida ti nyadi tutor. Tapi sida ia nya nyediaka gaya tempat ti disadang manahka kos institiut, siti gaya tempat ti ulih nyikap kuasa ngemansang semengat ba siku-siku, siku ti meda diri empu nyadi ejen mantu diri empu belajar, nyadi penengkebang terus gawa awakka nguna penemu ti mai ubah ba pendiau siku-siku enggau pendiau bala mayuh. Nadai bulih tu, enda ngira pemayuh begulai belajar didudukka ba siti-siti klaster, teruju ti diguna kena ngemansangka ubah enda deka nyadi.

12. Enti pengawa siku tutor deka manggai ba tikas pemanah ti makin tinggi, utai ti mesti dikingat ianya nyadi tanggung pengawa ti pemadu beguna dalam ngemansangka bala pengereja pengawa (sumber mensia) ba siti-siti bengkah menua tauka negara bepanggai ba institiut pematih. Lebuh bebendar nambahka pemayuh orang ngulu kos ia, Institiut ti nyadi rangkar – ari lembaga ia, ngagai bala kordinator ba tikas ti bebida, ngagai bala tutor ba pun raban – mesti nentuka penyikar ti penuh ba sistem, laban ba pengujung ia, pemujur penyampau ti meruan deka bepanggai ba pemansang ti bekualiti. Ba tikas klaster, kordinator mesti mai peneleba ia gawa enggau pengeregas iya gawa dalam ngiring sida ti gawa nyadi tutor. Iya patut ngatur gelumu ti beripih alai sida ninjau pengawa ti dikerja sida. Gelumu ti diatur alai ngulang belajarka sekeda bagi pelajar ti diambi ari bup institiut mega beguna, asal meh ia enda nyadi siti latih ti betandu-tandu. Pengulih siku tutor deka betambah mansang lebuh siku-siku tutor ngereja pengawa lalu mantu orang bukai dalam gawa ngulihka juluk ati Lumpar pengawa sedunya ti betunda-udi kediatu, ari ti belajarka rintai kos lalu ngamalka tapi pengawa ti dikerja. Lebuh bala indu enggau lelaki ari mayuh renggat umur nginsit belajarka rintai pelajar lalu nembuka pelajar sida ba tiap-tiap kos ari bantu bala tutor, bala bukai mesti besedia ngiring sida dalam ngereja pengawa nitihka penguat enggau pengawa dikerindu sida – kelebih agi kordinator ti nyaga kelas anakmit, ti nyaga nembiak lanjau, ti nyaga pengawa begulai belajar, latih gawa ti naka beguna nentuka pemujur sistem nya empu. Ngambika nentuka tikas pengeregas penguat nengah sistem tu terus dikemansang endang nyadika juluk ati ianya penerit pengawa belajar ba tiaptiap menua dalam kandang duabelas bulan ti deka datai.

13. Ibuhka pelajar pengudus anakmit udah lama nyadi sebagi ari gaya pengidup raban Bahá’í, siti kenang meri dua pemutus, pengamat ti begembar. Siti, nunda pemujur Bahá’í di Iran, dikelala bisi pengulih meri kelas ti berurun, ari siti gred ngagai siti gred, ngagai anakmit ari ruang bilik Bahá’í, ti ngembuan tuju ngajar penemu pemun ba sejarah enggau ajar Pengarap tu ngagai peturun ti deka angkat. Dalam mayuh tempat di dunya, penyampau ti bulih penguntung ari kelas ti baka nya endang kebendar agi mimit. Pengamat ti bukai ayan ari tumpuk endur bala masuk dalam tikas ti mayuh, ba nengeri tauka menua pesisir. Perangai ti lebih nyerangkap bekuasa nitihka peneleba nya. Taja pen anakmit ari tiap bengkah ruang bilik endang gagit lalu diterima ngulu kelas anakmit, mayuh pekara nekul pelajar tu diatur ba tikas bejarit ari siti taun ngagai siti taun. Naka meh pemuas ati kami meda dua bida pendiau tu, siti ketegal pejalai sejarah, berengkah tebererak lebuh bala pangan dilatih nengah institiut ba tiap endur bebendar nyediaka kelas belajar, dibuka ngagai semua dalam siti tikas ti berurun.

14. Pengepun ti bepengandal bakanya udah regas dikerja diatu. Ba tiap-tiap klaster ti ngemeranka program pemansang dedat, pengawa ngintu agih pengawa pelajar pengudus anakmit patut diatur lebih berurun, datai ari ruang bilik ti mayuh bengkah peturun – siti pekara ti diguna dalam proses nirika raban ti ngalun mansang ba pendiau endur diau sereta genturung pendiau ba menua pesisir. Tapi pengawa tu, siti ti begunaka pengeliat ati enggau berakup gawa antara kedua-dua bala apai-indai enggau pengatur pengawa. Institiut Ruhi udah dipinta nembuka program kos ngelatih pengajar kelas anakmit diperumban ba mayuh bengkah tingkat ti nyengkaum isi pelajar, berengkah ari anakmit beumur 5 tauka 6 taun lalu dikemansangka nyentuk ngagai umur 10 tauka 11 taun, ngambika bejantilka antara isi pelajar enggau bup pelajar ke bala nembiak lanjau, baka “Roh Pengarap Ati” lalu ti deka datai “Kuasa Roh Kudus” ti nyikap siti bagi program ti nyemetak ngundan ajar Bahá’í diungkupka renggat umur tu. Lebuh tambah renggat kos enggau isi pelajar udah sedia, institiut ba tiap menua deka nyediaka pengajar enggau kordinator diguna kena nentuka ia mujur didudukka, nitih gred umur, siti kah program diungkupka meri pelajar pengudus ngagai anakmit, ngelilingi nya pekara tambah ulih diselitka. Maya kediatu, institiut patut enggau naka ulih nyendiaka perengka pelajar ti patut, ari ti diguna ngelamatu, nitihka patut dikena ngajar kelas anakmit ba renggat umur ti bebida.

15. Pusat Ngajar Antarabansa udah nerima pengaga ati kami ti meruan ketegal teruju ti beguna ti diberi ia dalam nentu tumu nembu pengawa ngulih juluk ati Lumpar Lima Taun. Nengkilaka tikas penguat ti dibai ia ngagai pengawa besai sedunya, matau enggau silik pemansang ba tiap genturung menua lalu bekerejasama enggau Bala Pengelalau Genturung Menua, udah nyadi kejap perening ba kuasa ti amat besai ensilup ba Tusun Atur Pengawa. Lebuh Pusat Ngajar diatu nguingka perati ngagai tanya pasal pemanah asil pengawa ba tikas klaster enggau penuh betati, ia deka disadang meri perati ti lebih terit ngagai pemujur kelas anakmit Bahá’í. Kami bepengandal pasal pemeresa peneleba ti udah ulih dalam taun ti deka datai ba beberapa buah klaster, ti ngarika pengamat pendiau rama ti bebida, deka ngayanka penerang ba pekara ti dikerja deka mai pemujur nudukka kelas anakmit ti bejarit ngagai tiap renggat umur, ba tempat pendiau enggau genturung pendiau di menua pesisir.

16. Program kena nyikap kuasa pengudus ngagai bala nembiak lanjau nya siti mega pemandang gaya pendiau mansang ke mua ba raban Bahá’í. Lebuh gaya pendiau sedunya nunjukka siti gamal renggat umur tu endang bepenanggul, tesat ba renggat ubah pemansang tubuh enggau perasai ati, nadai peduli sereta amu, raban Bahá’í – dalam jaku diguna enggau chara mutar pengawa dipilih – endang mansang ke mua dalam tunga ti bebida, beratika bala nembiak lanjau tu kebendar ukai angkunka diri, bisi akal runding ba pengelurus, gagit deka belajarka dunya lalu bisi pengingin nirika siti dunya ti lebih manah. Penerang ti betangkan-tangkan, alai bala nembiak lanjau ba mayuh menua di dunya meri buah runding siku ti ngulu program tu besaksika pemetul rampa tinjau tu. Endang nyadika kelai program tu ti nyikap pemereti sida ti betambah luas dalam penyidi pengamat sida kena nulung nimbang kuasa pemanah enggau kuasa pengerusak ti bekuasa dalam siti raban lalu ngelala empa kuasa ti ngeregaska runding enggau pengawa dikereja sida, najamka pemereti pengudus sida, ngangkatka kuasa penerang sida lalu ngukuhka rangkar pemanah perangai ti deka disikap ba sida sepemanjai umur sida. Ba umur tu lebuh kuasa pemintar, kuasa pengudus enggau kuasa perengka tubuh ti mansang dikembuan sida, sida diberi pekakas ngelaban kuasa ti ngerampas kelai sida ti bendar ti nyikap nyadi siku mensia mulia lalu dikena gawaka pemanah dikongsi besama.

17. Laban bengkah ti besai ke program tu nyidi batang penemu ari buah runding Bahá’í, tang ukai chuan ajar agama, udah muka jalai nangkir ia ngagai program nembiak lanjau dalam mayuh bengkah pengemun enggau gaya tempat. Dalam teladan ti bakatu, sida ti bejalaika program tu bepengandal terus masuk ngagai tempat gawaka ba pendiau rama, betemu enggau rintai jaku tanya enggau peluang, ti ditunda dalam proses belajar ba tikas dunya sereta diatur Opis Pendiau Rama enggau Pemansang Penatai Pemisi di Tanah Kudus. Diatu digumpul igi penemu enggau peneleba ti udah ngangkatka pengulih ba mayuh klaster ti ngachir ngelingi dunya ngambika tetapi seribu iku bala nembiak lanjau ngulu program nya. Ngambika nulung orang bukai mansang enggau jampat dalam tunga tu, Opis tu udah nudukka siti entali ba semua genturung menua, ari bantu raban ti arap, ti ulih diguna meri latih ngagai bala kordinator ari beberapa klaster ti dipilih ngagai beberapa klaster ti pilih ke bukai. Orang ti landik gawa tu serarih nyukung kordinator lebuh sida pulai ngagai klaster diri, ngambika sida ulih ngidupka gaya gawa ti meri kuasa pengudus ba program nembiak lanjau ti ulih ngerembai tu.

18. Penemu betambah tentu deka ulih ba rampa bebendar gawa tu, taja pen turai pengawa dikerja udah nyengala. Semina pengulih raban Bahá’í nyekat pengeluas saut ia ngagai peminta ka program tu ari sekula enggau grup ngemansangka pemanah ulah. Dalam kandang klaster ti diatu ti numpu ngagai program pemansang dedat, bisi luas rintai peluang, ari beberapa iti grup nembiak lanjau ti enda bejarit ngagai sida ti ngenanka chukup penyampau endur sida beguna siku kodinator ti sikar, iya ti ulih nerima sukung serarih ari siti palan ngidar asil pelajar. Ngambika betatika pengulih tu betambah nyerangkap genturung klaster, kami minta 32 iti palan belajar ti bakanya, tiap iti ngemataka penyampau kira-kira duapuluh klaster ti ngembuan kordinator penuh gawa, ti deka dipejalaika ba ujung Lumpar diatu. Dalam klaster ti bukai, pekara ti dulu dikerja patut nempa pengulih dalam taun ti deka datai ngambika ulih muka program tu, nambahka pemayuh grup sereta berurun diatur.

19. Pemansang ti dikenang kami naka kediatu – betambah mayuh ba pengulih ngajar Pengarap tu enggau jalai terus lalu masuk ngagai randau ti bisi kebuah ba batang penemu ti ngembuan guna pengudus ba orang ari tiap bengkah jalai pengidup, mansang bebungai ngagai belajarka tulis kudus ti digempung ngagai pengawa dikereja, ngidupka semaya deka nyendiaka pelajar kudus enggau bejarit ngagai bala orang biak ngelingi tempat pendiau tauka genturung pendiau di menua pesisir, lalu pengidarka kuasa penarit ba siti program ti nyikap bala nembiak lanjau ba akal runding tuju ulah pendiau ti begembar, ngambika ngemansangka pengulih gawa dipelalai sereta ngambika gawa mai ubahka raban – deka semua negapka, ukai ba penyampau ti mit, ulih nyadi siti agi pemansang ba tikas gaya pendiau raban, lalu asil nya deka amat jauh empa ia. Seranyat ubah dalam pengeleda bala mayuh ti tampak mansang ngenang jaku “nyempulang” dipansut dalam randau bala pangan, jaku dikepan enggau reti ti baru lebuh dipasuk dalam jaku diguna dalam raban Bahá’í. Kelai nya nguatka pemesai guna gaya pendiau ke alai belajar dikulih nya siti chara bejalaika pengawa, siti chara ti ngemansangka mayuh–semayuh kaban ti nemu gawa begempung, nguna ajar Baha’u’llah dikena nirika siti pengidup menyana(tamadun) ti kudus, ke alai Pengibun netapka nyadi ke batang tuju Pengarap tu. Chara gawa ti baka nya ngayanka bida nyengala ari chara tusun pendiau rama ti lama ti punas pengudus sereta makin runtuh ti selalu begigaka deka ngena penguat mensia nengah kuasa penerekam, nengah pengamu, nengah perasai ngemalu tauka nengah putar-belit.

20. Ba kaul antara bala pangan, pia mega, pemansang dalam gaya pendiau tu ngadaka pengayan asai ati ba kualiti kaul pengawa dikereja sida. Belajar nyadi pekakas pengawa dipejalaika, begunaka semua sikap pemaruh ati, siti gaya pengawa ke alai siku-siku enda ngira diri, nyerah enggau penuh ngagai Petara, bepanggai ba kuasa penyukung penuh Iya sereta bepengandal ba bantu Iya ti enda balang, ngeleda ba Iya, lalu ba Iya aja, ulih nukar indu sampuk nyadi menaul, setitik nyadi tasik ti nadai antara. Lalu dalam gaya gawa tu semua semengat serarih begulai gawa bebendar, gaga ati ukai ba pemujur diri empu tang ba pemansang sereta dalam gawaka orang bukai. Nya alai runding sida ditumpu ba tiap maya ba pengawa siku nulung orang bukai niki dalam peninggi gawaka Pengawa tu lalu terebai ngagai langit penemu Iya. Tu meh utai ti dipeda kami ba turai pengawa dikerembai kediatu ngelinggi dunya, dikemansangka oleh bala ti biak enggau tuai, bala ti bepeneleba enggau bala ti baru masuk, gawa berimbai begulai.

21. Ukai semina pemansang ba gaya pendiau tu ngubah kaul antara siku-siku, tang kuasa ia ulih diasai dalam chara pekara pengatur pengawa ba Pengarap tu. Lebuh pengawa belajar dikelala nyadi chara pengawa dikereja dalam raban tu, sekeda pekara pasal kuasa mutus penemu ba pengerembai enggau ngenegap udah diagihka ngagai bala kaban ti arap, ngemudahka pengawa ngelanggur enggau mutarka pengawa lebih ngipak peminta bala mayuh. Ngengkang bendar, ruang udah disedia, dalam pekakas aum ninjau, ungkup sida ngereja pengawa ba tikas klaster begelumu ari siti maya ngagai siti maya, ngambika bulih tuju ti sebaka ba gaya ke bendar pemansang kediatu, nitihka iring enggau peneleba ari pengatur pengawa, lalu nentu singkang pengawa mansang ke mua. Ruang ti sama mega dibuka ba Institiut, ti ngasuh lebih mudah tutor, pengajar kelas anakmit, enggau animator grup nembiak lanjau ti benung nyedia diri gawa dalam klaster nya selalu betemu sereta bejurai pasal peneleba sida. Bekaul rapat enggau proses bejurai bala mayuh nya ejen Institiut pematih enggau Komiti Ngajar Sitak Menua, begulai enggau Kaban Bala Penyanding, alai kaul gawa begulai nyediaka siti agi ruang endur pemutus penemu pasal pemansang ditentuka, ba pekara tu nguna pengawa rasmi ti lebih tinggi. Pejalai pengawa sistem ba tikas klaster, diada ketegal peneka, nunjukka gaya beguna ba Pengatur-pengawa Bahá’í: Baka igi utai idup, ia udah ditaga nitih ruang pengulih nerima ubah, dalam nitihka rangkar enggau pejalai pengawa tu, lebuh ia seranyat ngayanka iring ari Rumah Pengelurus Serata Dunya.

22. Ngambika tiap-tiap institusi Pengarap tu ba semua tikas – ari tikas tumpuk ngagai tikas bengkah menua, ari siti menua ngagai genturung menua – deka ulih mutarka ubah lalu makin changih ngena pengelandik makin tinggi nya siti tanda sereta endang amat beguna lebuh seranyat tuai runding. Kaul gawa ti mansang antara mayuh bengkah rangkar pengatur pengawa udah mai Raban Gelumu Sambiang Menua ngagai pentas ti baru dalam bejalaika tanggung pengawa ngidarka Jaku Petara, ngambika ngelancharka penguat gawa bala ti arap, lalu nirika siti gaya palan ngangkatka pengudus. Ba beberapa maya ti dulu kami udah nerang penuai runding siti Raban Gelumu enda ulih ditentuka ngena aum sida ti bejarit enggau pengelantang mutarka pengawa aja. Tang penguat gawa, ia mesti kelebih agi, ditentuka ngena pengidup pengudus sereta gaya pendiau raban ti bisi penguat – Raban ti mansang ti nerima pemeri pemanah ari sida ti udah direjista masuk enggau sida ti bedau. Endang temegah ati meda chara gawa, jalai mutar pengawa enggau pekakas dikereja kediatu nyendiaka jalai Raban Gelumu gawa, taja pen baru dipadah, ngambika ngemenuhka tanggungjawab lebuh sida netapka deka nentu juluk ati Lumpar Lima Taun chukup diulih ba tumpuk sida. Amat bendar, Raban Gelumu ti gawa enggau betul ka Lumpar tu endang sigi beguna ngambika ngadang pengawa ngerembai ti lebih besai – siti ti ngayanka pemenuh rintai kuasa enggau pengulih ia.

23. Pemansang ti tentu deka dipeda ba Raban Gelumu Sambiang Menua ba beberapa taun ti deka datai ulih dijengkau nengah pengering ti betambah ba Raban Gelumu Sambiang Bansa, ke ngembuan penyikar mikir sereta ngereja pengawa nitih strategi udah ngangkatka penerima, lebih agi lebuh sida belajar meri timbang penemu pasal proses raban ba tingkat pemun enggau betambah penalam peragam sereta penyikar gawa lalu nanam ba ia, lebuh dipinta, bantu, pekakas, peransang, enggau pengerindu iring. Ba menua ke alai bisi peminta, sida udah meri tanggung pengawa tu ngagai Kunsil Bengkah Menua, nurunka kuasa merintah, ngangkatka pengulih ngatur pengawa ba kandang menua nya, lalu ngidupka peneresak kaul ngereja pengawa ti lebih tinggi. Nadai ngelembungka jaku ianya pemenuh pengiruh gawa Raban Gelumu Sambiang Bansa udah nyadi pekakas dalam ngeluarka asil ba pengelaju penembu dikena ngulihka juluk ati ba Lumpar kediatu, lalu kami ngadangka pemansang nitihka kuing penunga tu, baka serumba pengulih gawa bala Pengelalau, semua tu neruska pengawa dikereja ba pejalai ti pemadu beguna, beberapa bulan ti deka jampat ngelebus, siti pemendar gawa pemadu tinggi dikena nyendiaka raban sida ngelancharka udah tu siti pengawa-besai lima taun.

24. Enda ibuh ditanya, seranyat ubah institusi Kaban Pengelalau nyadi siti ari pemansang ti pemadu besai reti ba Tusun Pengatur Pengawa Bahá’í dalam bepuluh taun ti lalu. Institusi nya mega udah nyingkang ke mua jauh ari ti disadang dalam pemansang ia, lebuh, ba bulan Satu, 2001 bala Pengelalau enggau Kaban Bala Penyanding begelumu di Tanah Kudus ba aum ti nanda alai Pusat Ngajar Antarabansa masuk ngagai opis sida ti tetap ba Bukit Karmel. Endang nadai kakang, penguat kuasa dikerembai ketegal pengawa tu, udah ngasul pemansang institusi tu ke mua. Tikas kuasa kaul Bala Pengelalau enggau Kaban Penyanding sida udah nibarka kuasa ia ba pemansang Lumpar tu, udah mandangka sida ngipak ngambi tempat ba rintai mua dalam pengawa ngajar. Kami endang andal ati ba taun ti deka datai ulih ngempung semua institusi ba Tusun Pengatur Pengawa dalam saup kerejasama ti lebih rat, lebuh semua bebendar gawa ngeringka, nitihka seranyat ubah dalam tapi kerja enggau tanggung pengawa, chuan belajar ke udah nyadi pengumba pegari ba jalai pengawa dikerja raban tu – ti, lebih diperumban ba klaster ti teleba dalam program pemansang dedat.

25. Pegari-penemu Baha'u'llah amat luas. Ia minta ukai semina ubah ti nyengala ba tikas pendiau siku-siku tang ba rangkar pemun raban. “ Ukai ke enda tuju kebuah semua Pegari –penemu,” Iya Empu nyada, “mansutka siti ubah ba semua perangai pendiau mensia, siti ubah ti ngati diri deka ayan pegari, ari dalam enggau luar, ti deka ngubah kedua-dua pendiau pengidup di dalam enggau di luar?” Pengawa ngemansangka ba tiap sukut dunya kemaia aritu, ngarika rengat penudi ke siti pengawa Bahá’í dalam ngempung siti pusat pendiau menyana (tamadun) ti mulia ditaga ba ajar Iya, nirika siti pengawa-besai tu endang mayuh pengemar putar-pengawa sereta luas, ti begunaka pemendar gawaka mensia mayuh pengelama beratus taun ngambika bulih buah asil ia. Nadai jalai muntang, nadai petua. Semina lebuh bisi bebendar gawa dikena narit penalam pemereti ari Pegari-penemu Iya, ti disikap nuju penemu dikembuan bansa mensia, ngambika begunaka ajar Iya ngena pemintar ba pengidup mensia mayuh, lalu bejuraika tanya ti ayan deka nyadi siti pengawa belajar bereti lalu pengulih gawa dikemansang.

26. Dalam proses ngidupka pengulih gawa, raban Bahá’í udah angkun gawa pengelama limabelas taun ngerurunka peneleba dalam pengawa ngajar, belajar ngemunka beberapa pengawa ngagai makin mayuh orang lalu ngemerankan pengawa ngerembai enggau pengawa ngenegap tu. Semua dikelalu datai ngagai pengerindu jari tebuka raban Bahá’í lalu nerima pengenan ari pesan Baha'u'llah ti meri pengidup. Nadai pengaga ti lebih besai ngagai siku semengat, ke amat bendar, lelengauka Pengamat tu, ari ti tetemuka alai pengelindung ba kota Pengawa Bahá’í lalu narit pengering ari kuasa penyerakup Sempekat tu. Taja pia, tiap iku mensia sereta tiap raban, enda ngira sekalika sida disengkaum antara bala penitih Iya, ulih ngambi peransang ari Ajar Iya, bulih penguntung ari gemala pemintar enggau penemu ti deka mantu sida mutarka pengawa ti ditapi sida. Amat bendar, pendiau menyana (tamadun) ti nyadika penampak raban mensia enda deka ulih nengah pengawa dikereja raban Bahá’í aja. Mayuh grup enggau gerempung ti diumba ngena roh penyerakup dunya ke enda terus datai ari pengayan buah penemu ari batang ajar Baha'u'llah ba penyerakup mensia, deka mantu pendiau menyana (tamadun) ti ditaga ayan ari penusut enggau penyarut raban maya diatu. Patut nyemetak ba tiap iku ianya pengulih ti dipegari ba raban Bahá’í pengudah beberapa Lumpar Pengawa sedunya meri iya penyikar gawa ti betambah dikena nulung mayuh pekara ba kuing tunga dalam nirika pendiau menyana (tamadun), muka ngagai ia enturan pengawa belajar ti baru.

27. Dalam Pesan Ridvan 2008, kami nyebut lebuh bala pangan serarih gawa bebendar ba tikas klaster, sida deka ngasaika diri tetarit semak ngagai pengidup raban lalu deka diuji naka ni proses belajar berurun ti dikereja sida deka nyengkaum mayuh rampa pengawa ti dikereja mensia. Siti lambar pengidup raban ti kaya berengkah pegari dalam tiap-tiap klaster ti nyadi pengawa sambiang, ti dipengal enggau jurai ti diatur ba gaya bepengerindu ba rumah diri, dianyam begulai enggau pengawa nyendiaka pelajar pengudus ngagai semua kaban ba siti genturung pendiau – orang besai-tuai, nembiak enggau anakmit. Pengeleda pasal pendiau rama dikemesaika enggau nadai pejal, ambika chonto, randau ti lantang dikerembaika antara apai-indai ngenang pasal pengandal ba anak sida enggau projek gawa dipansut ari langgur penemu sida nembiak lanjau. Lebuh pengereja pengawa ba siti klaster udah chukup mayuh, lalu turai pemansang didudukka enggau tegap, kaul raban enggau mensia mayuh ba endur nya, tetap, deka betambah. Ba maya ti pemadu beguna tu dalam pegawa pengerembai Lumpar, lebuh naka pemayuh klaster semak ngagai tikas ti baka nya, endang ngipak bala pangan ba tiap endur patut ninjau ba gaya pemeri ti datai ari raban ti deka mai pemansang pengeraja enggau pemansang semengat ngagai raban mensia mayuh. Dalam pekara tu, endang bisi asil mikirka dua rampa pengawa pengukuh ti begembar sereta setimbal: sama ngerja pengawa pendiau rama enggau ngulu randau ti bisi nyadi ba raban.

28. Pengudah bepuluh taun, Raban Bahá’í udah bulih peneleba dalam rampa dua bengkah pengawa dikerja. Endang amat, ke bendar, mayuh bala Bahá’í siku-siku, nengah pengawa dikereja ba pendiau rama enggau jurai bala mayuh dalam pengawa sida. Beberapa iti gerempung ukai ari perintah, diperansang ngena ajar Pengarap tu lalu bepusat ba tikas bengkah menua enggau bansa, ngereja pengawa dalam rampa pendiau rama enggau penatai pemisi ngambika mai pemanah ngagai mensia. Agensi ari Raban Gelumu Sambiang Bansa udah ngereja pengawa nengah mayuh peluang nyadung buah penemu ti ngemajuka pengintu pengelantang orang mayuh. Ba tikas antarabansa, ejen baka Opis Raban Bahá’í Antarabansa ba Gerempung Bansa Besatu ngerja pengawa ti sama. Naka tikas ti diguna sereta patut, bala pangan patut gawa ba tikas pun raban mensia lalu narit peneleba enggau pengulih lebuh sida bebendar gawa mutarka penanggul ti nuntung raban mensia mayuh.

29. Buah runding ti pemadu ngipak nitihka jengkau pengawa rama, ulih dijengkau nengah pengawa ti ukai pengawa terus dikereja bala pangan siku-siku tauka dalam grup dalam program pemansang rama enggau penatai pemisi, nengah tikas ti tinggi dalam pemayuh enggau bepenguji dipelajaika gerempung bulih diperansang ari ajar Bahá’í. Enda ngira pemesai tumpu rampa ia, semua pengawa rama diguna kena ngemanahka agi pengidup rama enggau penatai pemisi genturung pendiau, taja semina ba tikas pengumbas ia. Pengawa dikereja baka nya mega, pegari ketegal tuju kebuah ti deka ngangkat pengelantang pengaya siti genturung pendiau, kelimpah semina pengelantang pengudus aja. Pendiau menyana sedunya diatu ba bingkai langit mesti bulih chantum penguat antara peneka ke pengaya enggau pengudus pengidup, nya pusat pemun ajar Bahá’í. Endang nyemetak buah runding ti tinggi tu, dipejalaika ulih bala Bahá’í, bisi tuju kebuah ba sebarang gaya pengawa rama, ni naka pemesai enggau pengeluas kuasa ia. Taja gaya tempat bebida ari siti negara ngagai siti negara, pia mega ari siti klaster ngagai siti klaster, ngentun bala pangan ngereja mayuh bengkah pengawa, tang semua patut nemu pemun buah penemu dalam runding sida. Siti nya bepusat ba penemu ngagai pengidup rama. Bepegai ba pengelansang nya siti penerekam ti pemadu balat; nya ngenegapka mayuh dinding begedi ti bediri nyadi penekul dalam ngemujurka penyerakup mensia mayuh, endang nyengala nyadi penekul juluk enggau batang tuju Pegari-penemu Baha'u'llah. Tebuka nerima penemu nya hak setiap mensia, lalu gawaka pengeluar nya, chara beguna enggau nyadung nya tanggung pengawa mesti ditapi semua ba pengawa - besai ti tinggi – siku-siku nitihka pengelandik enggau pengulih iya, lebuh nirika pendiau menyana (tamadun) sedunya ti kaya. Pengelurus ati begunaka semua sampal-gawa. Nyaalai, lebuh pengawa rama angka begunaka barang enggau pengawa dikereja, pemun tuju ia mesti beratika nirika pengulih gawa dalam rampa genturung pendiau dikena ngereja pengawa ngemanahka dunya. Ubah rama ukai projek siti grup mensia, meri penguntung ngagai orang bukai. Rampa enggau pengelikuh pengawa rama mesti ngipakka pemisi pengereja pengawa, ngemansangka ia ba siti genturung pendiau siti tempat endur diau enggau siti genturung rumah. Pengawa dikereja pemadu manah berengkah, pia mega, ari tikas mit mudah dikereja lalu mansang seranyat mar lebuh pengulih gawa dalam genturung pendiau mansang. Pengulih gawa niki ngagai tikas baru, nitih pematut, lebuh ketuai pengubah rama belajar begunaka penyikap ari Pegari-penemu Baha'u'llah mansang lebih sikar, disegulai enggau chara sereta undan penemu sains, nitihka pengamat kaul pendiau sida. Ngagai Pengamat ti mesti dibacha nitih ka siti gaya ti senutuk enggau ajar Iya – diperatika ba bala kaban sida bisi gemala enda ulih kira rega lalu ngelala pulas guna dua proses pengawa nyerakup enggau pengawa ngeruntuh ba kedua ati enggau runding, pia mega ba rangkar rama.

30. Pengawa dikereja pasal kaul rama ti manah ngemansangka pengaya lebuh ngulu randau raban, sama baka penalam penemu diulihka dalam sebengkah randau ulih nulung nerangka buah penemu ti nentuka pengawa dikereja ba kaul rama tu. Ba tikas klaster, ngulu randau diaturka bala mayuh ulih dijengkau lebih mudah, baka ari randau nitihka penemu Bahá’í ba randau ninting hari ngagai pengawa ti lebih terus baka nyendiaka karang penemu enggau ngulu gelumu ditumpuka ngagai batang jurai ba kaul rama – baka ubah pengangat hari di serata dunya, gaya rampa menua, pemanah atur merintah enggau hak siku-siku mensia, nyebut sekeda batang jurai. Ia deka ngujungka pia mega, kaul pengawa enggau grup ngintu pemanah pendiau sereta enggau bala pengatur ba siti genturung rumah di pesisir enggau ba siti tempat endur diau.

31. Dalam ngenang pekara ti bekaul enggau tu, kami berasai diperintah ngeluarka jaku tangkan: Ia nya deka beguna ungkup semua ngelala pemesai pemanah ngulu pengawa kaul rama enggau randau bebala mayuh nya ukai ditentuka ba pengulih narit orang masuk baru. Taja pia, pengawa ba rampa kereja tu deka ngasuh raban Bahá’í betambah mayuh. Sida tu ukai pengawa dikereja ngulih tuju kebuah nya. Lurus ati ba tu enda tau enda diibun. Kelebih agi bejimat bejaku nyadika lalau pengawa ngambika ngelawung meri penerang ti kelalu pasal peneleba bala Bahá’í tauka meri tumpu perati lebih ari patut ngagai pengawa dikerja ti semina agi biak umur tu, baka program ngangkatka kuasa pengudus ba nembiak lanjau, lebih manah diasuh ngati diri nitihka rentak ia ulih nyadi besai beguna. Jaku lalau ti patut dipegai ba semua maya ianya pemaruh ati. Lebuh meritaka pengagit pasal pengarap ati sida, bala pangan patut anang ngelambungka angin pemenang, endang amat enda patut antara diri sama diri, lebih nadai patut gaya gelumu ti bukai.

32. Dalam ngerintai pasal peluang ti baru dibuka ba tikas klaster, kami enda minta ngubah ni-ni kuing penunga dituju kita kediatu. Nadai mega diperagam peluang baka nya ulih nyadika penganti rampa pengawa dikereja, bepekit enggau pengawa pengerembai enggau pengawa ngenegap diungkupka ngagai genturung pendiau Bahá’í ti enda chukup pengereja pengawa enggau penguat gawa. Pengudah abis setaun tu, proses institiut enggau alun pengawa dibai nengah institiut patut serarih dikeringka, lalu pengawa ngajar patut tetap meruan nyadi pengawa pemadu tinggi ba runding tiap iku bala ti arap. Neruska kaul pengawa enggau pengidup raban enda patut kelalu tumu dikereja. Ia deka dikemajuka ngati diri lebuh bala pangan ba siti klaster gawa bebendar dalam begunaka siti agih dalam Lumpar tu nengah siti proses pengawa dikereja, pengawa ninjau, pengawa bejurai enggau pengawa belajar lalu belajar ketegal asil nya. Sama gawa dalam pengidup raban deka ngerembai lebuh pengulih gawa ba genturung pendiau tu ngemansangka pemansang tumpuk ia empu lalu ngenanka penguat pengeregas ia ti seranyat diangkatka. Ia deka bulih pengimbang enggau asil pengawa pengerembai enggau pengawa ngenegap genturung pendiau tu ngagai siti tikas, ia narit bagi kuasa ari buah penemu ba rangkar pengawa ti ngemataka ririh Lumpar Pengawa sedunya kediatu. Lalu deka bisi pemeri beguna ngagai kuing penunga genturung pendiau ngadapka perening penemu Baha'u'llah ngenang pendiau menyana(tamadun) sedunya ti bepengaya sereta likun ngagai siti tikas ti begunaka beberapa pekakas tu enggau chara nengkebang dalam rampa pengawa belajar ti baru.

33. Tabi Bala Pangan: Berapa suah Tuan Dikerindu madah bepengandal ngambika ati bala ti arap melumpa ketegal pengerindu ngagai pangan diri, ngambika diau ba nadai antara penyerara tang deka ngaku semua bansa mensia baka diri sebilik. “Anang meda siku-siku nya temuai” nya lalau Iya; “tang peda semua mensia baka pangan, laban pengerindu enggau penyerakup pedis datai lebuh kita numpuka perening ba bida penyelai.” Semua pemansang di peresa dalam beberapa mua surat ti sebedau tu endang tikas ti pemadu dalam reti, tang pengayan asai ati pengerindu penuh diulih nengah kuasa Semengat Roh. Ukai enda ketegal pengerinduka Petara ke nunu abis semua tudung penutup penyerara enggau bebagi bida lalu nanggam segulai ati dalam penyerakup ti lengkap? Ukai enda ketegal pengerindu Iya ti ngansak kita ngagai palan ngereja pengawa lalu ngasuh kita meda ba setiap semengat pengulih ngelala enggau nyembah Iya? Enda kita teperansang ati lebuh nemu Pengayan Iya udah gaga ati napi siti pengidup ti merinsa ketegal pengerindu Iya ka mensia mayuh? Peda ngagai pangkat rata antara kita, ngagai menyadi Bahá’í dikerindu di menua Iran. Kati enda sida neladanka penyanggup ada ari pengerindu Petara lalu pengagit gawa ka Iya? Kati nadai pengulih sida ngelui ari pemerinsa ti pemadu jai enggau udu pait ngarika pengulih bejuta-juta bala diperinsa lebuh angkat lalu ngereja bagi pengawa ti mutus dalam nirika Perintah Petara di Dunya tu? Enda ulih tagang ulah kaul rama ti bepechah, majak ke mua mai Pesan Baha’u’llah ngagai semengat ti nganti ba genap tempat endur diau, ba genturung rumah menua pesisir, ba tiap genap sukut dunya, narit sida ngagai raban Iya, raban Nama ti Pemadu Besai. Enda kala kita dikelaung kenang runding enggau sambiang kami, lalu kami meruan minta ari Iya Bekuasa Penuh ngambika ngeringka kita ngena pengasih nyelai Iya.

Maya tengan ngalihari ba hari ti kesebelas maya gawai Ridván seratus taun ke dulu suba, ‘Abdu’l-Bahá, bediri ba mua beberapa ratus iku orang, enggau naka penguat Iya ngangkatka kapak lalu mechah tanah ti nyadika tapak Rumah Sembah ba Grosse Pointe, utara Chicago. Orang ti dikangau maya ti nasih tanah enggau Iya ba musim bungai nya datai ari mayuh pupu raban bansa—orang Norway, orang India, orang Peranchis, orang Jepun, orang Persia, orang bansa asal Amerika, tnya sekeda ti ulih dirintai. Nya indah enda baka Rumah Sembah, ti empai digaga nya, mantupka pengingin Tuai, ti disebut Iya ba lemai empai pengerami nya, ke tiap iti edifis baka nya: “ngambika bansa mensia bisi tempat endur begempuru” lalu “nerantangka penyerakup mensia pansut ari gelanggang pengudus ia ti tebuka”.

Orang ti mendingka Iya ba pengerami nya, lalu semua ti ningaka Iya dalam sepemanjai pejalai Iya ke Egypt enggau ke Barat, mesti semina ulih apas-apas meretika empas reti leka-jaku Iya ngagai raban mensia, ke pemesai guna empa reti ia. Dataika saritu, bisi ke enda orang ngambu diri ningaka jaku tesau tu, jauh sereta rapas, gaya pendiau raban mensia ke jemah ila ke alai Revelasyen Bahá’u’lláh ditaga ngangkatka ia? Laban nadai siku ulih nyangka baka ni temadun ti dibai ajar Petara nganjakka bansa mensia semina ari ti ngubah mimit atur kemaya haritu. Jauh pawi ari nya. Ba siti jaku licha ti dikenatai Iya beberapa hari pengudah Iya nanam batu pemun ke Indu Rumah Sembah di Barat, ‘Abdu’l-Bahá nyebut ianya “ari sekeda asil pengayan kuasa pemansang semengat ianya dunya mensia deka ngubah diri nitihka atur rama ti baru,” alai “pengelurus atur Petara deka ayan ba semua pengawa mensia”. Jaku tu, enggau mayuh ti bukai ti dipansutka Tuai ti seruran nyadika lalau raban Bahá’í dalam kandang renggat seratus taun tu, nyungkakka pemereti ti nyerara raban mensia baka kediatu ari pemesai visyen Apai Iya ti nyadi pemeri Iya ngagai dunya.

Tang tusah mih, laban nadai ngira pemalat pengiruh, bala orang siku-siku ti ngembuan tuju ti manah, ba tiap-tiap menua, ti gawa deka ngemanahka gaya pendiau raban mensia, penangul ti nekul ngambika tulih visyen nya baka ti kelalu berat diputar ba sekeda orang. Pengandal ati sida tepuruk ba peragam ti enda betul bekaul enggau gaya pengidup mensia ti nyelikap ba tusun pendiau enggau gaya pengidup kemaya haritu ke alai ia diaku nyadi gaya pendiau ti betul. Peragam tu dipeda nadai meri peluang ngagai pengulih pemansang semengat ti mayuh ti apin dikena ti dikembuan semengat ti bepenampak ti bulih peransang ari nya; nyadika ganti, sida bepangai ba timbang pengurang mensia, teladan tiap hari ti ngeringka asai ati ti semina asa aja. Lapis penemu ti bepelasar ba pemula udah ngelindung batang penemu ti amat: Gaya pekara ti nyadi di dunya mandangka penemu ti enda betul bekaul enggau ruh mensia, ukai gaya ia ti bendar. Tuju tiap iku Pegari Petara ianya mai ubah ba pengidup dalam enggau gaya luar bansa mensia. Lalu ubah tu nyadi lebuh makin mayuh mensia, digempung ulih ajar Petara, begempung deka ngemansangka pengulih pemansang semengat ti mai ngagai proses ngubah raban mensia. Sebaka enggau tanah kusi ti ditutuk Tuai seratus taun lalu, teori ti dititih kemaya haritu, nyangka keterubah baka ti enda enda ulih dipasuk ubah, nadai jerih ia tetap deka lesap, lalu nengah “panjah tengkujuh bantu-penelap Petara”, bungai pemereti ti bendar” deka pansut galak sereta manah.

Kami meri terima kasih ngagai Petara, laban nengah pengering kuasa Lekajaku Iya, kita—raban Nama Pemadu Tebangkar—udah nanam ba endur ke alai pemereti ti bendar deka ngerembai. Sampai ke bala sida ti ngetat kediri dijel ketegal Pengarap, nengah penegap sereta pemerantu ti enda ulih kira, sida ngasuh “kayu penemu enggau pemintar” bebungai ba ati sida ti bisi pengasih. Di serata dunya, semengat ti ransing benung ngereja pengawa nirika dunya baru ari ti bejalaika atur ti berurun nitihka dipadah dalam Pelen Lima Taun. Gaya tukuh ia endang udah ditemu enggau nenak nya alai diasaika enda ibuh kami ngenang ia ditu. Sambiang kami, disebut ba Pemetung Pemeri ti SemuaPenyayau, minta bantu ari Raban Malikat ti Pemadu Tinggi dikenataika ba tiap iku kita ti ngambi ungkup dalam ngemansangka Pelen. Pengingin kami ti dalam, dikeringka ari ti meda penguat pengiruh kita dalam kandang taun ti lalu, ianya udah neritka agi singkang tetap kita lebuh bejalaika penemu ti dikembuan ari ti nengah peneleba kita. Diatu ukai maya endur belelak; kelalu mayuh orang ti agi empai nemu tentang pagi hari ti baru. Sapa enti ukai kita ulih ngenataika pesan Petara? “Nengah Petara,” Bahá’u’lláh, ngenang pasal Pengawa Petara, netapka, “tu meh kelang pengelansik enggau ngingkas diri, ngembuan visyen enggau pengaga, ke alai nadai orang bukai ulih nichik kuda perang kelimpah ari bala soldadu Iya ti Bepengasih, sida ti udah ngingkas diri ari semua tanggam dunya pengidup tu.”

Meratika dunya Bahá’í benung gawa nya baka ti tepedaka rampa ti chukup terang. Dalam pengidup siku-siku orang ti arap ti deka, ngelui ari utai bukai, mai orang bukai berandau enggau Penempa iya lalu gawaka bansa mensia ulih dipeda tanda ari ubah pemansang semengat ti diungkupka ngagai genap iku semengat ulih Tuhan ke Rambau Jeman. Dalam pengeras ati ngerja aktiviti ba dini-dini raban Bahá’í dikena nyungkakka pengulih kaban baika nya biak tauka tuai, pia mega bala pangan tauka bala ti sama gawa, ngereja pengawa ti pulaika pemanah semua tau diaku nyadika kelai raban tumbuh belalauka ajar kudus tau mansang. Lalu ba klaster ti udah nyulut ke alai aktiviti dikereja nitihka rangkar Pelen endang mayuh lalu beguna bendar nentuka rintai pengawa ti dikerja sejantil, rangkar atur pengawa ti seruran mansang meri senaya, taja pen mimit, baka ni institusyen Pengarap deka majak nambah mangku tanggungjawab ti makin mayuh dikena ngangkatka pengelantang enggau pemansang mensia. Nya alai, terang bendar, pemansang siku-siku, raban, enggau institusyen deka ngamatka danji ti besai. Tang ngelui ari nya, kami meda enggau ati ti gaga baka ni kaul ti nanggam sida tiga tu ditanda enggau pengerindu ti liut enggau sukung semua.

Jauh bebida, kaul antara tiga pelakun ba dunya luar—rayat, raban politik, sereta institusyen raban—mandangka penyerekang ti ngelai penusut pengidup bansa mensia ba tikas ti benung berubah. Enggai gawa begulai bepangai enggau pangan diri, sida disintak dalam berebutka kuasa ti nadai pulaika penguntung. Naka jauh meh bida raban mensia ti dikenang ‘Abdu’l-Bahá, dalam mayuh Papantulis enggau jaku licha, nunjuk—alai kaul tiap hari, pia mega kaul antara menua, ditempa belalauka nemu reti penyerakup bansa mensia. Kaul ti diperansang enggau pemereti tu benung ditanam bala Bahá’í serta bala pangan sida ba tumpuk menua enggau tempat serimbai pendiau di serata dunya; ari sida ulih disium penulin bau rengut penyerakup enggau bekerjasama, besetuju enggau pengerindu. Dalam rampa ti sedang-sedang, makin ayan gantika pengidup bansa mensia ti teleba enggau penyarut. Nya alai nyata bendar sebarang sapa ti deka mansutka penemu diri enggau betanggungjawab enggau dalam jurai penuh berunding ti pulaika pengelantang bala mayuh lalu muai pengingin ti deka ngeringka penemu diri; institusyen Bahá’í, ngelala guna kereja ti berurun ditumpu ngagai pengujung ti mansutka asil, ngembuan tuju ukai deka nagang (control) tang ngidup sereta meransang; raban ti nentuka pemansang diri ngelala pemerega aset beserakup lalu tunggang ati enggau ngereja pengawa ti udah dilanggur ulih institusyen. Nengah kuasa Revelasyen Bahá’u’lláh, kaul antara tiga bengkah tu disikap enggau pengerindu ti baru, pengidup ti baru; dichampur sekali, deka nyadika anyam alai temadun dunya pemansang semengat, ngembuan turai peransang Petara, beseranyat mansang.

Panchar Revelasyen sigi ditaga nerangka tiap begkah pengawa; ba tiap iti, kaul ti nanggam pengidup raban mensia ditempa baru; ba tiap iti,dunya deka ngiga teladan baka ni mensia patut begulai enggau pangan diri. Kami minta kita berunding, laban tebal agi ia ngasuh pengidup ti bari nyadi ba mayuh mensia, ba pengidup ekonomi mensia, alai pemingkuk dikemendar lalu penguntung ti kelalu mayuh diaku nyadi tanda pemujur. Udah betatam dalam meh perangai ti ngerusak tu udah nyadi alai tusah deka mikir baka ni siku-siku tauka ulih ngubah standard kediatu ti dikena dalam atur pengidup mensia. Taja baka nya, sekeda perangai patut dikelaung ulih orang Bahá’í, baka enda lurus dalam pengawa dagang tauka ngambi ulih ari pengidup orang bukai ba ekonomi. Bepegai teguh ba ajar Petara begunaka kitai nadai limpang ari utai ti dikarap kitai nyadi Bahá’í lebuh kitai bejalaika pengawa ngulihka penatai pemisi diri. Ari ti nguna batang ajar Pengarap dalam pengidup diri bekaul enggau pengelurus enggau nadai pemingkuk, siku semengat ulih ngetanka standard ti jauh tinggi ari ia ti diguna dunya nyukat diri. Mensia nyau lelak ngiga chunto pengidup ti dikinginka; kami ngarapka kita nirika raban ke alai jalai ia meri pengandal ngagai dunya.

Dalam pesan Ridván 2001, kami bisi madahka dini endur menua alai proses masuk beraban mayuh belinsur nyulut lalu gaya ba raban bansa dia ngakun, kami deka ngemendar nudukka Rumah Sembah ba tikas bansa, alai penumbuh ia deka nyadika rangkar ba Renggat Kelima dalam Rambau Formative Pengarap. Enggau chukup pengaga diatu kami ngerah ianya Mashriqu’l-Adhkár tikas bansa deka didiri ba dua menua: the Democratic Republic of the Congo enggau Papua New Guinea. Ba menua tu, semua kriteria ti diguna sigi udah bisi, lalu gaya penerima mensia dia bekaul enggau peluang ti ditempa ulih rintai Pelen kediatu chukup manah. Pengawa nirika Rumah Sembah kontinental ti pengabis ia di Santiago benung bejalai, ngemunka projek deka ngaga Rumah Sembah tikas bansa ngayanka siti agi tanda ti ngelantangka ati nunjukka Pengarap Petara masuk ke dalam tanah pengidup mensia mayuh.

Siti agi singkang ulih nyadi. Mashriqu’l-Adhkár, baka diterangka ‘Abdu’lBahá nyadika “siti institusyen ti pemadu beguna ngagai dunya”, ngempung dua pengawa, ti enda ulih diserara dalam pengidup Bahá’í: nyembah Petara enggau gawa. Gempung dua pengawa tu dipeda ba jantil ti nyadi dalam rangkar nirika raban ti dikembuan Pelen, lebih agi pengayan pengeran ati ti ditunjuk ba serumpu sambiang enggau proses belajar ti nukuh pengulih siku-siku gawaka bansa mensia. Kait antara nyembah Petara enggau gawa sama bekampi nyata dipeda bisi nyadi ba sekeda klaster di serata dunya alai raban Bahá’í dia berupai betambah mayuh tubuh sereta ba pengeregas, alai ngereja pengawa rama nyau nyata. Sekeda ari genturung pendiau tu udah ditaga nyadika palan endur belajar dikena ngangkatka pengelandik bala pangan dalam ngemansangka program nembiak lanjau di bengkah menua nya. Pengulih ngetanka program tu, baka ti dipadah dulu ari tu, deka ngeringka pemansang study circle enggau kelas anakmit. Nya alai, kelimpah ari batang tuju asal ia, palan endur belajar tu deka ngeringka pengawa ngerembai enggau ngenegap. Lalu dalam klaster ti baka tu, dalam taun-taun ti deka datai, pengayan Mashriqu’l-Adhkár tau diperati. Ati kami chukup beterima kasih ngagai Pemajik Jeman, kami gaga ati madah ngagai kita ianya kami benung bejurai enggau sekeda Raban Gelumu Sambiang

Bansa pasal nirika Rumah Sembah tikas menua ti keterubah ba tiap iti klaster tu:

Battambang, Cambodia; Bihar Sharif, India; Matunda Soy, Kenya; Norte del Cauca, Colombia; enggau Tanna, Vanuatu.

Dikena nyukung pengawa ngaga dua iti Mashriqu’l-Adhkár tikas bansa enggau lima tikas menua, kami udah ngaga pemutus penemu numbuhka Pan Rumah Sembah ba Pusat Dunya Bahá’í ke guna semua projek nya. Bala pangan ba dini-dini endur dipinta berantu meri ngagai tabung tu, naka ni pemisi diri.

Bala pangan ti sama gawa ti dikerindu: Pengawa nasih tanah ulih jari ‘Abdu’l-Bahá empu seratus taun ti udah lalu diatu dikereja baru ba tujuh buah menua, tu semina pengerandangka hari alai ba tiap nengeri enggau tumpuk, ketegal ngasika pinta Bahá’u’lláh, rumah deka didirika endur nyembah Tuhan. Ari Tempat Pemansut Ngingatka Petara tu deka dipanchar penampak Iya lalu nyadaka nyawa muji Iya.

Penuh tiga taun udah ngejang kenyau ari pun rengat kediatu dalam pengerembai Lumpar Petara, siti pengawa ti ngempung bala penitih Baha'u'llah ngintu pengawa pemansang semengat. Semina dua taun aja nyerara bala pangan ba Petara enggau pengujung ia ti udah ditetap. Dua iti pejalai ti chukup beguna mengkang nganjakka proses pemansang—pejalai tetap bala ti enggau dalam ripih kos institute pengelatih enggau pejalai kluster nengah rintai pemansang—udah balat bendar dikuatka ari panjah tenaga ti datai ari aum nembiak ti diatur taun nyin kemari. Pengulih ti nyegang ba dunya Baha'i ti udah ulih ngerak mayuh bala nembiak angkat ngerja pengawa diatu nyau mansutka buah. Ba maia ti agi bisi, pengawa ti chukup beguna dalam ngeringka program pemansang ti bisi enggau ia ti baru balat diperumban. Raban Nama ti Pemadu Tebangkar udah ngentap kediri, empai rengat tu abis, deka nambahka kluster alai program udah ayan lalu dua ribu agi juluk ati ti empai ulih.

Naka meh pengaga ati kami meda pengawa tu dikerja enggau terit di serata dunya, lalu dalam mayuh bengkah keadaan enggau endur, ba kluster ti udah mangai ba penyampau tiga ribu iti. Mayuh kluster datai ba endur alai pejalai ia dikemansang ari ti ngerja garis pengawa ti mimit serta mudah. Ba kluster bukai, udah ti ngerja putar aktiviti ti betangkan-tangkan, makin mayuh orang siku-siku ngepun ngerja pengawa ti nitihka rangkar Lumpar lalu peneras aktiviti mega makin terit; lebuh kualiti proses pelajar pemansang semengat betambah nengah peneleba, mayuh semengat mega tetarit deka enggau ngerja pengawa. Ari maia siti ngagai maia siti, nyangka bisi mega tendur ngerja aktiviti tauka bisi penekul dalam mansang ke mua; bejurai ngiga nama kebuah penangul baka nya nyadi, dipegulai enggau pengeliat ati, pemerani, serta puoh, udah tulihka peneras pejalai baru. Ba makin mayuh kluster, program pemansang nyadi betambah besai ba skop enggau kompleksiti, setipak enggau pengulih ti betambah ba tiga protagonist Lumpar— siku-siku, raban, enggaue institution Pengarap—nempa suasana ti nyukung. Lalu kami mega gaga, baka ti disadang, makin mayuh kluster alai beratus-ratus iku orang siku-siku ngemudahka beribu-ribu orang bukai enggau dalam nganyam rangkar pengidup, pemansang semengat, dinamik, berubah. Ba pelasar proses kenyau ari pun, endang bisi, pejalai ti begempung nuju timpai pengaya reta dunya enggau pemansang semengat baka ti ditetap Iya ti Pun-Pengidup ke Dunya. Tang lebuh makin mayuh orang enggau gawa, pejalai seluruh mensia makin deka dipeda.

Pejalai tu makin nyata ba kluster alai Mashriqu'l-Adhkar menua diduduk. Siti ari nya, baka ti ditunujuk, ianya di Vanuatu. Bala pangan ti diau ba pulau Tanna udah bebendar meri orang mayuh nemu pasal Rumah Sembah ti dilanggur, lalu becherita enggau enda kurang satu petiga ari 30,000 orang ti diau ba pulau nya tentang pemesai reti ia ngena mayuh chara. Pengulih dalam ngenanka randau enggau mayuh mensia baka nya udah dialus ketegal peneleba ti udah ulih ari ti bekunsika ajar Baha'u'llah lalu ngenataika paut institute pengelatih ti galak. Raban nembiak lanjau ba pulau nya mansang amat, teperansang laban sukong tuai kampong ti meda bala ti ngulu pengawa endang dikeringka enggau pemansang semengat. Diperansang laban penyerakup enggau pengeran ti bisi ba bala nembiak tu, sida ukai semina udah muai pengelembau enda ibuh ba diri-empu, tang mega nengah mayuh bengkah projek ti dikerja, udah tetemuka chara dikena ngemanahka pengidup raban dia,lalu asil ari nya, orang ari mayuh bengkah tikas umur, ti nyengkaum bala apai-indai sida, udah dichelup ngerja pengawa ti pulai ke penguntung. Ba bala ti arap enggau mensia mayuh, berekat ari ti ulih nunga ngagai Raban Gelumu Sambiang Menua ngambi bulih lalau lalu dalam mutar penanggul maya kena penusah nyau dikelala, lalu ari nya, pemutus penemu Raban Gelumu Sambiang Menua makin ditemu ketegal pemintar enggau sensitiviti. Mayuh bendar pekara ti nunjuk ke, lebuh elemen rangkar Lumpar pengawa dipegulai nyadi segala ti bejantil, empas ia ba mensia mayuh chukup besai. Lalu nyandih ba pengawa ngerembai enggau ngenegap—putar ti ketiga puluh ba program pemansang dedat ti baru udah abis—bala pangan regas nyidi, sama enggau orang bukai ba pulau nya, reti Mashriqu'l-Adhkar, siti "pusat gelumu ke semengat mensia’’, ti deka didiri dia. Ari sukong ti terit ari bala tuai asal sida, bala ti diau ba pulau Tanna udah meri seratus iti penemu tentang ukir Rumah Sembah nya, nunjukka Rumah Sembah nya udah masuk ba runding sida, lalu muka prospek ti manah dalam empas ia ba pengidup sida ti diau di baruh ayung ia.

Cherita ti ngerindu ati tu begulai enggau mayuh ti bukai ba kluster ti udah nyulut alai implikasi ajar Baha'u'llah ti mai asil ba gaya pengidup orang ti diau besemak enggau ba kampung-kampung. Ba siti-siti endur, mensia, makin nemu Siku ti benama Baha'u'llah, belajar, nengah ninjau peneleba, jurai, lalu belajar, baka ni ngintu pengamat ti dikembuan Pegari-Penemu Iya, alai sengkilung ti makin besai ba kaban pemansang semengat diatu makin lebih teguh ditanggam ulih berakup gawa serta nyembah Petara.

Ngena mayuh chara, raban ti udah nyulut mansang nyendiaka jalai ti ngelalu orang bukai nitih sida. Nadai ngira ni tikas aktiviti ba kluster, pengulih bala pangan dia belajar, dalam rangkar ti sama, nya ti nentuka pejalai ba nenasan pemansang. Genap iku endang bisi ungkup ba enterprise tu; pemeri ari siku-siku tetap deka ngayaka semua. Kluster ti pemadu dinamik ianya ti, enda ngira sumber ti dikembuan raban tauka pemayuh aktiviti ti dikerja, bala pangan ngelala kerja sida dalam nentuka nama ti diguna ngambi ke pemansang tau nyadi—pengulih ti biak mesti di-inang, pengelandik ti baru mesti di-ulih, orang ti ngepun pengiruh ti agi lemi mesti disempulang, peluang endur ninjau mesti ditanam, kerja begempung mesti ditusun—serta udah nya ngiga jalai ti kreatif ngulih ke maia enggau sumber dikena ngulihka ia. Cabaran ti bisi ba siti-siti keadaan endang meri penguat ngagai siti-siti raban ukai semina bulih penguntung belajar ari utai ti ditemu ba endur bukai dalam dunya Baha'i tang mega nambah ke tibang penemu. Ngelala realiti tu ngelepaska siku-siku ari kerja puntan ngiga formula ti enda ulih diubah (rigid) lalu dalam maya ti sama bulih seling ti dipeda dalam mayuh bengkah keadaan ti madah ke proses pemansang lebuh ia nunjuk ke bentuk ba endur tempat diri-empu. Pendekatan tu chukup enda senutuk enggau penemu ti sempit ngenang “pemujur” enggau “enda mujur” ti deka mansutka penakut runding tauka madamka pengeran. Ngelepaska diri diguna. Lebuh pengiruh dibantai penuh ketegal Petara dia namanama utai ti nyadi di-empu Iya lalu tiap pemenang atas Nama Iya nyadi ke peluang endur ngerami puji Iya.

Baka nya Tulis Pengarap kitai ngenang pasal pengiruh ti diayan enggau bantu serega ti nyaut nya: "Enti kita bendar mansutka pengiruh," ku penetap ari Tuai dalam siti Papantulis Iya, "sigi tetap perenching ia deka manchar, moahari pengasih deka nurunka ujan ia, ribut ti mai-pengidup deka angkat lalu betiup, bau rengut tu deka dikerembai jauh serta luas." Suah dalam penemuai kami ngagai Sungkup Kudus, kami ngarika kita minta Petara nan serta nguatka kita, ngambika pengiruh kita datai ba orang ti empai teleba enggau ajar suchi lalu ngentapka sida dalam Pengawa Iya tau kaya diberkat, ngambika kita ti bepangai ba pengasih Iya ti nadai sekat tau enda beguyang. Kita nadai kala pungkang dalam sambiang kami, seruran dikenang dalam pinta kami ke pengiruh pengawa kita ti angkun. Lebuh kami ngenang utai ti bebaris ba mua penitih Pemajik Beberekat dalam kandang dua taun t i deka datai, terantang kangau Tuai minta gawa patut meransang semengat: "Kuyaska tirai, buai penekul, beri ai ti meri pengidup, lalu tunjuk nenasan penyelamat."

Tiga taun ba Lumpar Pengawa Lima Taun udah ngelebus. Pruses ti berengkah nginsit ba Lumpar Pengawa Empat Taun, dikering nengah perati ti ditumpu ngagai pelajar Baha’i ke bala anakmit dalam kandang Lumpar Pengawa Duabelas Bulan, lalu terus ditegap kandang beberapa taun ti udah lalu, diatu ngamatka tuju pengandal lebuh ia dilanchar. Di setiap sukut dunya alai tiga sekaban ti enggau dalam Lumpar – siku-siku, raban enggau pugu pengatur pengawa – genap iku ngembuan ungkup pengawa ti nyemetak, endang nyukung kereja kaban ti bukai. Pugu aktiviti ianya begulai belajar, kelas anakmit enggau serumpu sambiang udah nyadika batang pemujur sereta ngeringka siti-siti pengulih lalu mai penguat enggau pemujur ngagai semua pengawa bukai (elements) ba pengidup raban Baha’i. Sumber mensia nyau betambah, lalu Raban Gelumu Sambiang Menua nyau tetangkupka guna pengering ti betambah tu.

Pengulih ti didirika ba pelajar Baha’i ke bala anakmit di serata dunya udah nunjukka pemujur ti chukup manah. Pengiruh ngepun meri kuasa pemansang semengat ke bala nembiak ti agi mit udah bulih pemujur. Kinsit genturung ari siti tikas aktiviti niki ngagai tikas ti tinggi agi udah dalam genggam, lebuh majak mansang, puak bala ti arap ti angkun nyau ditambah ulih mayuh agi raban mensia bukai, ti agi empai Baha’i tang keran deka enggau ngereja aktiviti pugu pengawa ba Lumpar. Tusun dikena ngatur pemansang ti terit udah ayan ba sekeda genturung ti maju. Raban Gelumu Sambiang Bansa, lebuh ngemataka utai ti diguna semua genturung ba menua sida, udah ngelala pemesai guna numpuka perati ngagai sekeda genturung ti diperumban ti nunjukka asil ti tinggi, meransang sereta ngeringka sida dataika sumber mensia ti didiri sida nengah institut pengelatih mai sida nyadi pusat pemansang ti deras sereta teguh.

Baka ti disadang, institiut pengelatih udah nunjukka ia ulih nyadi enjin pemansang. Lebuh nyidi peluang enggau guna raban sida, tebal agi Raban Gelumu sambaing Bansa udah nguna perengka kus ti disedia ulih Institiut Ruhi, ngasaika perengka nya tetangkupka guna Lumpar. Tu mai penguntung ti begembar laban perengka ti sama udah disalin ngagai mayuh bengkah jaku, alai dini-dini bala Baha’i bejalai,sida betemu enggau bala pangan ti niti menasan ti sama sereta teleba nguna bup enggau chara ti sama.

Raban antarabansa ti bepenyarut, belaya ketegal peneka enggau penemu ti nyakal pangan diri, diserang ulih pengawa pengganas, nadai beradat sereta makai suap ti makin nyadi, lalu rarat laban penusah penatai pemisi, penyeranta enggau penyakit. Ba tengah-tengah nya dia raban Baha’i nyau makin nyata dipeda, diperansang ngena wawasan kudus ti pegari, didiri atas pugu ti teguh, makin betambah kering ngena proses ti nyadi ba maya diatu, lalu enda tejanggal laban tekul ti ngempang. Siti teladan ti nunjukka pengulih dunya Baha’i nangkup pekara ti nyadi ti enda disadang nyadi ba taun nyin kemari, alai mayuh bengkah penyarut bisi nyadi ti ngasuh Kunvensen Baha’i Antarabansa enda dipenyadi; milih kaban Rumah Pengelurus Serata Dunya tetap di atur lalu Lumpar tetap dipejalai enda ninggalka sebarang singkang . Jam kediatu, taja ga pengachau enggau penyarut pengidup nyadi di Iraq, bala Baha’i di menua nya ulih dikangau sereta ulih nudukka Raban Gelumu Sambiang Menua sida. Diatu kami meri jaku gerah madahka enggau ati ti gaga ianya ba Ridvan tu, Raban Gelumu Sambiang Bansa ke Baha’i di Iraq ulih dipilih, didirika baru udah pengelama lebih tiga puluh taun dituntung tagang ti terit, bulih penuduk ia ba raban Baha’i antarabansa.

Utai ti diguna Lumpar Pengawa Petara ba tikas tu ianya kitai seruran bisi pengandal sereta terit mansang ba tuju kediatu, anang tejanggal laban kudi ti nuntung dunya mensia. Kembuan penetap ati ianya Pemajik ti Beberekat deka ngiring singkang kita lalu Raban Malikat ti Tinggi deka ngeringka genap pengiruh dalam ngemansangka Pengarap Iya.

Lebuh Lumpar Pengawa Lima Taun masuk taun ketiga, segang ia nyau majak kuat; rekod pemujur ti udah ulih ba taun ti baru abis udah jauh ngalah ka pemujur kandang duabelas bulan ti dulu ari ia. Teruju peneras segang tu endang ari ketegal tanggam ti betambah ti ulih ari batang pekara ti nyadika isi dalam Lumpar Pengawa enti dibanding enggau ketegal ari regu pengachau ti ngalun dunya.

Gaya utai ti nyadi ba pun taun atur pengawa ti baru tu chukup berat, bisi endar ditapi, sereta nyelai ari ke udah dalam pemesai reti ia. Sepemanjai taun ti dulu diregau penyarut ti betangkan-tangkan lalu ngujungka perang nyadi di Timur Tengah. Empa reti utai ti nyadi tu endang enda kurang pemesai reti ke pemansang raban Nama ti Pemadu Tinggi enti dibanding enggau ubah pemansang raban mensia ti nuju ngagai globalisasi ba pengawa ti napi pemedis penyarut lebuh maya dunya benung deka berubah. Beguna mega, tatak maya jam, tikas pemesai enggau kuing gaya penyadi maya benung deka berubah tu enda ulih disadang. Chukup jampat meh arus pasang berubah ba gaya utai ti nyadi ba dunya! Dalam laya ti nyadi, ti terang bendar nyerangkung menua alai pun cherita lama Pengarap tu nyadi, kitai mulaika pengingat jaku tangkan Baha’u’llah ti nyebut “pengerata dunya udah tebererak laban kuasa ti begegar ketegal penyadi Atur Dunya baru tu, ti pemadu besai”. Penyarut ti nyadi ba kandang menua ti kaya enggau cherita lama Baha’i baka di Iraq patut bendar diperati.

Pengerusak ti nyadi bepun ari penyarut tu enggau pekara bukai ti nyadi di dunya, ari sepiak, ia udah ngelanggurka pemuka rebak ti baru dalam cherita (sejarah) raban Baha’i ti chukup beguna tang balat bendar diperinsa ba menua ke bisi alai Seruan Petara ka Hari tu diau pengelama sepuluh taun. Lalu ari sepiak, ia udah muntan kereja nyendiaka Konvensen Antarabansa ti ke Sembilan kali ba Pusat Dunya Pengarap kitai. Taja, ia ngasaka ati, ia enda patut ngasuh kitai serabana. Lebuh Lumpar Besai ari Petara ngeruga Lumpar Iya ti Mit, endang nadai kakang ke jemah ila endang tentu udah ditetapka deka tebuka ari berekat Petara peluang ti besai dikena ngemansangka Pengarap Iya ti chukup bemulia.

Penusah, penakut enggau pengusut penemu ti nyadi ketegal penyarut ti baru udah nyadi dalam ngerembaika Pemaik ti Mit udah nambahka penusah asai ati sereta pengeringat laban penyarut ti be-ulang ti ngeruga dunya. Pengerawan ati mensia di serata dunya diatu ditunjuk nengah pengawa ti begelumu bebala mayuh mandangka diri ringat enda patut enda dikibuh. Batang pekara ti dikenggaika sida sereta pengeringat ati ti dipuput ari pengawa nya, selalu agi nambahka penyarut enggau pengachau lalu ngelipak ari ti dikarapka sida ulih mutarka penanggul. Ngagai bala pangan Petara, pekara ti nyadi chukup mudah diterang; sida semina ngingatka wawasan sereta batang ajar ti bisi ba Pengarap enti sida deka mujur nangkup tapi pengawa ti ngerembai bepun ari pemerinsa enggau serabana. Awakka sida nguji mereti enggau dalam Ajar Pengarap ti bekaul enggau pekara nya ari ti nyidi baru surat-surat Shoghi Effendi ti dichelak dalam bup The World Order of Baha’u’llah (Atur Dunya Baha’u’llah), lebih agi isi bup ti dikumbai “The Goal of a New World Order” (Juluk Ati Atur Dunya Baru), “America and the Most Great Peace”, (Amerika enggau Pemaik ti Pemadu Besai), sereta “The Unfoldment of World Civilization” (Pengerembai Tamadun Dunya)

Lebuh maya dunya tu agi majak bisi penyarut, Lumpar Pengawa Lima Taun udah manggai ba pengelandik ia bejalaika pengawa ke alai raban kitai ulih nyingkang besai nuju ngagai batang juluk ati ngemansangka proses masuk beraban mayuh. Penerang ti silik ti chukup meransangka ati ke Pengarap ba kelima-lima benua (continents) udah diterangka dalam surat kami kena 17hb. Satu; ti patut dipelajar kita dalam agi. Semina beberapa iti aja pekara ti chukup beguna patut dikelansa ditu: Magi menua (countries) ngagai pitak kandang menua (cluster) diatu udah tembu ba 179 iti menua; lalu diatu bisi 17,000 iti chemai ti deka ngerembai. Aum beperagam (reflection meeting) ba tikas pitak kandang menua nyadika chara ti chukup bekuasa dikena ngempung runding sereta kereja bala pugu-pengatur-pengawa enggau ba tumpuk; aum baka nya meri peransang ti ngasi dikena bala pugu-pengatur-pengawa enggau siku-siku ngepunka kereja ngena kaul ati ti besukungka pangan diri. Proses institiut udah mandangka pemujur ke lebih agi ari ti dulu bejalaika pengawa ia ti nyadika pusat kuasa dikena ngemansangka pengawa ngerembai enggau ngenegap. Tiga iti pugu pengawa ba Lumpar Pengawa udah manggai ba tikas ti jauh mayuh agi ari taun dulu. Asil ari nya, makin mayuh bala pangan diatu nyau regas ngereja pengawa ngajar sereta regas ba pengatur pengawa di serata dunya, nunjukka semangat pengandal ati ti berampit ti meransang kereja sida. Bala nembiak enggau anakmit diatu nyau lebih berurun agi masuk dalam program pemansang raban, lalu orang ti apin Baha’i nyau makin mayuh enggau belajar begulai (study circle), sambiang begulai sereta kelas anakmit. Chukup ngelantangka ati meda, ba maya ti singkat kenyau ari pun Lumpar Pengawa dipejalai, ke alai ba sekeda tumpuk ti jarang bendar ngereja tiga iti pugu aktiviti nya diatu nyau bejarit ngereja aktiviti nya sereta betambah mayuh agi. Tu meh sekeda gambar mimit ba raban dunya ti numpu ngagai kereja sereta nginsit lebih ari ti dulu.

Kandang taun ti udah lalu, lebuh rangkar pemansang tu semakin teguh dikena bejalaika Lumpar Pengawa, pemansang bukai ti beguna mega bisi nyadi. Dalam kereja kaul enggau orang luar, agensi ke Raban Baha’i Antarabansa ngereja aktiviti ti chukup mayuh sereta enda ulih dicherita enggau silik ditu, tang sekeda tugung asil nya tekelalu manah sereta enda patut enda dikenang ditu. Sekeda ari asil pengawa nya ianya pesan kami dalam bulan Empat taun siti tu kemari nuju bala ketuai pengarap di dunya. Tu udah meri kesuh baru ngagai chara dikena raban Baha’i minta dinga raban ti chukup bekuasa ba pengidup mensia ngagai pekara ti chukup beguna dikena nentuka pemaik dunya. Nengah atur ari Opis Pemadah ba Raban Baha’i Antarabansa sereta penyikar Raban Gelumu Sambiang Bansa, enda lama aja, pesan nya udah disadung ngagai orang ti tinggi pangkat sereta ketuai bukai ba raban agama di serata dunya. Tuju pengawa tu ianya ngambika semua ketuai-ketuai agama ti betanggung-jawab, beguai mutarka penanggul runding sangka ba antara pengarap, ti majak mai pengerusak ngagai bansa mensia. Saut ari orang ti nerima pesan nya nunjukka pesan nya benung diperati enggau silik lalu ba sekeda tempat ia mai perening ti baru ngagai aktiviti gerempung antara pengarap.

Dalam bidang pemansang rama enggau penatai pemisi rentak- pengelaju udah ti mandangka pemujur ti besai agi asil ari pengiruh pugu- pengaturpengawa enggau orang siku-siku dalam ngemansangka raban ba tumpuk diri sereta pemansang ba kaul raban enggau orang bukai. Reput ari Opis Pemansang Rama enggau Penatai Pemisi madahka kandang taun ti kedua ba Lumpar Pengawa, lapan iti agensi pemansang ti baru ti nguna penemu Baha’i udah ditumbuhka, bejalaika mayuh chabang pengawa baka dalam bidang ngemansangka orang indu, pengerai, betanam-betupi, pelajar anakmit sereta meri kuasa ngagai bala nembiak.

Di Tanah Kudus, surat Baha’u’llah ti dikumbai Javahiru’l-Asra udah disalin ari jaku Arab ngagai jaku English lalu dikeluar ngena gelar “Gems of Divine Mysteries” (Intan Penyelai Petara). Kereja nyeruri baru sel Baha’u’llah di rumah jel ‘Akka udah tembu, lalu kereja nyeruri tingkat atas ka sel rumah jel nya udah berengkah. Ba renggat penemuai ngagai tanah kudus ti deka datai, bepun ari bulan Sepuluh 2003, penyampau orang ti nemuai ngagai tanah kudus deka ditambah ari 150 ngagai 200 iku ba setiap grup.

Nambahka nya, kereja nyungkakka pemansang pugu-pengatur- pengawa ti gawa di Pusat Dunya chukup nyata lebih agi ubah ti seruran mansang ke pugu-pengatur-pengawa Huqu’qu’llah ti diketuaika Penyaga ti dipebasa, Jari Pengawa Petara ‘Ali-Muhammad Varqa. Nengah pemintar pengiruh sereta pengawa iya ti enda putus-putus, Dr. Varqa udah meransang bala pangan belajar ke adat ke bekaul enggau Huqu’qu’llah ba dini-dini endur. Dalam kandang sepuluh taun adat pasal Huqu’qu’llah udah dipejalai di serata dunya, tusun atur ti menyana (network) ka raban penyaga ba peringkat nasional (bansa) enggau bengkah menua udah ditumbuh, ti nusun kereja sereta meri lalau pengawa ke bala mandal enggau pengari ti majak mayuh. Pemereti pasal adat ti chukup besai tu udah ngerekai luas, lalu bala pangan ari semua genturung menua udah nyaut kangau ia enggau pengangkun ati, alai bala ti dikarap (trustee) deka negu sida ti empai enggau nerima berekat ti disemaya ari ti ngasika adat tu.

Nyau deka dua taun pengudah kami meri jaku tesau minta bantu wang ti amat beguna , dikena ngintu nitih ti tikas ti patut, rumah-rumah enggau kebun bungai ba Pusat Dunya, lalu Pan Agih (Endowment) ke Pusat Dunya udah ditumbuh. Pemeri naka kediatu empai datai ba tikas ti tetipakka guna belanja tiap taun. Taja pia, kami ngasaika patut naga lima juta dollar ari pemeri ti disimpan nyadika pan ti ditaga (earmarked) dikena ngumpul duit simpan tetap (corpus) ti meri penatai bunga wang ti deka dikena nitihka tuju asal ia. Kami ngerja tu ari ti ngeluarka Pan Baha’i Antarabansa dikena mayar sekeda belanja ti patut dibayar, ngetuka sekeda pengawa ti bukai ke selalu dikereja ngelama tu.

Kami gaga bendar ati ngelalau, nitihka pinta Raban Gelumu Sambiang Bansa ke menua Chile, 185 iti konsep pelen dikena ngaga Indu Rumah Sembah ke Amerika Selatan ti deka didiri di Santiago udah bisi diterima ari bala arkitek enggau bala tukang (designers) di serata dunya. Pelen ti dipilih deka dipadah ba maya jam ti patut.

Tabi bala Pangan: Gaga ketegal tanda ti nyengala ke pemansang ti udah jauh sereta mayuh, kami pechaya dalam penetap ti meruan ari Tuhan kitai ti Tinggi ba pengiruh pengawa ti dikereja kita dalam ruang perambu Lumpar Pengawa Lima Taun – Lumpar ti digaga ngipakka guna maya jam kediatu. Arapka pengeliat ati kita dalam ngereja pengawa ngeluarka kuasa ti dikembuan ia awak ka, nengah Bantu enggau pengasih Pemajik Abha, ulih ngemansang ngena alun ti kuat proses ngemasukka orang beraban mayuh ba tiap menua.

Taun keterubah Lumpar Pengawa Lima Taun besaksi ke tanda ti nyata bendar ba pengering semengat bala penitih Bahá’u’lláh nerima langkar pengawa ti patut dikereja baka ke dipadah dalam surat kami kenaka 27 Disember 2005 enggau pengeran ati sida deka nyungkakka proses masuk beraban mayuh. Ba tempat ti endur langkar pengawa tu udah dikena enggau chara ti betul ba semua aspek pemansang siti-siti klaster, dia pemujur ti menyana bisi udah ulih, baikanya ba pengawa bala Bahá’í enggau kaban belayan sida sama sama ngereja pengawa ba pengidup raban lalu pia mega ba pemayuh orang ke masuk Pengarap, ti endur sekeda klaster bisi meri ripot madahka beratus-ratus iku orang bisi masuk dalam kandang beberapa bulan lalu ba klaster bukai mega bisi bepuluh-puluh orang masuk. Utai ti beguna bendar ba pemansang ti bakatu ianya mayuh bendar bala pangan udah ngeleda pasal gaya pengudus kereja tu, lalu pia mega udah mereti dalam agi ke gaya kereban ti dikena ngaga pemutus runding ti udah ditetapka ba batang pekara dalam Lumpar Pengawa.

Sebedau kami ngelancharka ripih Lumpar Pengawa global kediatu ti befokus ngagai siti tuju dikena nyungkakka proses masuk beraban mayuh , raban Bahá’í endang udah neresa tikas pengerembai ti besai ba sekeda tempat di dunya tu - siti pengerembai besai ti ngujungka pengawa enda ulih ditanka. Nya alai, tapi pengawa ukai tentu deka nambahka pemayuh orang ke baru masuk Pengarap, baka ba sekeda menua ke udah ditemu mayuh orang bisi pengerindu, tang ngaul sida ngagai daya idup raban lalu ngangkatka mayuh ari sida nya tadi nyadi orang ti angkun deka ngerembaika Pengarap. Naka ia pemesai reti dunya Bahá’í nangkup tapi pengawa tu ti endur kami udah ngambi nya nyadika kah ba juluk ba Lumpar Pengawa Empat Taun lalu minta Raban Gelumu Sambiang Bansa lebih agi numpuka pengawa sida dikena ngangkatka pengulih institusyen, ngena chara Institiut pematih dikena nambahka "sumber mensia". Kami ngasaika orang ke majak mayuh masuk Pengarap patut nerima penguntung ari latih ti menyana ti ditukuh dikena nyikap sida ngena penemu enggau pengelansik pengudus, lalu pia mega ngena pengelandik enggau pemandai, ti diguna dikena bejalaika pengawa ti ulih dikena ngenanka pengawa ngerembai enggau ngenegap ti besai.

Diatu lebuh kami beratika pengawa sekeda klaster ke benung galak mansang , dia kami meda ba tiap-tiap klaster nya bala pangan terus ngenegapka proses institiut, sereta belajarka chara ngangkatka bala ti majak mayuh chakah nyukung pemansang Pengarap, dikena numbuhka skem ti semitan dikena ngeluruska pengawa sida, dikena ngerakitka initiatif siku-siku enggau pengawa bebala mayuh awakka nyadi siti bungai (pattern) pengawa begempung ti bisa, lalu pia mega begunaka maklumat ti bekait dikena ngaga pelen pusin pengawa sida. Sida ke udah tetemuka chara dikena neruska pengawa ngerembai enggau ngenegap ke sama serentak -- kunchi dikena ngenanka pemansang -- udah nyengala dipeda. Tanda ti bakatu tentu deka meransang tiap-tiap iku Bahá’í ke angkun awakka terus terit belajarka chara ti sistematik ti udah ditetapka.

Pemenang ti enda disadang beberapa taun ti udah tu ukai semina dipejalaika ba klaster ti endur pengawa ngerembai enggau ngenegap ti benung dipejalaika enggau naka pemesai. Chara ti dikena lebuh bejalaika Lumpar Pengawa Empat Tahun, lalu udah nya ditangkanka Lumpar Pengawa Dua Belas Bulan enggau Lumpar Pengawa Lima Taun ti dulu ari tu, udah mandang ke tanda ti semitan ba pekara ti nyendiaka pelasar ti manah endur bala Bahá’í ngelekaika pengawa sida ngagai raban ke lebih mayuh agi sereta mai sida sama sama nitihka daya idup raban. Penguntung ari proses ti ngangkatka pengelandik ketiga-tiga raban ba Lumpar Pengawa global dalam pengalama sepuluh taun tu ke udah, diatu udah nyata bendar. Dini-dini tempat semua begunaka pengulih pemereti pasal pengering ngemansangka sumber mensia. Ba semua tempat bala pangan enda tau enda belajarka kereban ti diguna kena neruska pemansang - dikena meransang pengawa ke lebih sistematik sereta ngenyauhka diri ari utai ti nekul, mai semua bala pangan sama-sama ngaga pemutus runding sereta nukuh raban ti bisi ngemuan juluk ati, meransang semua ngereja pengawa sereta meri peluang ngagai setiap iku raban ulih ngereja pengawa ungkup diri, kelebih agi bala anakmit enggau nembiak papak perenggang, orang ke deka negika Pengarap Petara sereta nyadi tukang atur dunya Iya ke jemah ila.

Ngena pelasar ke udah chukup tegap, diatu tiap-tiap bala pangan patut dulu berundingka pengawa ngajar ari pengawa bukai. Baikanya sida ngati kediri sida ngajar bala pangan sida lebuh maya bisi begempuru lalu udah nya mai sida nya sama-sama enggau ngereja pugu-pugu pengawa tauka begunaka peluang pengawa nya nyadika pekakas lumur satu dikena ngajar, baikanya ba raban sida, sida ngepunka kelas anak mit enggau kelas nembiak papak perenggang ba klaster tauka dulu numpuka pengawa ngagai orang ke tuai agi, baikanya sida sama-sama sampal dalam team-team nemuai ngusung kaban belayan sida nyadika sebagi ari kempen dedat tauka selalu ngusung bala orang ke bisi ati rinduka Pengarap - semua tu tadi nya pemutus runding nitihka gaya pengulih enggau peluang bala pangan enggau gaya penerima orang bukai ke sependiau enggau sida. Utai ke enda tau enda ditemu bala pangan, enda ngira ni gaya, ianya sabak sedan raban mensia ti, dikemelu ari kuasa pengudus, karam dalam ba pengasa ati sida enggau pemesai tanggung-jawab kitai ngajar, ianya pengawa ke endang udah diungkup ba kitai laban kitai ke udah nyadi kaban raban Nama Ti Pemadu Besai.

Bahá’u’lláh udah nangkan orang ke nitihka Iya ngajar Pengarap. Diatu beribu-ribu iku orang udah angkat chakah bejalaika Lumpar Pengawa muka jalai dikena sida ngiring semengat ngagai Tasik Pegari Penemu Iya. Kami enggau sadang ti besai nganti maya hari ti endur pengawa ngajar nyadika batang pengawa tiap iku bala pangan lalu lebuh maya bala raban begempung enggau naka penegap awakka sida udah chukup besedia enggau ngesaika bulu siga diri empu ba pengawa ngajar. Tu meh ke diandal kami ba kita lalu tuju sampi ati kami ba Pemetung Suchi.

1. Ati kami melumpa laban pengaga ke Pemajik Beberekat, kami ngako pemaioh banto pengasih Iya di-ayan dalam kandang Lumpar Pengawa Tiga Taun, ti udah ngapus ka pejalai ia ba Gawai Ridvan tu. Semengat ati ti dikesuh Taun Kudus, ti meri peransang ngagai pengelanchar ka Lumpar ba Ridvan 1993, ngalun kandang maia tu ngena pengeras gawa ti terit, ti meri raban kitai di dunya lebih begempong, lebih tegap, lebih tuai runding, serta lebih bepengandal ari ti udah. Ba maia ti sama, penuduk raban udah manggai ba tingkat ti tinggi agi. Taja ga Lumpar tu tembo, enggau enda bangat nyemetak pemujur, pengerembai ba maioh tubuh, taja ga tambah orang ti arap nyengala bendar, ia udah nunjuk ka raban ti lebih tinggi kualiti – raban ti besedia nguna peluang ti bisi dikena ngemansang ka Pengarap.

2. Pemujur ti beperenching ba Projek Bukit Carmel nya siti penerang ti tebilang bendar ba kandang maia tu. Taja ga dituntong maioh macham penanggol, tingkat pemansang ti disadang dalam pesan kami leboh ngerah Lumpar Pengawa Tiga Taun diatu nyata bendar. Semua tingkat kerja niri ka ia udah berengkah, rangkar luar ka Pusat alai Belajar ka Tulis Kudus serta kerja Nyambung Arkib Antarabansa udah ditambah lalu kerja ba dua iti rumah tu maju bendar alai deka ngepun ka kerja nembo ka dalam enggau luar ia. Niri ka penuduk tetap ka Pusat Ngajar Antarabansa, rumah ti ketiga ti benong digaga ba Arc, diatu mansang enggau jampat. Tujuh iti panti ari baroh Sungkup Nabi Bab diatu udah tembo, ngayan ka pemanah pengerembai ari kaki ngagai rusuk Bukit Kudus Petara. orang ti berate alit ati meda pemanah anyam ti dikerembai ba bukit nya.

3. Pemujur ti dipeda mata ka pemansang naka ke diatu chukup pemanah nunjuk ka pemenang ti deka di-olih ti besai reti, ianya, segempong tuju dipejalai di serata dunya olih raban kitai dalam bejalai ka pengawa ti besai, ti begempong tu. Penerit pengeras ati serta sukong ti dipansut ka ia udah ngayan Kediri dalam tengkujoh pemeri ti ngelui sadang, manchar ka tikas berantu ti nunjuk ka pengarap ati serta penelap ati bala sulu Baha'u'llah di serata dunya tu. Pemeri ngagai Projek Bukit Carmel udah tetangkup ka pinta julok ati tiga taun ti bepenyampau tujuh puluh empat juta nanda siti pemujur ti olih disukat serta chukup manah, meri peransang alai sukong penatai duit ka projek tu deka terus sampai ka ia tembo ba ujong abad tu.

4. Tanda pemansang kandang tiga taun ti udah lalu nyata bendar dalam maioh bengkah bidang. Pengiroh ti nyengala dalam ngerembai enggau ngenegap ka raban, kerja ti betambah dalam pemansang penatai pemisi enggau pengawa rama, serta sungkak ti ngelui ari sadang ba kaul enggau orang luar dipegulai sekali nunjuk ka raban ti disikap pengulih ti baru.

5. Ba kelang ngajar, kerja bisi betambah baka ti dipandang enggau numbuh ka duabelas iti Raban Gelumu sambaing Bansa ti baru dalam kandang Lumpar serta segang pengajar ti pindah pendiau enggau ti bejalai ngajar. Bala ti arap di maioh bengkah menoa dikering ka ngena chara ti baru ti dilanggor dalam kanggau ka bala pengajar pindah pendiau ti dikeluar kandang maia Lumpar. Penyampau bala pengajar pindah pendiau ti bejalai di menoa diri enggau ka menoa bukai nyata bendar. Chara ti betusun dalam pengawa ngajar begempong serta projek ngajar renggat panjai ti betumpu mansut ka asil lebih nyata ari ti udah dipejalai ba maioh bengkah menoa.

6. Penguat enggau pengelandik ti nyempulang maioh bengkah pemansang ngerembai enggau ngenegap bepanggai bendar ba ati ti pintar ti dipandang Pusat Ngajar Antarabansa. Lalau enggau peransang ti bejarit datai ari ia nuju Raban Bala Pengelalau, langgor penemu ti madah ka chara baru dikena nganjong bala pengajar pindah pendiau, baka ti dikemendar Rumah Pengelurus Serata Dunya dalam tesau minta bala pengajar pindah pendiau ba pun Lumpar, serta banto ia ti bejarit ngagai Komiti Pengajar Pindah Pendiau Bengkah Menoa ti dipegai ia, tumpu ia ti enda ngetu ngagai guna pelajar ka raban baka ti ditunjuk dalam kaul ia enggau bala Pengelalau ti nyerangkong program ngenalam ka penemu bala ti baru arap dalam projek ngajar, ngaga ator ka kos enggau bengkel dikena ngelatih dalam maioh bengkah pengulih, ngelatih pengajar kelas anakmit, lalu nambah ka pemaioh kelas anakmit, peransang ia dikena numbuh ka institute ngelatih ba maioh bengkah tempat di dunya –semua udah mansut ka asil ti nyemetak. Puji ti besai mesti mega diberi ngagai Pusat Ngajar Antarabansa ketegal kuasa penarit ti dipansut ia nengah Bala Pengelalau dalam nguna program batang perengka bacha dalam maioh bengkah menoa ti betambah. Nengah program ti baka nya sekeda bup ti dipeguna dalam ngerembai ka Pengarap enggau ngenalam ka penemu bala ti arap dipilih, dichelak enggau maioh serta diedar lalu dijual enggau rega ti baroh. Pemansang ti nyengala dalam singkang ubah pugu pengator pengawa tu ti gawa ba Pusat Dunya nyata bendar dalam penyendia enggau ator ia ka Aum Bala Pengelalau dalam bulan Duabelas ti udah lalu ti ngerintis ka tusun pengawa bala pemesai ti tinggi pangkat tub a Pengarapmkandang beberapa taun ti semak ti deka datai.

7. Pemansang ti besai reti ianya makin betambah orang bansa asal mangko tapi-pengawa ngajar enggau ngenegap ba menoa sida empu. Ba maioh bengkah menoa ti dituntong penusah, baka di Angola, Cambodia, Liberia, Sierra Leone, bala pangan bulih pemenang ti beguna, sekali ka dalam ngemansang ka pengawa ngajar ti ngujong ka maioh orang baru masuk, tauka dalam numbuh serta ngering ka baru Raban Gelumu Baha'i tauka dalam ngepun serta ngenan ka pemansang projek. Ba tempat alai Raban Gelumu Sambiang Bansa baru ditumbuh, baka di menoa Blok Timur ti dulu suba, bala pangan udah nunjuk ka pengulih ti tinggi dalam ngator pekara Pengarap. Tuchong pemujur ka kandang maia tu ianya alun ti regas, berani serta bepengelandik ti nyadi ba raban Baha'i di beberapa pulau di serata dunya. Bagi pengawa ti bisi dikerja maioh bengkah, nyengkaum ngangkat ka maioh bala pengajar di menoa diri, ngelatih serta nganjong bala pengajar ti bejalai ngagai pulau-pulau ti besemak, ngepun ka sekula primary, pengerami ti maioh dikena nerang ka Pengarap, meri belanja dikena ngator pengerami ti digulu bala pemesai perintah enggau orang ti bekuasa. Dalam beberapa taun ti baru lalu beberapa iko pemesai-pemesai perintah ba menoa-menoa pulau udah nemuai ngagai Pusat Dunya Baha'i nunjuk ka pengeregas kerja ti di-intu bala ti arap ba pulau-pulau ti mit ti betabur ba serata tujuh tasik. Disimpul sekali, semua teladan runding enggau pengiroh bala pangan dalam maioh bengkah penyadi nunjuk ka pengeran ti tinggi ba kerja ngajar serta penuai runding ti mansang enggau penegap ti manchar ka penalam pengarap ati ti meransang bala Baha'i ari maioh bengkah bansa.

8. Segembar enggau perati tu ianya sukong ti manah ari bala nembiak dalam ngerembai enggau ngenegap. Kerja sida betambah luas kandang maia tiga taun ti lalu. Diperansang olih aum nembiak enggau gelumu ti bukai ti senutuk enggau pengerindu sida, bala nembiak di serata dunya meri maioh jam, penguat enggau pengeransing sida ngagai kerja ngajar baka nyadi pengajar ti bejalai di menoa diri tauka ke luar menoa diri lalu pia mega beraban ngerja projek begempong lalu leboh ti gawa baka nya, sida narit berates iko orang ti masuk baru serta nuduk ka maioh Raban Gelumu Sambiang Menoa; bala nembiak enggau dalam bidang muzik enggau seni dikena nerang serta ngajar Pengarap nyemetak mujur ba maioh tempat, ngerembai ka tandak enggau bengkel drama mega ngasi bendar, bala nembiak enggau dalam kaul enggau orang luar muka pengulih ti baru ka Pengarap dalam bidang tu; sida ti tunggang enggau ba taun gawa ka Pengarap udah mega betambah luas, lalu pia mega penyampau bala nembiak bulih latih serta pengelandik dalam bidang akademik, professional enggau vokasional udah betambah—semua nya nunjuk ka bala nembiak ending maioh gawa terus ka Pengarap serta ba maia ti sama bisi manto dalam ngemansang ka pengidup raban mensia.

9. Tanda ngenegap ka raban majak ayan alai bala pangan makin enggau dalam pemansang pengidup rama enggau penatai pemisi lebih agi dalam bidang meri pelajar. Siti teladan ti tebilang, ianya siti perintah minta bala Baha'i nangkup kerja ngurus tujuh iti sekula perintah, lalu sida ngerja tu enggau sukong Opis ka Pemansang Rama enggau Penatai Pemisi ba Pusat Dunya. Patut dikenang mega ianya di Afrika raban BahaiI ti ngintu diri Kediri-diri ketegal penyarut politik ba menoa sida empu mengkang ngemansang ka projek bumai enggau projek bukai ti beguna bendar dalam nentu ka sida olih ngidup Kediri. Pengiruh dalam nyungkak ka pangkat bala orang indu betambah deras alai ba maioh bengkah menoa, kelimpah ari ti enggau ba projek Baha'i ti dipelanja gerempong bukai, pugu pengator pengawa Baha'i numbuh ka komiti enggau opis ti ngintu peneka bala orang indu. Raban Baha'i Antarabansa ka Pemansang Orang Indu ayan nyadi ka tanda sungkak tu.

10. Ba beberapa iti menoa mega, bala Baha'i betambah enggau dalam program ti dipelanja perintah endor ngangkat ka pemanah pengerai; lalu ba siti endor raban Baha'i ngepun serta bejalai ka program nya. Pengawa ngemansang ka pengidup rama enggau penatai pemisi udah nyengala duduk teguh serta tegap ba maioh projek enggau gerempong. Tiga iti projek pengerintis literasi udah berengkah nyadi ka pun kempen literasi ti deka dipejalai di serata dunya olih Opis Pemansang Pengidup Rama enggau penatai Pemisi. Baha'i ti ngepun serta enggau dalam projek pemansang udah mega Nampak ka Pengarap lalu sida narit mensia maioh serta perengka penibar berita [mass media] enggau dalam projek nya.

11. Sungkak dalam kerja kaul enggau orang luar ngelui ari ti udah olih ngelama tu udah nambah ka penerang Pengarap. Penguat pengiroh di semua bengkah endor di dunya mansut ka pengayan Pengarap ti lebih nyata ari ti udah ngelama tu lalu ngangkat ka penuduk raban Baha'i antarabansa. Suran pemansang ti besai nyata bendar ba raban Baha'i, ti besai enggau ti mit, meri belanja tauka enggau dalam pengerami ti tebuka ka orang maioh: pengayan Baha'i nyadi ka penguat dalam pengidup raban bansa mensia dikelala olih perintah enggau gerempong ukai perintah serta maioh orang ti tebilang, lalu mudah ditemu raban penibar berita. Ke bendar, leboh pengerami Baha'i ditibar enggau luas dia pengerindu ti ditunjuk ka perengka penibar berita ti bechelak enggau elektronik ending ngelui ari ti disadang.

12. Dalam peneras pengawa di serata dunya, sekeda pemansang nyata nyulut: penyuah bala pemesai perintah nganggau ka Baha'i enggau tauka nyukong sekeda pengerami tauka projek; pemujur Baha'i dalam mai ubah dalam kerja perintah; nudok ka program pelajar Baha'i serta kursus di maktab enggau university serta perengka kurikulum ia diguna ba sekeda sekula perintah; beguna ka seni olih pugu pengator pengawa Baha'i dalam pengerami meri penerang ti diator beraban enggau siko-siko.

13. Kandang taun 1995, dua iti pengerami besai diator Gerempong Bansa nanda peneras ti mupuk ngayan ka penyerakup runding dalam pengawa dunya, lalu tu beguna ka perati ti silik raban Baha'i serta ia enggau bejalai ka nya. Ketrubah, Punchak Aum Dunya pasal Pemansang Rama di Copenhagen dalam bulan Tiga ka 250 iko bala pangan ari lebih 40 iti menoa endang mantai ka pengiroh peneleba ka orang ti ngulu Punchak Aum enggau Forum ti diator gerempong ukai perintah enggau Ajar Pengarap. Ba pengerami tu meh penerang pasal “Pengeraja ka bansa Mensia” disedia olih Opis Pemadah Mensia maioh ba Raban Baha'i Antarabansa ketrubah ia disadong serta dipejurai, kerja nangkan ka nya diator ba maioh endor di dunya nyengkaum ngator aum enggau seminar, lalu nyadong penerang nya. Kedua, Aum Dunya ti ke Empat pasal orang Indu enggau Forum Gerempong ukai perintah ti nyerumba nya diator di Beijing dalam bulan Sembilan digulu lebih 500 iko bala Baha'i ari serata dunya, nambah ka batang pengari ka Raban Baha'i Antarabansa. Ba taun ti sama, pengerami ti ketiga, pengerami ngingat ka limapuluh taun penumbuh Gerempong Bansa meri Raban Baha'i Antarabansa ianya siti ari Opis Gerempong Bansa peluang ngeluar serta nyadong penerang ti dikumbai “Titik Pemutar Ka Semua Menoa” ti ngundan langgor dikena ngemansang ka gerempong dunya tu.

14. Patut dikenang mega ba pengawa kaul enggau orang luar ianya ba dua iti pengerami nyata beguna ka Amatu’l-Baha Ruhiyyih Khanum enggau ba pengerami nya: Maia musim bungai ti lalu, iya ngulu ka pengari empat iko pemesai Baha'i ngagai Punchak Aum Tanggam antara Pengarap enggau Pengetan [Conservation] ti betuai ka Iya ti di Pebasa Prince Philip ti diator ba Windsor Castle. Dalam bulan Sepuluh Ruhiyyih Khanum nyadi orang ti batang meri jako licha ba Randau Antarabansa ti ke Empat ngenang Ubah nuju Raban Pengidup Serata Dunya diketuai ka Unnited Nations Educational, Scientific, and Cultural Organization [UNESCO] ti diator Baha'i Chair ka Pemaik Dunya serta Department of History ba University of Maryland.

15. Enda mega kami patut ngelaung nyebut sekeda tanda ti besai reti ti bisi ba kandang maia ti diperati tu. Kitab-i-Aqdas dichelak ketrubah ia dalam jako asal Arab serta disempulang penerang dalam jako Persia, nyadi ka tambah ia ti dichelak dalam jako English. Adat Huququ'llah makin betanggam rat ba ati bala orang ti arap serata dunya, lalu ba taun penudi ka Lumpar Pengawa Tiga Taun, Penyaga Huququ'llah, Jari Pengawa Petara `Ali-Muhammad Varqa, mindah diau ka Tanah Kudus. Singkang ti besai reti tu mai semua ketiga-tiga Jari Pengawa Petara-Amatu'l-Baha Ruhiyyih Khanum, Mr. `Ali-Akbar Furutan, enggau Dr. Varqa— diatu diau di Pusat Dunya, meri peransang ngagai bala pilgrim enggau temuai, enggau bala pangan ti gawa di Pusat Dunya.

16. Besandar ba penyandih ti meri pemansang ti ngelantang ka ati kami ngepun ka Ridvan tu enggau Lumpar Pengawa Empat Taun ti mai kitai terus ngagai Ridvan 2000. Kami enggau pengeran serta pengerindu nganggau ka semua bala menyadi kami lelaki enggau indu ba tiap menoa bela enggau kami kiroh gawa nentu ka abad kedua-puluh satu ti jampat datai dikumpa enggau pengaya reta ti meruan belama.

17. Lumpar Pengawa Empat Taun ngembuan siti julok ati ianya bulih siti pemujur ti besai; singkang pemansang ti besai dalam ripih pengawa masuk beraban maioh. Baka ti dipadah kami dulu ari tu, singkang ti baka nya deka di-olih nengah pemujur ti nyata dalam kerja enggau pemansang ba siko-siko bala ti arap, pugu pengatur pegawa enggau tumpok raban.

18. Genteran “singkang pemansang dalam ripih pengawa masuk beraban maioh” ngundan reti ianya gaya utai ti nyadi diatu beguna ka penumbuh ti meruan mansang ba raban dunya Baha'i ngagai tikas ti besai; alai alun tu beguna bendar dikena napi utai ti nyadi di dunya; alai tiga pekara ti nyadi ka kaban dalam negi ka Ator Baha'u'llah ianya siko-siko, pugu pengator pengawa enggau raban—olih nyungkak ka pemansang nya ari ti ketrubah nerima pengulih tub a semengat enggau ba runding, lalu udah nya gawa nyerangkap raban orang ti baru arap, bejalai ka ator dikena meri latih serta ngering ka pemansang semengat enggau pengelandik sida ngintu ator pengawa, ari nya nambah ka pemaioh bala pengajar enggau orang ti mangku pengawa ti landik, ti regas alai sida ti enggau ngintu pengawa Pengarap deka nentu ka peneras orang ti masuk baru meruan nyadi, pemansang Raban Gelumu Baha'i nadai tejanggal, lalu majak ngenegap ka raban.

19. Nambah ka nya ngemansang ka singkang ngembuan reti ianya ripih pengawa udah berengkah alai raban ba tumpok enggau menoa endang mansang ba tingkat ti enda sebaka. Semua raban diatu mesti nangkup kerja ngepun ka singkang serta nan ka pengiroh dikena ngulih ka tikas ngerembai enggau ngenegap ti tetipak enggau pengulih ti deka nyadi. Siko-siko enggau pugu pengator pengawa, taja ga gawa ba tikas ti enda sama, ditesau angkat napi guna jam tu ti genting ba pengidup raban kitai enggau nasib semua bansa mensia.

20. Ungkup kerja siko-siko chukup beguna ba pengawa Pengarap. Pemujur kerja ngajar enggau ngemansang ka raban bepanggai ba siko-siko ti ngayan ka penguat pengarap ati. Jako-tangkan Baha'u'llah nuju tiap iko orang ti arap ngasoh ngajar Pengarap Iya meri tangkup-pengawa ti enda olih diseliah ti enda olih dipindah, tauka diserah, ngagai ni-ni pugu pengator pengawa Pengarap. Semina siko-siko aja ti olih bejalai ka pengulih nya ti nyengkaum olih ngepun Kediri, nguna peluang, bekaban enggau orang bukai, bekaul enggau orang bukai, nanggam kaul, tulih ka sukong orang bukai dalam gawa ka Pengarap enggau raban mensia, lalu bejalai ka pemutus penemu ti datai nengah jurai raban. Nya endang tapi-kerja siko-siko “ngiga semua chara ti tau diguna iya dalam narit perati, nan ka pengerindu, serta ngenalam ka pengarap ati orang ti dibai iya masuk Pengarap iya”.

21. Ngambi ka nguna pengulih tu enggau penuh, siko-siko patut narit pengerindu iya ka Baha'u'llah, kuasa sempekat, pengering sambaing, peransang enggau pelajar ti oloh ari ti bejarit macha serta belajar ka Tulis Kudus, serta penguat ubah ti bejalai ba semengat iya leboh iya nguji ngembuan perangai nitih ka adat enggau batang ajar Petara. Nambah ka tu, siko-siko, laban ti diberi tapi-kerja ngajar Pengarap, bisi disikap enggau pengulih narit berekat ti disemaia Baha'u'llah. “Barang sapa ti muka mulut iya ba Hari tu,” ko Pemajik Beberekat, “serta nyebut nama Tuhan iya, raban peransang Petara deka nurun ngagai iya ari serega nama Aku, ti Semua-Nemu, ti Semua-Pintar. Ba iya deka nurun bala Malikat di atas, genap iko megai chawan penerang tulin.”

22. Shoghi Effendi terang madah ka pemesai guna pengeran diri enggau gawa ba siko-siko. Iya madah enti nadai sukong ari siko-siko, “ti enda belampong, ti seruran bisi serta maioh,” tiap jalai kerja enggau lumpar pengawa Raban Gelumu Sambiang Bansa iya endang “tetap enda mujur,” tuju Lumpar Pengawa Petara ti dikeluar Tuai deka “tejanggal”; nambah ka nya, pengering ti ngenan ari Baha'u'llah Empu “deka dikelaung ka ari genap iko enggau semua orang ti enda angkat ngerja ungkup diri ba pengelama ti panjai.” Nya-alai, sebarang macham pemujur ti olih endang bepugu ba siko-siko, ke ngembuan penguat dikena ngulih ka ia ti dikeluar ka semina nengah pengeran diri serta kerja ti seruran tan. Ngenang ngasai ka pengurang ba diri-empu ti kadang-kadang nekol pengeran diri, surat ti ditulis ngari ka Pengibun meri lalau baka tu:- “Batang pekara, ti disebut nuan ianya kurang pemerani enggau pengurang pengeran diri ba bala orang ti arap, lalu sida ngasai Kediri baroh nya ti nagang sida betungga enggau orang maioh. Iya minta bala pangan ngalah ka pengurang tu, laban pekara baka tu ukai semina deka menat ka pengiroh sida tang ke bendar deka madam ka api pengarap ati dalam ati sida. Semadi meh semua bala pangan ngasai ka genap iko sida endang olih, nitik ka penguat diri, ngenatai ka Pesan, nya baru, sida tau andal tulih ka julok ati ti udah ditaga ka sida olih Tuai ti bepengerindu serta pintar—Genap iko endang bisi pengulih nyadi pengajar. Iya semina patut nguna utai ti diberi Petara ngagai Iya lalu ari nya nunjuk Kediri ianya iya talok ka pengarap ati iya.”

23. Ngenang pugu pengator pengawa, masuk beraban maioh deka datai ba sida ngipak ka tikas sida gawa ngulih ka ia. Ubah pemansang Raban Gelumu sambaing Menoa enggau Raban Gelumu Sambiang Bansa ba jam kediatu beguna ka runding ti baru ba kaban ia serta ba orang ti milih ia, laban raban Baha'i ngerja ripih pengawa ti besai reti ba cherita pengidup diatu udah masuk ngagai tingkat ti genting. Baha'u'llah udah meri ngagai dunya pugu pengator pengawa ti gawa dalam Ator ti ditaga olih ngempong betumpu bulih tusun pengidup ti baru. Pemujur nuju pemendar ti tampak tu beguna ka pengerembai ti besai serta bejarit ka raban Baha'i, ngambi ka bidang ti chukup pengeluas tau bisi endor ngenuai ka penemu pugu pengator pengawa tu. Tu pekara ti dipeguna enggau berumban ba bala penyukong Baha'u'llah ti nyengala ba semua menoa.

24. Ngambi ka pemansang baka nya diperansang serta diterima, Raban Gelumu Sambiang Bansa mesti niki ngagai tingkat ti baru dalam bejalai ka tanggongpengawa sida nyadi ka arus ngenatai ka lalau, ngaga perambu ka pengawa ngajar, ngemansang ka pun pengelandik mensia, niri ka raban, serta nyadi pemalin ti sinu ka mensia maioh. Sida tau tulih ka pekara tu ari ti nambah ka pengulih bala kaban ia bejurai begulai nitih ka batang ajar Pengarap serta bejurai enggau bala pangan ti dipegai sida, ari ti nanggam ati ti deka gawa, ari ti bekaul terit enggau Raban Bala Pengelalau serta penyanding sida, serta ari ti numbuh ka kaul enggau orang luar. Lebih agi pemujur dalam ubah pemansang ka pugu pengator pengawa mesti diayan nengah penyampau tumpok ti bisi Raban Gelumu ti ngintu pengawa ti olih nyungkak ka pengulih siko-siko orang ti arap gawa ka Pengarap serta nanggam begempong kerja. Simpul sekali, penuai runding Raban Gelumu disukat ukai semina nengah penyuah ia bejarit miting tauka penyikar ia gawa, tang mega tambah ti bejarit ka orang ti masuk nyadi Baha'i, penyikar ia bekaul antara Raban Gelumu serta kaban ba raban ia, kualiti pengidup pemansang semengat enggau pemansang pengidup rama ba raban, enggau perasai ati bala maioh ti ngasai ka pengering raban dalam ripih-pengawa pemansang ti regas, ti meruan mansang.

25. Raban, laban ti bebida ari siko-siko enggau pugu pengator pengawa, patut ngembuan rangkar diri enggau identity diri leboh ia mansang besai. Tu meh pemansang ti dipeguna alai perati patut ditumpu ba tempat alai orang masuk maioh udah nyadi serta ba maioh endor bukai alai nyendia Kediri nerima orang ti masuk beraban maioh. Raban laban ti lebih ari penyampau kaban ia dichampur sekali: ianya siti unit tusun pengidup ti penuh ti ngundan orang siko-siko, orang dirisebilik serta pugu pengator pengawa ti ngemun serta ngemansang ka system, agensi serta gerempong gawa begulai ti ngembuan tuju ti sama deka ngemanah ka pengidup mensia di dalam enggau di luar enggau pengidup sempadan ia empu; ianya champur kaban ti maioh bengkah bansa, ti bekaul enggau pangan diri ti ngulih ka penyerakup dalam pengiruh ti enda ngetu deka ngulih ka pemansang semengat enggau pengidup rama. Laban Baha’i ba dini-dini endor diatu benong ba pun ripih pengawa niri ka raban, pengiruh ti besai mesti ditumpu ngagai kerja ti ba jari.

26. Munyi ti dipadah kami dalam pesan ti dulu ari tu, pengerinda komuniti, lebih agi ba tikas menua, begunaka sungkak ti besai dalam turai perangai; turai ti ditunjuk dipegulai pemanah olah siko-siko kaban serta Raban Gelumu ngintu pengawa ti ayan dalam penyerakup enggau pemanah kaul raban serta pengeregas kerja enggau pemansang ia. Tu beguna ka tanggam ba raban ti dikembuan ia— orang besai tuai, bala nembiak enggau anakmit—dalam pengawa pemansang semengat, pengawa rama, pengawa pelajar enggau ator pengawa; serta sida ngerja lumpar pengawa ngajar enggau pemansang ba tumpuk. Ia mai reti ianya peneka begempung serta ngembuan tuju dalam ngemansang ka Raban Gelumu nengah undi ninting taun. Ia nyengkaum pengawa beserumpu nyembah Petara. Nya-alai, beguna bendar dalam ngemansangka pengidup semengat komuniti bala pangan bejarit ngatur serumpu sambiang ba pusat Bahá’í menua, enti bisi, tauka ba tempat bukai, nyengkaum ba rumah orang ti arap.

27. Ngambi tulih ka pengulih ngerembai enggau ngenegap baka dalam reti masuk beraban maioh, pengiroh ti terit di serata dunya mesti diator kena ngemansang ka pun pengelandik mensia. Pengiroh bala siko-siko ngator kelas endor belajar ba rumah diri, pugu pengator pengawa meri belanja kena ngator kos ngelatih, serta kerja ti di-intu raban, taja beguna, enda chukup dikena napi meri pelajar enggau latih ngagai raban ti jampat ngerembai. Nya-alai beguna bendar chara ti betusun dikena meri pelajar ngagai maioh orang ti arap pasal batang ajar Pengarap lalu meri latih serta manto sida ngambi ka olih gawa ka Pengarap nguna pengelandik sida ti diberi Petara. Nuduk ka institute tetap ti dikena ngator program ti betusun manah endor meri latih nitih ka letak maia ti bejarit enda patut ditangguh agi. Enti bisi rumah endor institute endang manah, tang ukai reti ia mesti bisi rumah kediri.

28. Pekara tu beguna ka kaul ti terit antara Raban Bala Pengelalau enggau Raban Gelumu Sambiang Bansa. Pemujur institute ngelatih bepanggai bendar ban aka ni penerit Bala Pengelalau serta kaban Bala penyanding enggau dalam bejalai ka ia. Lebih beguna agi ianya Kaban Bala Penyanding patut bekaul rapit gawa enggau institute, serta mega Raban Gelumu Sambiang Menoa alai raban bulih penguntong ari program institute. Laban institute nya di-ako nyadi ka pusat belajar, lalu rangkar ia segembar enggau tapi-pengawa kaban Bala Penyanding meri pelajar ia meri peluang ngagai kaban Bala Penyanding ngerja tapi-pengawa tu, serta kaul ti rapit dalam pejalai institute patut di-ako nyadi sebagi ari ubah pemansang kerja bala pemesai tu ba Pengarap. Narit pengelandik enggau pengulih makin maioh bala orang ti arap chukup beguna dalam ngemansang serta bejalai ka program institute.

29. Laban lekajako “institute” ngundan maioh reti ba raban Baha’i, nerang ka reti jako tu di pikir beguna. Empat taun ti deka datai ngari ka kandang maia ti chukup penyelai dalam cherita Pengarap kitai, titik pemutar pemesai jeman. Utai ti di-asoh kerja bala pangan di serata dunya ianya meri diri-empu, pemisi reta diri, pengulih diri enggau jam diri dalam ngemansang ka lalin institute ngelatih manggai ngagai tingkat ti nadai kala udah diuji. Pusat pelajar Baha’i tu ngembuan siti julok ati ti meri asil ti olih dipeda, ianya, nambah ka pemaioh orang ti arap ti dilatih nyungkak serta ngelichin ka pejalai ripih pengawa masuk beraban maioh enggau penyikar serta pengerindu.

30. “Tumpu ka penguat nuan ngagai ngerembai ka Pengarap Petara,” nya meh munyi lalau Baha'u'llah ngagai bala nembiak Iya, nambah nya Iya nyebut, “Barang sapa ti patut bulih kanggau tu, uji iya angkat serta ngemansang ka nya. Barang sapa ti enda olih, ungkup-kerja iya nya madu orang bukai, ngari ka iya, nerang ka Pegari Penemu Petara tu. “Sebaka enggau ngiga orang ti ngari ka iya ngajar baka meri belanja ngagai pengajar ti pindah pendiau tauka pengajar ti bejalai, siko-siko olih mega ngiga orang ngari ka iya nyadi pengajar ti gawa ba institute, ke nyadi pengajar ka bala pengajar. Ngambi tu dikerja, iya tau nyurong ka pemeri iya ngagai Continental Baha’i Fund, tauka ngagai pan Tumpok, Menoa enggau Antarabansa, ti diagih ka tuju tu.

31. Dalam semua pengiroh sida deka ngulih ka julok ati Lumpar Pengawa Empat Taun, bala pangan dipinta meri tumpu ti tinggi ngagai nguna seni, ukai semina diguna dalam pengawa meri penerang, tang mega ba pengawa ngerembai enggau ngenegap. Seni graphic enggau performing arts serta mega kesusasteraan, lalu olih, nangkup ungkup ti besai dalam ngerembai ka kuasa penarit ti bisi ba Pengarap. Ba tingkat seni bala maioh, ia olih dipajak ka ba genap tempat di dunya, sekali ka nya ba tempat pendiau di pesisir, di pasar tauka di nengeri. Shoghi Effendi ngemuan pengandal ti tinggi ba seni dalam narit perati orang ngagai Ajar Pengarap. Surat ti ditulis ngari ka iya nuju siko orang ti arap ngenatai ka penemu Pengibun: “Maia deka datai alai Pengarap deka ngerembai baka api ti makai babas leboh batang tuju enggau ajar ia dipandang ka ba panggau tauka dalam seni enggau kesusasteraan. Seni olih ngenani ka runding ti tinggi enti disbanding enggau bekelikoh penemu ti chelap, lebih agi ngagai raban mensia maioh.”

32. Leboh bala pangan enggau pugu pengator pengawa di semua endor numpu ka penguat sida bejalai ka utai ti diguna Lumpar, kerja ba projek besai di Bukit Carmel deka mengkang dipejalai nuju penembo ti dijangka ba ujong abad tu. Ba pengujong Lumpar ba Ridvan 2000, rumah ka Pusat endor Belajar ka Tulis Kudus serta Sambung ka Rumah Arkib deka dikena, rumah ka Pusat Ngajar Antarabansa tideka terus mansang ngagai tingkat ti penudi. Piak jalai mensia maioh ti diatu ngerasuk jalai panti ari atas Sungkup Nabi Bab deka ensuruk ari baroh lalu jambatan penyambung ti besai ti bisi kebun bungai Kediri empu deka tembo maia nya, lalu lima iti panti ngalih ke atas pen tembo maia nya. Empat iti panti ngalih ke atas ti agi tinggal serta dua iti ba kaki bukit deka datai ba pemansang ti nyampau maia nya. Pengiroh bukai deka mega dipajak di Pusat Dunya. Perati deka ditumpu ngagai pekara baka bejalai ka di serata dunya tambah adat dalam Kitab-i-Aqdas, nyendia siti volumne Tulis Baha'u'llah dalam jako English, nambah ka pemansang kerja Pusat Ngajar Antarabansa, lalu ngaga singkang ator dikena nambah ka pilgrim enggau temuai ngagai Pusat Dunya.

33. Raban Baha’i di dunya mengkang ngerembai ka pengiroh ia dalam ngemansang ka pengawa rama enggau penatai pemisi serta mega kaul enggau orang luar, lalu ari nya mengkang bekaul terus enggau kuasa ti nuju ngagai penumbuh ator di dunya. Ari ti ningkat ka pengulih ia ngator, Opis ka Pemansang Rama enggau Penatai Pemisi deka manto dalam niri ka pemansang ti udah bisi ba berates iti projek pemansang di dunya, nitih ka pengulih pemisi enggau peluang. Dalam kelang kaul enggau orang luar, pengiroh deka ditumpu ngagai narit kuasa nuju ripih pengawa pemaik dunya, lebih agi nengah raban masuk dalam nyungkak ka hak siko-siko, penuduk orang indu, pengaya serata dunya, enggau pemansang olah perangai. Dalam ngulih ka batang penemu tu, Raban Baha’i Antarabansa siti ari Opis Gerempong Bansa deka ngiga jalai dikena ngering ka agi kaul Baha’i enggau Gerempong Bansa. Pia mega, Opis Pemadah Mensia Maioh deka mantu pugu pengator pengawa Baha’i nguna batang penemu tu dikena meri penerang ti luas agi ka Pengarap. Nyaga hak bala Baha’i di Iran serta pengiroh ti betambah dalam ngelepas ka Pengarap di menoa nya serta di menua bukai alai ia disekat deka nyadi sebagi ari kerja ti beguna dalam kaul kami enggau perintah serta gerempong ukai perintah. Dalam semua pekara baka tu bala pangan serta pugu pengator pengawa dipinta bejaga-jaga ngemata ka pemesai guna kerja bekaul enggau orang luar lalu meri perati ti baru ngagai ia.

34. Ba Ridvan tu dua iti Raban Gelumu Sambiang Bansa deka ditumbuh ti meri pun ti manah ngagai Lumpar Pengawa Empat taun. Enggau pengaga ati kami ngerah ianya dua iko pengari kami ngagai Konvensen Bansa ti ketrubah tu ianya Jari Pengawa Petara Amatu'l-Baha Ruhiyyih Khanum, ka Moldova; serta Mr. Fred

Schechter, kaban Pengelalau ba Pusat Ngajar Antarabansa, ka Sao Tome enggau

Principe. Enggau penesal ati, ketegal pekara ti luar jaga kitai, Raban Gelumu Sambiang Bansa ka Burundi enggau Rwanda enda olih dipilih taun tu. Penyampau pugu pengator pengawa tu di serata dunya agi mengkang 174 iti.

35. Ridvan 2000, titik alai Lumpar Pengawa Empat taun deka tutup, deka datai beberapa bulai empai pengujong abad kedua-puluh. Ba simpang maia tu, dunya Baha’i deka ninjau ke belakang enggau pengaga meda pemansang ti chukup manah serta pemujur ti beperenching ti nanda cherita Pengawa Baha'u'llah dalam kandang maia ti maioh penyadi---kandang maia ti dikumbai `Abdu'l-Baha “abad penampak”. Pemujur tu ukai mit reti ti dipeda maia nya ianya penembo projek Bukit Carmel ti benong dikerja diatu, begulai enggau rumah-rumah bukai ba bukit kudus, deka bediri nyadi tanda pengingat ka pemansang ti udah olih TusunAtor Pengawa maia nya dalam kandang Renggat Penumbuh. Tuchong ka pengaga nya, enti Petara ngemendar, ianya ngator siti pengerami besai di Pusat Dunya nanda penembo rumah-rumah ba Arc serta bejadi Panti nuju Sungkup Nabi Bab ti dibuka ka mensia maioh.

36. Bala Pangan ti dikerindu, kitai masuk Lumpar tu ba tengah-tengah maya ti tusut ti jampat berubah. Dua proses besapit ti diansak ulih teruju Revelasyen Bahá’u’lláh diatu jampat nyadi, betambah laju, alai nitih jaku Shoghi Effendi, “deka mai ngagai tuchung penguat ti deka ngubah mua dunya kitai tu.” Siti proses nya ngempung; siti agi ngeruntuh. Pansut ari “serampur bari” ti ditempa proses tu, pemaik deka ayan berengat-rengat, nengah empas kuasa ti nyerakup laban mensia majak ngeleda ngelala mensia endang rayat siti dunya makin ayan.

37. Dalam ngulihka tuju tu, pekara ti nyadi di dunya empai bangat lama, betentang, bisi nengenyitka ati serta ngandalka ati. Ba sepiak, penusut ti nuntung pekara mensia nyadika pemakai ti ngenakut tiap hari ti nyau menatka asai tubuh; lalu ba sepiak, bala ketuai di dunya suah besaup ngerja pengawa, ngagai Bahá’í ti merati, nanda siti chara menua-menua mutarka penanggul ti nuntung dunya. Uji perati, ambika banding, penyuah aum dunya ti digulu bala ketuai menua ti diatur sekumbang pengudah Taun Kudus empat taun ti lalu, siti ari nya ianya pengerami Lima Taun Penumbuh Gerempung Bansa, alai bala ketuai menua enggau kepala perintah numpuka pengeran sida deka ngulihka pemaik dunya. Nyadika pengaga mega, penyampat enggau pengelengkas bala kepala perintah tu begempung gawa dalam nyatup mayuh bengkah penyarut ti nuntung mayuh bengkah tempat di dunya. Penyadi ti baka tu segembar enggau kangau ti makin kuat ari raban ti bepengelandik ti minta numpuka perati ngagai pengulih sekeda atur dikena merintah serata dunya. Enda ke kitai meda pemansang ti jampat nyadi tu kerja Jari Penelap, kebendar pengerandangka pekara ti besai ti disadang dalam Tulis Kudus kitai?

38. Taja ga numbuhka Pemaik ti Mit enda bepangai ba sebarang pelen tauka kerja Bahá’í, lalu taja ia ukai ngarika batang tuju ti ditaga ngagai bansa mensia lebuh nuntung Rambau Emas, raban kitai bisi tangkup pengawa meri pengering pemansang semengat ti ngiring proses nuju pemaik nya. Guna ba jam tu diatu ianya nambahka pengiruh kitai dalam nirika Sistem Bahá’í ti deka narit penetap ari Bahá’u’lláh ari nya mansutka pemansang semengat ti ngenyampatka proses tu. Dua tapi pengawa besatup enggau kitai: siti ianya ngatur pengawa ngajar alai pemayuh tubuh raban kitai ransing dikerja, betusun serta siku-siku bela enggau, lalu dalam ngeregaska program ngelatih ti luas ti nentuka pemansang sumber mensia ti mayuh; lalu siti agi ianya nembuka kerja ba projek Bukit Carmel ke alai mesti berantu meri awak mansutka penatai pemisi ti chukup dikena. Dua tumpu tu, enti keras dikemansang, deka nyendiaka gaya ti ulih ngelepaska penguat kuasa ti deka ngubah tuju penunga bansa mensia di serata dunya.

39. Taja pen menasan nuju pemaik nyangka pandak, mayuh pemedis deka dipansa; taja pen pekara ti disadang deka datai chukup manah, ia mesti datai ba penuai ia nengah ubah pemansang ti lama, ensepi penguji, penanggul enggau penyarut ti nyempulang ia, nuju maya ia deka ayan, nitihka tarit kuasa Pengarap Petara, ti dikumbai Pemaik ti Pemadu Besai. Ba kandang maya kediatu, mensia di serata endur suah betunga engau utai ti ngasuh ati merampau sereta asa sebedau sangkai ba ngelala pemanah saka ti benung nyadi. Kitai ke udah diterang ulih Revelasyen ti baru ngembuan Leka jaku suchi nyadika pengentap kitai, Pelen Petara ngiring kitai, cherita lama ti ngembuan pemerani nyadika peransang kitai. Nya alai kitai anang semina gaga ketegal Leka jaku ti dikesayau kitai, tang mega teperansang laban pengawa ti nunjukka pemerani enggau beberantu sampai ke saritu pen agi manchar terang ba menua alai Pengawa Petara tu ada.

40. Kandang tujuh belas taun bala menyadi kitai ti diperinsa di Iran udah nunjukka pengarap enggau pemerani ati ti teguh udah mansutka terantang ti luas ke Pengarap, ngansak ia pansut ari dilindung. Ditu mih tanda ti idup ba maya kitai kediatu nunjukka pengulih dalam krisis enggau pemenang. Minta kasih Petara, ngichaka bala menyadi kitai orang Iran dilepas ari tanchang pemedis ti nuntung sida lalu dianjung ngagai penampak enggau pemanah pemenang ti semina Pemajik Beberekat aja ulih meri. Peneleba ti diasai sida nyadika tangkan enggau teladan ngagai kitai semua enda milih dini endur kitai diau; laban tentu, sakal, baka ti dipadah Tuai ngagai kitai, tetap deka ngayanka pala diri ba semua genturung menua. Taja ia nyangka ngembuan rangkar ti enda sebaka ba tempat siti enggau tempat siti, nadai kakang ia tetap terit. Tang, terima kasih ngagai pengering penelap Bahá’u’lláh sereta penegap ti ditunjuk bala pangan ti mulia, kitai nemu chara baka ni nyatup pedang munsuh enggau nadai penakut. Amat bendar, Tuhan ke Bala Malikat udah besemaya ngagai rayat Iya pemenang ti besai sereta nyemetak.

41. Lebuh bansa mensia dibalut sereta diperinsa pemedis ti nuntung ia ke datai ari temadun ti enda ulih diatur agi, uji kitai nentuka pala enggau ati kitai difokas ngagai kereja kudus ti diengkah ba mua kitai. Laban ba tengah tengah penyarut tu mayuh peluang mesti diguna “ke tuju ngerembai jauh sereta luas penemu kuasa ti ulih nyelamat ke dikembuan Pengarap Bahá’u’lláh sereta ngemasukka orang ti baru nyadi soldadu penitih Iya ti makin ngerembai.” Pelen tu alai diatu kitai keran deka ngereja ia nya siti ba maya ti pemadu kritikal ba pengidup dunya. Ia ngembuan tuju deka nyendiaka komuniti napi ubah ti deras ke nyadi ba dunya lalu ngengkah komuniti kitai ba endur ti ulih ngetanka pemerat penguji enggau teruju ti nyempulang ia sereta nirika rangkar ti lebih nyata gawa alai dunya ulih nunga minta bantu enggau teladan ba tengah tengah saka maya ti charut. Nya alai, Pelen tu duduk ba tempat ti spesial dalam pengawa Bahá’í enggau cherita lama dunya. Ngagai kitai ti meda visyen Pengarap chukup benasit laban bepeluang enggau gawa dalam meransang sereta nyungkka proses nya

.

42. Arapka semua kita angkat nangkup kereja ba maya ti genting tu. Arapka genap iku ulih ngukir kelai diri ba maya ti pandak tu ke dichas enggau pengulih sereta pengandal ke semua bansa mensia. Anang kita limpang tauka kiruh enggau utai ti deras nyadi ba rambau saka tu, selalu ingatka lalau enggau iring ti enda nemu salah, Shoghi Effendi: “Ukai kitai, kitai tu utai idup ti mit, deka nguji, ba rengat ti chukup kritikal dalam cherita lama pengidup mensia ti panjai sereta berubah rubah nasit, sangkai ba pemereti ti betul sereta ngemuaska ati ba singkang ti mesti mujur betangkan tangkan mai raban mensia ti bedarah, merinsa enda ibuhka Petara, lalu enda bedulika Bahá’u’lláh, ari tempat pemedis ia ngagai tempat ia idup baru.… Ungkup kereja kitai, enda kira penyarut ti nyadi, enda kira pengasa gaya kediatu, enda kira penyuntuk penatai pemisi kitai, ianya gawa enggau ati ti lantang, andal, sereta enda ngetu meri bantu kitai, nitihka pengulih diri, ngambi bejalaika kuasa, ti dipasang sereta diiring Bahá’u’lláh, mai bansa mensia keluar ari lebak pemerinsa enggau pemalu nuju tuchung pemadu tinggi kuasa enggau penampak.”

A mere three years ago we set before the Bahå'i world the challenge of exploiting the framework for action that had emerged with such clarity at the conclusion of the last global Plan. The response, as we had hoped, was immediate. With great vigour the friends everywhere began to pursue the goal of establishing intensive programmes of growth in no less than 1,500 clusters worldwide, and the number of such programmes soon started to climb. But no one could have imagined then how profoundly the Lord of Hosts, in His inscrutable wisdom, intended to transform His community in so short a span of time. What a purposeful and confident community it was that celebrated its accomplishments at the midway point of the current Plan in forty-one regional conferences across the globe! What an extraordinary contrast did its coherence and energy provide to the bewilderment and confusion of a world caught in a spiral of crisis! This, indeed, was the community of the blissful to which the Guardian had referred. This was a community aware of the vast potentialities with which it has been endowed and conscious of the role it is destined to play in rebuilding a broken world. This was a community in the ascendant, subject to severe repression in one part of the globe, yet rising up undeterred and undismayed as a united whole and strengthening its capacity to achieve Bahå'u'llåh's purpose to liberate humankind from the yoke of the most grievous oppression. And in the nearly eighty-thousand participants who attended the conferences we saw the emergence on the historical scene of an individual believer supremely confident in the efficacy of the Plan's methods and instruments and remarkably deft at wielding them. Each and every soul of this mighty sea stood as testimony to the transforming potency of the Faith. Each and every one was evidence of Bahå'u'llåh's promise to assist all those who arise with detachment and sincerity to serve Him. Each and every one offered a glimpse of that race of beings, consecrated and courageous, pure and sanctified, destined to evolve over generations under the direct influence of Bahå'u'llåh's Revelation. In them we saw the first signs of the fulfilment of our hope expressed at the outset of the Plan that the edifying influence of the Faith would be extended to hundreds of thousands through the institute process. There is every indication that, by the end of the Ridvån period, the number of intensive programmes of growth around the world will have crossed the 1,000 mark. What more can we do at the opening of this most joyous Festival than to bow our heads in humility before God and offer Him thanksgiving for His unbounded generosity to the community of the Greatest Name.

"Kitab Petara udah tekerembai besai, lalu Jaku Iya nesau mensia nuju ngagai Iya." Enggau kangau ti naka ia pengelantang Pen ti Pemadu Bekua% udah ngading penatai hari endur beserakup sereta beserumpu. Bahâ'u'llâh nyambung agi: "Dingaka enggau pending kita, O bala pangan Petara, ke kangau Iya ti dipesalahka dunya, lalu bepagut kita ba sebarang utai ti ulih ngeninggika Pengawa Iya." Iya agi nangkan raban Iya: "Enggau naka penyiru ati sereta enggau semangat kaul ti pemadu engkeman belalau kita enggau diri sama diri, lalu serahka hari pengidup kita ti pemadu berega tu gawaka pemanah dunya lalu ngerembaika Pengarap Iya Iya ti Tuhan ti Jeman sereta Bekuasa ari semua.'

Bala ti sama gawa ti dikerindu; Kangau ti nyau berengangung tu datai ba runding ti enda kala diuji lebuh kami tepedaka pemendar kita gawa di serata dunya nyaut kangau Bahâ'u'llâh. Pengeransing kita nerima kangau nya ulih dipeda ba sebarang endur. Ngagai sida ti ngenung betatika pengerembai Pelen Kudus, sida enda ulih nyemubu baka ni kuasa ti dikembuan Leka Jaku Petara bekuasa ba ati sida ke indu enggau ke Ielaki, ke anak mit enggau ke nembiak, ba siti menua ngagai siti menua, ba siti klaster ngagai siti klaster.

Raban Bahâ'i di serata dunya diatu benung ngaluska pengelandik beratika pengulih diri, nyerenih peluang-peluang ia, sereta enggau cheremat begunaka chara enggau kereban ti bisi ba Pelen Lima Taun. Baka ke disadang ti peneleba nyau jampat mayuh semayuh ba klaster endur pengerandang ke pelajar dikemansangka enggau sengaja. Ba endur ti bakanya, Chara ti dikena nentuka penyampau bala ti majak mayuh ngeringka pengulih sida dikena gawa endang temu bendar. Institiut pematih ti chakah nyadika tulang-belakang pengawa ti dikereja bala raban dikena ngemansangka Pelen lalu, enggau naka pengelengkas, pengelandik enggau pemandai ti diulih ari ke ngulu kos-kos ba institiut terus diguna ngereja pengawa. Sekeda, lebuh ti begaul tiap hari ba pengawa sosial enggau pangan diri, tetemuka semengat ti udah besedia deka mansik pekara ti kudus ti dipejalaika ngena sebarang chara; sekeda endarig bisi peluang napi penyinak ba tumpuk pendiau tauka ba genturung pendiau, nyangka ari ti bepindah ngagai tumpuk nya. Makin mayuh orang ti angkat nangkup tanggung pengawa, nambahka penyampau sida ti udah gawa bai ke nya nyadi tutor, animator, enggau pengajar kelas anakmit; sida ti merintah enggau sida ti ngatur; tauka sida ti nyau bekenanas nyukung pengawa tu. Bala pangan ti sanggup belajar tau dipeda ari pengeliat ati sida gawa ngati Kediri enggau pemendar sida ti besedia deka nyempulang orang bukai ba pengawa ti dikereja sida. Kelebih agi, sida udah ulih ngenanka dua pekara ti besenutuk enggau pangan diri ba rangkar kereja ti nyadi dalam klaster ti udah tegap bendar: siti, ianya rangkar pusin kereja tiga bulan — ke nyadi rentak kedap ke program pemansang — lalu siti agi, lebas renggat proses pelajar ke bala anakmit, nembiak lanjau, enggau nembiak sereta orang ke tuai. Laban ti mereti bendar pasal kaul ti ngerakit ketiga-tiga renggat tu, bala pangan mega nemu enggau bendar tetiap renggat ngembuan dinamik kediri empu, bisi utai ti diguna kediri empu, enggau gaya pemanah kediri empu. Tang kelebih agi, sida nemu pejalai kuasa roh ti bisa, empa ia ulih dipeda ari pemayuh penyampau data ti mandangka pemansang raban baka ari pemayuh berita ti bisi ditusi pasal pemujur iya. Utai ti balat bendar ngandalka ati ianya mayuh bendar gaya ti bisi lebas kediri enggau nyengenda ngayanka klaster nya udah jauh mansang lalu sama bisi ayan mega ba raban ti agi baru deka mansang suba.

Lebuh maya peneleba bala pangan nyau nambah landik agi, pengulih sida nempa sidan pendiau ti kaya sereta nyau bejarut dalam klaster, ti mungkur beratus iku tauka beribu iku orang, udah jauh landik agi.Naka mih pengaga ati kami lebuh ti meda mayuh seling penemu ti dalam ti diulih bala pangan lebuh sida ti ngereja pengawa sida. Ambika banding, sida nerima, ianya, pengerembai Pelen ti begadai-gadai ba tikas klaster nya siti proses ti dinamik, siti proses ti amat kompleks lalu enggai nyadi diterang enggau chara ti muntang. Sida meda bakani iya mansang lebuh maya sida empu nyungkakka pengelandik sida baika nya lebuh ti nambahka pemayuh orang ti gawa sereta mega pengelandik sida ngatur enggau berurun2a pengawa bala sida ti angkat gawa. Bala pangan udah nemu ianya lebuh pengelandik tu disungkakka agi, dia mayuh rampa pengawa ti dipun ulih dikaul-kaitka. Sama mega, sida udah ngelala ianya lebuh maya pekara ti baru bisi ditambah iya patut diperatika enggau nenak dulu, tang iya ukai reti pengawa bukai ti udah dikereja dikena nirika raban enda dipedulika agi. Laban sida nemu enti belajar nyadika batang operasyen sida, sida enda tau enda nyadang peluang ti bisi dipansutka dalam sebarang kereban Pelen ti udah ditemu engkeman ba pematut maya ngena iya lalu, lebuh maya dipinta, patut ditapi enggau naka pemendar dikena ngemansangka nya; tang ukai reti nya, tetiap iku orang ngereja pengawa ti sama sebaka dalam Pelen nya. Bala pangan mega udah nemu bendar ianya ukai reti nya batang kereja ba renggat ngerembai ba tetiap pusin program pemansang ditujuka ngagai juluk ti sama. Nyangka lebuh maya pusin pengerembai ke sekali nya, ambi ke chunto, juluk ia deka nesau orang masuk Pengarap ngena chara ngajar dedat, dikereja siku-siku tauka beraban-raban; lalu ba pusin pengerembai ti bukai, juluk ia nyangka deka nambahka pemayuh batang pengawa ti udah ditagaka.

Kelebih agi, bala pangan endang udah nemu ianya pengawa Pengarap tu enda sama penyampat pengerembai ba tempat ti bebida lalu tentu bisi kebuah ti manah —laban ke bendar, tu mih, endang gaya penumbuh organik — lalu sida deka gaga ati sereta bisi peransang ari ti meda setiap pemansang ti bisi. Kebendar, sida ngelala penguntung ti nyau betimbun ari pemeri tiap iku dikena ngemansangka semua, lalu ari nya pengawa ti dikereja tiap iku, beserumba enggau peluang ti nyadi ketegal ari seregah orang nya empu, endang dianti-anti bala pangan. Begelumu ba aum refleksyen nyau udah majak dikelala nyadika pengawa bala raban, dianggap sekali, endur bejurai enggau naka pemendar sereta endur ngulihka peransang. Bala pangan belajarka ni naka utai ke udah ulih, meretika pengawa ti udah dikereja diri empu ba pekara nya, lalu nyungkakka pemandai sida pasal proses pemansang ari ti nitihka lalau institusyen sereta begunaka peneleba bala pangan ti sama gawa. Peneleba ti baka nya mega dipekunsika ba endur-endur bukai ti baru lalu deka dipejurai bala pangan ti udah balat bendar mekuh sekeda pengawa ti nyengala, sekalika sida ngereja pengawa ti sama tauka gawa ba sekeda endur dalam siti-siti klaster. Semua seling penemu tu dipanggai ba pengandal ati ke besai agi ianya pemansang deka nyamai agi diulih ba rampa pendiau ti penuh laban pengerindu - ti endur penimpang enda dikibuhka, penekul diputarka enggau pengeliat ati, lalu chara ti udah mujur diuji sereta diterima enggau ati ti andal. Nya alai bakanya mih ia, ari lalau ti nyemetak diberi institusyen enggau ejen Pengarap ti ngereja pengawa ba sebarang tikas, pemendar pengawa bala pangan, enda ngira pemimit dikereja siku-siku, begempung nyadi siti pengawa bebala mayuh dikena jampat ngelala orang ti jinak ngagai kangau Pemajik sereta ngimpun sida enggau semitan. Klaster ti baka tu terang bendar mandangka pengerapat kaul antara siku-siku, institusyen enggau raban — tiga watak (protagonis) dalam Pelen — mansang enggau menyana.

Ari rampa pengawa ti chakah tu, siti pekara patut bendar diperatika. Dalam pesan ti dituju ngagai kita tiga taun ke udah, kami bisi madahka pengandal ati kami ianya, ba klaster ti benung bejalaika program pemansang dedat, bala pangan patut belajar lebih dalam agi ke Chara dikena nirika raban ari ti ngemansangka pusat aktiviti ti chakah ba orang ti besemak pendiau lalu pia mega ba tumpuk tumpuk pendiau. Pemenang selalu nya lebih ari pengarap ati kami, indah ba klaster ke alai program pemansang apin datai ba tikas dedat, pengawa ti dikereja dua tiga iku bala pangan ngemunka batang pengawa begulai enggau orang ke diau dia udah suah nunjukka pemujur. lya ke bendar, chara tu bepusat ba penerima ajar Bahå'u'llåh ulih mensia mayuh ke udah besedia deka berubah ngagai pendiau ti kudus ketegal Revelasyen lya. Ari ke sama enggau dalam proses belajar ti dipejalaika institiut pematih, sida diperansang ngelengkaka daya idup ti enggai kiruh sereta enda peduli ti nyadi ketegal tarit kuasa mensia mayuh tang lalu angkat kelimpah ari nya, nitihka sidan pengawa ti ditemu ulih ngubah jalai ngagai daya pendiau ti baru. Ba endur chara tu udah lama agi maju baka ba siti genturung pendiau tauka ba tumpuk pendiau lalu bala pangan udah ngenanka fokus sida, pemenang ti besai taja begadai-gadai tang udah nyengala betul dipeda. Bala nembiak udah diberi kuasa nentuka pemansang bala nembiak ke biak agi ari sida ke bisi enggau sida begulai. Raban orang ke tuai nerima penemu ari bala nembiak lebuh ti bejuraika pasal pekara seluruh raban. Enda ngira tuai tauka biak, pemandai ulih ari asil proses belajar ba raban deka nambahka pengelandik sida bejurai, lalu ruang ti baru deka tebuka endur randau ti bisi tuju. Taja Pia, ubah tu ukai semina nyadi ba raban Bahå'i enggau sida ti bejalaika batang pengawa ti bisi dalam Pelen, sida ke endang dipelabaka deka beguna chara bepikir ti baru ke dudi ila. Semangat endur nya empu endang deka kena empas sau iya. Daya pendiau ti kudus udah berengkah pegari ba semua raban orang ti dia. Pengerata kuasa indu enggau lelaki udah mupuk nyengala agi. Pelajar ke anakmit, indu enggau lelaki, udah lebih agi dipedulika. Gaya kaul pendiau diri sebilik — ti bepagut ba chara ti beratus taun lama — udah jauh berubah. Asai tanggung pengawa ti berat keraban diri empu enggau ke pemanah rampa menua dia udah nampak bendar. Indah penulah penemu sangka, ti ngebap senayau iya ba tetiap raban bansa, udah mupuk ngalahka diri ketegal kuasa penyerakup. Disimpul enggau jaku pandak, pengawa ti nirika raban ti dikereja bala pangan endang bisi empas iya ba daya idup.

Sekumbang pengerembai enggau penegap udah entap bendar mansang setaun tu ke udah, sekeda pengawa bukai ti sama beguna mega udah, sama bebela, mansang ke mua. Teladan ti pengambis manah, ianya sungkak-pemansang ba tikas daya idup ti bisi dipeda ba sekeda tumpuk pendiau enggau genturung pendiau endang nyadi ketegal ari utai ti udah dipelajar ari bala Bahå'i ti enggau dalam pengawa rama. Opis Pemansang Pekara Rama enggau Ekonomi baru udah nyediaka siti dokumen ti nyarap peneleba tiga puluh taun ti udah betimbun ba pekara nya sekumbang Opis tu ti udah ditumbuhka ba Pusat Dunya Bahå'f. Sekeda ari pekara ti bisi diperatika ianya pengawa ti deka bekenaka pengawa rama endang diberi peransang ulih Institiut Pematih. Tu ukai semina ari segang penyampau pemayuh orang ti nambah gawa. Seling penemu pengudus ti dalam, kualiti enggau pengelandik ti diulih ari proses institiut udah nyengala bendar beguna ke sida ti enggau dalam pengawa rama laban sida nya endang nyaup dalam proses pemansang. Kelebih agi, ia endang udah diterangka bakani pengawa raban Bahå'f ti nyengala dikuasa ulih rangkar pengawa ti sebaka, ti majak mansang sereta bisi konsep kediri ti ngundan elemen penyangga ti besenutuk, taja pen sida dipeda baka ti bebida ba mayuh macham pengawa ti enda sebaka. Dokumen ti disebut kami nya udah dipekunsi kami enggau semua Raban Gelumu Sambiang Bansa, lalu kami udah minta sida, udah ke bejurai enggau Counsellor, beguna bakani konsep ti udah diperatika sida ulih mantu pengawa rama ti benung dikereja sereta dikemataka sida lalu nambahka pemereti ba pemesai guna pengawa Bahå'f tu. Tu enda tau dianggap nyadika kangau biasa dikena ngerembaika pengawa ba pekara tu — penatai pengawa rama tu deka nyadi kediri, lebuh maya pemansang raban nyau nambah kering agi — tang endang udah patut bendar maya endur bala pangan refleks (bepikir) enggau dalam empas pengawa sida dikena ngubah (daya idup) raban mensia enti iya dipajakka enggau bebendar.Sungkak dalam pengawa belajar ti benung nyadi ba pekara tu udah peminta ba Opis Pemansang Pengawa Rama enggau Ekonomi tu, lalu langkah benung diambi dikena nentuka pengawa iya mansang nitihka peminta.

Siti gaya ke nyengala amat nyadi dalam kandang dua belas bulan tu ianya penyuah raban Bahå'i udah dikelala ba mayuh pekara, ba pengeras pengawa ti deka ngemanahka raban mensia ari ti begulai bekereja enggau orang ke sama sepenemu. Berengkah ari panggau antara bansa nyentuk ngagai orang siku-siku ke diau ba tumpuk mit, ketuai pemegai penemu ba semua pekara udah muji madahka sida udah nemu ukai semina bala Bahå'i bisi ngembuan penyiru ati ke semua mensia, tang sida mega ngembuan konsep penemu ti kuat ba nama ti patut diulih sereta bisi kereban dikena ngulihka utai ti dikedeka sida. Jaku puji enggau jaku sukung ti bakatu mega datai ari sekeda orang ke enda sekali-kali disadang nyukung. Ambika bandin@, indah ba Dulang Pengarap, taja pen mayuh penekul ti berat ba jalai sida digaga orang ti ngelaban Pengarap, bala Bahå'i nyau majak dikelala ketegal pemisa empas pesan sida ngagai gaya pendiau mensia ba menua sida empu sereta dipebasa ketegal sida ke enda mantul ngapa besaup ngemansangka tanah ai sida empu.

Pemerinsa ti ditapi bala ti taluk di Iran, kelebih agi bepuluh-puluh taun tu ke udah berengkah ari maya sida diperinsa baru ti nyau enda berenti-renti, udah meransang bala menyadi sida ba menua bukai angkat nyukung nyaga sida. Ari pemayuh asil penguntung, ketegal pengawa ti enda nemu leju, seluruh dunya Bahå'i udah tulihka, kami semina nyebut siti aja ianya: kaul kereja ejen-ejen ti manah bendar ba tikas bansa ti udah ditemu ngembuan pengelandik ti berurun dikena numbuhka kaul enggau perintah sereta enggau mayuh bansa gerempung raban mensia ti bukai. Begembar enggau tu, proses pemansang Pelen ti betangkan-tangkan udah najamka pengelandik raban berandauka sebarang pekara ba dini-dini endur — berengkah ari berandau enggau siku-siku orang nyentuk ke ba forum antarabansa. Ba tumpuk menua diri, pengawa ti bakatu endang temu nyadi pia aja, nengah chara pemansang organik ti sama ti udah nambahka pemayuh bala pangan masuk ba pengawa rama, lalu pengawa sida tu tau enda ibuh diperansang. Tang, ba tikas bansa, ia selalu agi nyadika tumpu perati bala ejen ti meruan kur gawa ti udah bejalaika pengawa sida ba bepuluh-puluh iti raban bansa, lalu ia dikereja nitihka sidan pengawa ti udah selalu dikena sereta mansutka asil baka, refleksyen (ninjau), bejurai, enggau belajar. Dikena nyungkakka pengawa ti bakanya, dikena nentuka pengawa belajar ba pekara tu, lalu dikena nentuka singkang ti diambi bekaul-kait enggau pengawa ti bukai ti dikereja raban Bahå'i, kami bisi apin lama ke udah numbuhka Opis Public Discourse ba Pusat Dunya Bahå'i. Kami deka minta sida nya nulung Raban Gelumu Sambiang Bansa ba pekara tu ari ti begadai-gadai ngemansang sereta ngatur pengawa sereta ngelurunka peneleba.

Pemansang ti meri peransang sama mega bisi nyadi ba pekara bukai. Ba nengeri Santiago, Chile, ti endur Indu Rumbah Sembah ke Amerika Selatan ti benung digaga, pengawa nya majak jampat dikereja. Pengawa ti nyemin pelasar, tingkat baruh, sereta lubang dikena mindah kin kitu udah tembu digaga, lalu bakanya mega tiang ti deka ngenanka struktur ti besai mega bela udah tembu magang. Majak besai bendar mih pengandal ati ba projek tu, lalu bakanya mega pengandal ati nyau gesak ba tujuh buah menua ti endur Rumah Sembah Bansa enggau Rumah Sembah Menua deka didirika. Ba tetiap endur tu, pengawa ti nyendiaka kereja udah berengkah, lalu pemeri ari bala pangan ngagai duit fund Rumah Sembah udah mupuk dikena; ngambika nyamai agi ngereja pengawa, baka milih endur taba, gamal rangkar, enggau penatai belanja, nya semina siti aja ari pekara ke udah dikereja bala pangan. Ke batang ia ke bendar, enggi sida nya pengawa pengudus, ke alai semua raban deka sama enggau ngereja pengawa nya. Master udah madahka Rumah Sembah nya baka "batu-magnet ke penetap ti kudus", "pelasar Tuhan ti pemadu bekuasa", enggau "tiang ti teguh ke Pengarap Petara". Dini-dini endur ia didirika, ia tetap deka nyadika pugu proses nirika raban ti ngelingi ia. Endang udah, ba sekeda tempat ti endur Rumah Sembah tu deka didiri, bala pangan Bahå'f endang ngasaika penalam pengamat tu, sida ti ngelalaianya pengidup semua sida enda tau enda mandangka enggau terang pasal penyerakup besambiang enggau servis ti deka datai ari Rumah Sembah nya.

Ba sebarang pengawa, nya alai, kitai ulih meda raban Bahå'i mansang enggau entap ke mua, mansang ba pemereti, keran ati deka ngulihka seling penemu ti dalam ari peneleba, besedia deka napi pengawa ti baru lebuh maya penatai pemisi udah chukup dikena, jampat nyatup guna baru, meretika pemesai reti nentuka kaul-kait antara mayuh bansa pengawa ti dipejalai ia, nyerahka semua dikena nentuka misyen ulih japai. Pengagit enggau pengangkun ati ia endang nyengala ba pengeransing ti balat ketegal ari jaku gerah dua bulan ke lalu madahka deka ngatur 95 bengkah aum nembiak di serata dunya. Kami berasai temegah ati ukai semina ari sambut bala nembiak empu tang mega ari sukung penemu ti dipansutka bala Bahå'i k&bukai, ke nemu pemesai guna bala penitih Bahå'u'llåh ti agi biak nyadika peransang ke semua pengidup ba Pengarap tu.

Kami endang bisi bendar pengandal ati meda pemayuh kelai ti betangkan-tangkan ba pengerembai pesan Bahå'u'llåh, penyauh empa kuasa ia, sereta pemereti ti majak betambah pasal batang penemu ti diundan ia. Lebuh maya hari pengerami pengingat tu, kami mai kita ngingatka ianya "Hari ti Pemadu gaga", kira seratus lima puluh taun antara ia enggau Ridvan ke sekali tu, lebuh maya Pemajik Abha terubah ia madahka Misyen Iya ngagai raban Iya ba Kebun Najibiyyih. Ari taba ti suchi nya, Jaku Petara udah ngerembai ngagai tetiap nengeri enggau tetiap tebing tasik, nesau raban mensia betemu enggau Tuhan sida. Lalu berengkah enggau raban mit ti udah mabuk laban pengerindu Petara, mayuh raban ti bisi tuju udah entapu, lalu bungai ti mayuh macham chura ba kebun nya udah diintu Iya. Tetiap hari, makin mayuh semengat ti baru besampi ngadap Sungkup Kudus Iya, tempat ti endur kitai, meri basa ngagai Hari nya lalu enggau asai beterima kasih ketegal berekat ti udah diberi ngagai raban Nama ti Tebangkar, meremika pala kami besambiang ba Pemetung Suchi.

Beribu beribu nyengkaum semua raban mensia ari pupu bansa, ngulu begulai belajar ke Jaku Engkebang dalam gaya ti bebendar sereta ngelantangka ati lebuh sida mekuh begunaka penalam pemereti ti udah dipelajarka dalam siti proses ngereja pengawa, pengawa peninjau sereta bejurai, sida meda pengulih gawa ke Pengawa nyungkakka ngagai tikas pengelandik ti baru. Nyaut penalam pengelengau setiap ati deka berandau enggau Penempa iya, sida ngepunka pengawa serumpu sambiang nitihka gaya ba siti-siti tempat , berakup enggau bala bukai dalam sambiang, ngenanika pengingin pengudus, sereta nukuhka pendiau pengidup ti pegari ketegal perangai ti angkun besambiang. Lebuh sida ngelalu bala pangan ngagai rumah sida sereta ngusung pintu bilik ke bukai, bala pangan sereta bala dikelala, sida berengkah enggau randau ti ngenang pemesai guna pengudus, ngenalamka penemu sida ba Pengarap tu, bekongsika pesan Baha'u'llah, lalu nyambut bala ti betambah mayuh nitihka sida gawa dalam pengawa kudus ti besai. Ngeleda pasal pengingin bala anakmit di dunya sereta peminta sida ti deka begunaka pelajar pengudus, sida nambahka lebih besai agi pengiruh sida ngambika lebih besai agi raban ngulu belajar kelas tu ti deka nyadi pusat penarit ati sida ti biak lalu ngeringka tanggam Pengarap dalam raban mensia. Sida mantu nembiak lanjau ngambika dimalin nengah panggau penguji ba pengidup sida lalu dikepan ngena kuasa ti numpuka penguat sida nuju pemansang pengidup ti menyana. Ari ti betambah mayuh agi orang ti landik gawa, dia mayuh agi sida mansang landik mandangka pengarap ati sida, ngena chara ti ulih mutarka guna mensia dalam pengidup semengat enggau pengidup ba dunya tu. Tu meh asil pemanah gaya pengidup dipeda kitai lebuh ngintu Ridvan tu, lebuh kitai meratika pemansang raban Bahá'í serata dunya.

Suah ba mayuh pengerami kami udah netapka juluk ati Lumpar Pengawa Sedunya ti beturut-turut deka nyangkaika dunya Bahá'í ngagai pengerami nyambut seratus taun Rambau Pengemun Pengarap ba taun 2021 nengah pemansang nyengala ba pengawa sereta pemansang ba siku-siku bala ti arap, nengah sesuku abad penyungkak pengawa ti meruan sereta betumpu, tanda pengulih ti dipeda di semua tempat. Naka pemesai guna pengerembai kuasa penunggang gawa ti nurun ari kaul antara tiga pengereja (orang siku-siku, raban, institusyen) dalam Lumpar Pengawa tu. Pugu pengawa, ari gelumu bangsa ngagai tikas menua, meda enggau lebih terang bakani nyediaka pemanah gaya dikena ngayanka penguat pengudus ari bala ti arap ti betambah ngulihka juluk ati ti sama. Raban tu gawaka mayuh semayuh orang ke alai pengeransing siku-siku gawa enggau pengawa bebala mayuh, digempung ulih pengawa institiut, ulih nyukung pangan diri ngambika bulih pemansang. Pengeregas diayan ia lalu penyerakup tuju ti dipansut nengah pemekuh gawa narit mayuh-mayuh mensia ari semua ikas jalai pengidup ti gagit begunaka masa enggau pengulih diri ngulihka pengelantang pengidup mensia mayuh. Tentu raban tu lebih tebuka luas ngagai semengat ti sedia nerima masuk lalu nerima pemakai ari Pegari Penemu Baha'u'llah endang nyata. Nadai ayan penetap ti lebih besai ari pengasil kaul antara tiga pengereja Lumpar Pengawa tu bebanding enggau peneras pejalai pengawa ngajar ngatika diri ti disaksi ba taun ti baru ngelebus. Sungkak asil pemansang dalam proses(pejalai) beraban mayuh endang nyengala.

Dalam kandang kaul betambah manah, pengeransing siku-siku gawa ngati diri endang mansang beguna. Dalam beberapa pesan ti dulu kami ngenang pasal kejut kuasa dipansut ari proses institiut ketegal pengawa dikerja ari pengeransing gawa ngati diri siku-siku bala ti arap. Bala pangan ba tiap benua udah ampit belajarka Tulis Kudus ngambika nyemetak ngulih juluk ati neladanka ajar nya dikena pemansang Pengarap tu. Pemayuh orang ti nyengala benung napi ungkup gawa dikena meri pengering pengudus ke raban sida, ngembuan penuh penguat ,sida gawa ngipakka suran pemansang ti bepengerai. Lebuh sida mekuh dalam adan gawaka Pengawa tu, tetap nyadi siku dalam pemaruh benung belajar, pemerani enggau pemintar sida, pengagit gawa enggau penyikar sida, pengeransing enggau akal runding sida, pemekuh enggau pengandal sida ba Petara udah disegulai nyukung penguat siti-siti tu enggau ke bukai. Dalam nerantangka pesan Baha'u'llah sereta nusui batang ajar, sida udah "enda kakang" sereta nadai mega "takut", enda mega "belebih" sereta nadai mega "dipuntang" pengamat ti dikemesaika sida. Nadai meh sida "kelalu" sereta enda mega "lebih ngelansa". Ari pemekuh sida dalam pengawa ngajar, sida udah dikepan pengelandik nentuka sekalika bala ti ninga sida, gaya penerima sida ti ninga begunaka "nganti dulu" tauka "terus berani", ngambika "jampat ngelalu" tauka "nganti penentu maya" ngambika "beterus terang tauka "bekelawung" dalam chara ngajar ti diguna sida.

Nama ti mengkang ditemu kami nya bakani amat berurun beradat meh pengeransing gawa siku-siku tu. Semua raban ba dini-dini endur benung mansang nyikap diri enggau pelajar ti diulih sida nengah pengawa berurun lalu dalam garis pengawa ditentuka lurun Lumpar Pengawa kediatu muka ngagai pemeruan sereta mudah-ubah ba pemekuh gawa bala pangan. Jauh ari nyekat sida, garis pengawa tu ngemudahka sida nurun gawa ngulih peluang, numbuhka kaul, lalu nyalinka nya nyadi siti peningkila ba pemansang belurun. Dalam batang jaku, tu meri chuan ngagai kuasa sida begulai gawa.

Lebuh kami survei nama ti udah dikulih ngelingi dunya, ati kami dipenuh pengading ti nyengala ba bala ti arap ari Iran, sida tu, dalam gaya amat diperinsa, udah berani angkat gawa ke menua sida lalu ngambuh semua penguat ngadap penambah kuasa tu, taja ruang dibuka ngagai sida endang besekat. Lalu disekat dituju ngagai atur-pengawa Pengarap tu, sida udah angkat gawa ngati diri ngambika bekongsika enggau rayat semenua pasal ajar Baha'u'llah, lalu enggau nyemetak berandau pasal pesan penyuman tu. Ukai semina sida nerima sukung ari semengat ti beakal tu lebuh sida berengkah gawa, tang sida udah tetemu tikas penerima jauh ari anggap dikandal sida.

Semua penitih Baha'u'llah ngeleda pasal kuasa nyerakup enggau kuasa tebererak benung bejalaika pengawa ba raban mensia kediatu meda kaul antara penyungkak mudah-nerima Pengarap tu di semua tempat di dunya lalu pengeruntuh sistem dunya. Mudah-nerima ti baka nya endang deka betambah lebuh pemedis mensia mayuh lebih dalam. Awakka nadai agi salah: Numbuhka pengulih ti udah berengkah didiri kena napi bala mudah-nerima betambah endang agi ba rengat pengepun. Tikas peminta dunya dalam tebererak deka ngunaka pengulih tu ngagai garis pengabis dalam beberapa taun ti deka datai. Mensia mayuh diterekam kuasa penerekam, sekalika dipansut nengah ati ti begedika agama tauka penyakit ti kelalu angkunka reta dunya. Bala Bahá'í endang ngadang pun penatai pemerinsa tu. "Nama meh penerekam" "lebih bisa", tanya Baha'u'llah,

"kelimpah ari siku semengat ti deka mansik pengamat, lalu ngajihka tetemuka Penemu Petara, deka enda tetemuka kini penunga ngiga ia lalu nengah sapa tegigaka ia?" Nadai maya dibasau. Pemansang meruan mesti dikulih dalam pengawa sereta pemaju ketiga-tiga pengereja pengawa ba Lumpar Pengawa tu.

`Abdu`l-Baha' udah nyebut "dua kangau" ngulihka "pemujur enggau pengaya" ti ulih didinga ari "peninggi pengelantang mensia mayuh". Siti nya kangau "pendiau menyana" ari pemujur ba pengeraja dunya". Ia nyengkaum "undang-undang", "tusun-atur" pengelandik(art) enggau sains" nengah nya mensia mayuh mansang. Ia ke siti nya "kangau ngeransing semengat", ba tu bepanggai pengelantang meruan mensia mayuh. "Kangau kedua' Master(Tuan) tu udah nerang, nya bepelasar atas perintah asuh enggau lalau ari Tuhan sereta tagang penti enggau pengasai pengasih dipenggi dunya basa, ke nyadi perenching penampak, nerang sereta mancharka lampu asal pengamat mensia mayuh. Kuasa penisup ia nya jaku Petara". Lebuh ngemeranka pengering gawa dalam klaster nuan, nuan deka tetarit luas agi ngagai pengidup raban ke endur nuan gawa nyerangkung rampa pengawa mensia ti lebih besai. Dalam singkang pengawa diguna nuan, chara gawa dipilih nuan, lalu pekakas diguna nuan, nuan deka ngulihka pemujur sama timbang ti meri suran ngagai pemansang benung diputar.

Ngemeranka pemansang dalam klaster deka bepanggai ba kualiti ti ngayanka rita pengawa ngagai bala mensia di dunya. Amat lepas lenyau meh runding enggau pengawa dikereja nuan ba sebarang pengedika – bansa, agama, ekonomi, gelumu bangsa, pupu bansa, kelas tauka adat pendiau – kealai temuai pen nemu meda ba nuan pengerindu ke bala pangan. Naka peninggi mesti meh tikas tebilang lalu naka penuchi enggau kudus pengidup nuan ba kaul basa dipansut nisup ngagai pengeleda raban ti lebih luas. Mina semina nuan mandangka pemanah basa perangai ngipak pinta tulis Pengarap tu, genap semengat ulih ngelaban pemayuh gaya korupsi(salah pengawa), terang sereta belalai, ngunyah penguat raban. Mina semina nuan ngelala basa enggau pengeraja dalam setiap bansa mensia – enda bepanggai ba pengaya tauka penyeranta – baru nuan ulih temegah niri ka pengawa pengelurus, lalu ngagai kualiti tikas batang ajar ba pengawa bejurai Bahá'í. Lalu nitihka peniki tikas proses tusun pengawa ari pugu pengawa nuan diperintah ngena batang ajar ba jurai Bahá'í nakanya mega pemayuh raban mayuh ari bansa mensia deka ngiga pengenduh ba raban Bahá'í.

Lebuh nuan mansang bebendar ke mua, bepengandal meh ba Raban kudus di atas ti deka nurun semua kuasa lalu besedia datai mantu nuan. Serarih sambiang kami deka ngelinggi nuan.

Kami ngasaika pemalat pengaga madah ngagai komuniti ke ngembuan peninggi runding enggau peninggi pengeran ati endang engkeman napi peminta ti tinggi. Naka pemesai, naka meh pemesai pengerindu kami ke kita, lalu bakani semangat kami terebai tinggi lebuh kami meda pengerurus enggau pengangkun ati kita ti bebendar nitihka daya pengidup ti ditukuh Ajar Bahá’u’lláh sereta nyadung ai meri-pengidup Revelasyen Iya ngagai dunya ti rangkai aus. Pengering tuju kita endang nampak bendar dipeda. Ngerembai enggau ngenegap, social action, sereta bela enggau dalam randau society ti bebatang udah majak deras, lalu kaul-rapat pengawa koheren ke nyadi ba tikas klaster makin majak nyengala. Nadai tempat lebih nyengala kelimpah ari tempat ke majak mayuh bala ke enggau dalam mayuh bengkah pengawa, ke alai tiap iti sigi nyadika chara dikena mansutka kuasa nirika society ke dikembuan Pengarap.

Dalam kandang duabelas bulan ke udah lalu kenyau ari pengemun Pelen Semilan Taun, kami udah berasai amai gaga ati meda bakani spiritual enterprise global tu udah meransang sereta ngempung bala pangan lalu meri peransang ngagai rurun pengawa ti nyengala. Fokus diatu ianya bejalaika mayuh pelen ti dikena nentuka, ba tiap menua enggau kandang menua, mesti bisi pegari abis nadai siti klaster udah neresa batutanda ti ketiga: siti tempat ke alai mayuh orang begulai gawa sereta meri ngagai pengidup komuniti ti regas. Taja pia, sedar ianya juluk ati dalam kandang dua puluh lima taun ianya deka numbuhka program pemansang dedat ba tiap-tiap klaster ba dunya, bala penitih mega udah mupuk muka mayuh klaster baru ngagai Pengarap sereta nyungkakka pengawa sida ba mayuh tempat ke endang udah bisi program pemansang. Endang bisi pengeleda ti tinggi pasal peluang ke bala pioneer angkat ba semua tempat di dunya—mayuh semengat ti angkun berunding bakani sida ulih ngambi peluang tu, lalu mayuh mega sida udah ngisi tempat nya, ke nyengala agi ianya ba home front tang majak mayuh agi ba bidang antara bansa. Baka ke dikeandal kami, tu meh siti ari pemayuh chara ke alai, semangat besukung-betulung sigi dipandangka ulih bala pangan dini-dini endur. Mayuh komuniti ke alai penegap udah didirika sida besemaya deka nyukung pemansang ke benung nyadi ba tempat bukai—baika nya ba klaster, kandang menua, menua, tauka ba kontinen ti bukai—lalu chara ti kreatif udah ditemu dikena meri peransang ari jauh lalu ngujungka peneleba ulih dikunsi terus. Ba maya ke sama, langkah-rapat mudah dikena ngulihka pelajar ba siti klaster, awakka ia ulih madahka pelen ti dikena ba tumpuk diri enggau ba tempat bukai, dipejalaika ba mayuh tempat. Kami udah tepantup ati meda ianya bisi perati ti nyengala ba pengawa ti belajar bakani nyungkakka kualiti peneleba belajar ti dikenataika ulih institiut. Lebuh proses institut udah entap tumbuh ba komuniti, empas ia chukup dramatik. Ambika banding, peda, ba semua pusat aktiviti dedat ke alai orang ke diau dia udah ngaku institut pematih nyadika kereban amat semitan enggi sida empu: siti kereban ke tegap mansang ti udah diaku nyadika pugu tanggung-pengawa sida. Nemu bendar ianya semua pintu penama Pengarap endang selalu tebuka besai, bala penitih endang belajar bakani meri peransang ngagai sida ke agi bepikir deka masuk. Bekaling enggau bala semengat ti bakanya, lalu nulung sida nyingkang meraka pemetung, nya siti privilege sereta pengaga ti spesial; dalam tiap konteks budaya, endang mayuh ti patut dipelajar pasal dinamiks maya resonan tu lebuh nerima sereta bempu. Lalu tu ukai semua ia. Ba mayuh klaster pengawa ti deka ngenataika transformasyen social endang agi ba tikas ia ti baru bendar, mayuh Raban Gelumu Sambiang Bansa, baka selama disukung penuh ulih bala Konselor, endang regas bendar mansik deka belajar dalam agi bakani pengawa tu tau ayan ari proses nirika-komuniti. Jurai pasal pengelantang social enggau material ke mensia benung diradu dalam grup orang diri sebilik enggau dalam komuniti, bala pangan mega ngiga chara dikena bela enggau dalam randau ti bebatang ti bisi nyadi ba endur sida.

Ari semua ke udah ditiu kami, pengawa bala nembiak manchar beperenching. Jauh ari ti semina nyadi penerima pasif kuasa penarit—baika kuasa penarit nya begadai tauka deras—sida udah nunjukka diri empu nya berani sereta protagonis ti mereti enggau terang pasal Pelen. Ba tempat ke alai komuniti udah nerima sida enggau gaya ti bakanya lalu nyendiaka peluang endur sida mansang, bala nembiak udah lebih ari pematut mandangka pengandal dalam sida. Sida ia ngajar Pengarap ngagai bala pangan sida lalu ngaga servis nyadika pelasar bekaban lebih dalam agi. Selalu ia, servis ti bakanya meri pelajar ngagai nembiak ke biak agi ari sida—ngenataika ngagai sida nya ukai semina pelajar moral enggau spiritual, tang selalu mega mantu dalam pelajar sekula sida. Di beri tanggung-pengawa ti suchi ngeringka proses institut, bala nembiak Bahá’í ngamatka pengarap ati kami.

Rampa maya ti endur ngereja semua tu ianya ba rambau ti kelang-kabut. Endang dikelala mayuh ianya struktur society kemaya hari tu endang enda tetapika utai ti diguna mensia maya penusah ke diatu. Mayuh ti diaku tetap sereta tegap diatu balat teberunsai, lalu asil pengeluluh nya mai ngagai pengeran ke visyen penyerakup. Kelembung ti inggar nyukung penyatu, penyama-rata, enggau pengelurus mandangka mayuh ti ngembuan aspirasyen tu ke society sida. Tang, ngagai penitih Pemajik ti Beberekat sigi enda tekenyit ianya semua ati endang lelengauka penemu spiritual ti diajar Iya. Tang taja pia kami meda enggau nyemetak ianya, dalam taun ke alai semua kolektif pemansang mensia jarang bendar lebih petang ari nya, penampak Pengarap manchar enggau naka penerang ba lebih ari sepuluh ribu konferen, ti digulu nyau deka sejuta setengah orang, fokus ngagai chara ti dikena ngemansangka penemu ti sama. Visyen Bahá’u’lláh’, enggau tangkan Iya ngagai mensia awakka beserakup gawa ke pemanah dunya, nyadika pusat endur mayuh bengkah elemen ba society ransing begulai—lalu sigi disadang, baka ke diterang ‘Abdu’lBahá, “Tiap-tiap komuniti dalam dunya tu tetemuka pemereti dalam Ajar Kudus aspirasyen ti pemadu tinggi.” Sekeda ari orang ke rinduka pengelantang mensia nyangka terubah ditarit semak ngagai komuniti Bahá’í nyadika penyelamat, pengelindung ari dunya ti enda segempung sereta kejung. Tang lebih ari tempat belindung aja, ianya utai ti ditemu sida seraban semengat ti gawa sama-sama nirika dunya ti baru.

Mayuh ulih ditulis pasal rampa pengerembai semua konferen nya, kuasa ti nyelai ti disikap ngagai Pelen ti baru, tauka pengasai pengaga ati enggau pengeransing ti ayan ba bala ti ngulu aum nya. Tang ngena beberapa ayat ti mimit tu kami deka narit perati ngagai pemesai reti pasal pemansang Pengawa Petara. Semua tu mandangka komuniti Bahá’í ti meda ngagai bekaban, ukai ngagai bida. Gaya ti bakatu ngujungka pengawa matau Pelen Semilan Taun nyadi ba semua gelumu tu ke alai semua datai dialuka. Bala pangan ngaku empas Pelen ngagai society sida ukai semina begulai enggau orang siku-siku sereta orang diri sebilik, tang mega enggau semua tuai-tuai raban enggau bala pemesai ba menua sida. Bebaika mayuh mensia ngagai siti tempat deka meri ruang mansutka randau ti transformatif pasal pemansang spiritual enggau material, pekara ti nyadi di selampur dunya. Asil spesial ari gelumu ti bakanya—tekala nya tebuka, teperansang, sereta bisi tuju—ulih mai ngagai pengerembai sidan pemansang dalam klaster ianya pelajar ti beguna dingingatka semua institusyen Baha’i ke dudi hari ila.

Lalu raban ti taluk masuk ngagai taun ti kedua Pelen ngena prespektif ti baru sereta selingpenemu ti nyemetak ba utai ti nyengala deka diulih sida. Bakani pengawa ti bebida enti dipeda ari rampa ti pegari ari society-building power! Prospek pengerembai tu ngasuh aktiviti ti meruan ulih dipeda lebih ari ukai semina pengawa servis aja tauka semina ngumpul data aja. Ba tempat siti ngagai tempat siti, semua inisiatif ti benung dikereja mandangka seraban mensia belajarka chara bakani ngemeranka agi tanggung-jawab dikena ngemudika menasan pemansang diri empu. Asil transformasyen spiritual enggau social nya ngayanka diri dalam pengidup mensia ba mayuh chara. Ba ripih semua Pelen ke dulu suba, ia ulih dipeda enggau terang dalam ngemansangka pelajar spiritual enggau nyembah kolektif. Dalam ripih Pelen ke baru tu, perati ti lebih patut dituju ngagai proses bukai ti deka nyungkakka pengidup komuniti—ambika banding, ngemanahka pengerai mensia mayuh, nyaga pemeresi rampa menua, tauka begunaka kuasa ti lebih semitan ba pengawa arts. Utai ti diguna ke semua aspek besukung tu ke pengelantang komuniti dikena mansang ianya, sigi, kapasiti enggau dalam pelajar sistematik ba semua bidang tu—kapasiti ti diulih ari selingpenemu ti datai ari Ajar Kudus enggau kukun tibang penemu mensia ti datai ari pansik saintifik. Lebuh kapasiti tu betambah, mayuh deka diulih ba bepuluh-puluh taun ti deka datai.

Pengerembai visyen nirika society tu, ngembuan empas ke lebih jauh. Tiap komuniti ngembuan menasan kediri empu ngulihka ia. Tang pemansang ba siti tempat selalu ia ngembuan batan ti sebaka enggau pemansang ba tempat bukai. Siti ari batan ianya, lebuh kapasiti betambah lalu penguat komuniti ba tikas tumpuk enggau bansa belipat kali, ari nya, ba maya ke patut, gaya ti engkeman endur nirika Mashriqu’l-Adhkár, baka ke dipadah kami dalam pesan Ridvan 2012, deka dikamatka. Baka ke dipadah kami ngagai kita ba pesan Ridvan ke dulu ari tu, kami deka netapka tempat endur nirika Rumah Sembah Baha’i. Kami gaga bendar ati madahka, ke diatu, deka nirika rumah Sembah lokal ba Kanchanpur, Nepal, enggau Mwinilunga, Zambia. Kelimpah ari tu, kami mega madahka Rumah Sembah nasional deka didirika ba Kanada, dalam kandang Ḥazíratu’l-Quds ba Toronto ti lama udah bediri. Semua projek tu, enggau ke bukai ti digaga dudi ila, deka bulih penguntung ari sukung Duit Fund Rumah Sembah ti diberi bala pangan ba tiap menua.

Lebat meh berekat ti udah dipilih Tuhan ti siru disikap ngagai bala ke dikerindu Iya. Tinggi meh peminta tu, manah meh prospek. Serekat meh masa ke alai semua kitai udah dipanggil gawa. Nya alai, terit meh, sambiang ti dikena kami, ngarika kita enggau ke pengawa kita ti enda ngetu, disampi kami ba Pemetung Bahá’u’lláh.

Dua taun ba pengawa sembilan taun ti berat udah deras bejalai. Bala pangan Petara sigi ngemeran teguh semua juluk ati nya ba ati sida. Di selampur dunya Bahá’í udah betambah penalam pemereti bekaul enggau nama ti diguna kena ngerembaika agi proses nirika komuniti sereta mai empas besai ba transformasyen sosial. Tang enggau pengelebus tiap hari, kami mega meda gaya dunya makin betambah jai, penyerekang ia betambah balat. Penyarut betambah ba dalam mayuh society enggau ba antara menua siti enggau ti bukai udah ngeruga mayuh mensia enggau tempat dalam mayuh chara.

Tu begunaka respon ari tiap-tiap semengat ti cheremat. Semua kitai sigi nemu ianya komuniti Nama Pemadu Tebangkar anang nyadang diri enda dipangka penusah balat ti nuntung society. Tang, taja ia kena pangka semua penusah balat tu, ia enda patut saru ketegal nya; ia sigi sinu ketegal semua pemedis mensia, tang ia enda bajung ketegal nya. Pengibuh ati mesti nganjakka pengawa ti tan nirika komuniti ke meri pengandal nganti pengasa, penyerakup nganti laya.

Shoghi Effendi udah terang ngading bakani proses “pengeruntuh ti mansang ba semua pekara pengidup mensia” sama sereta nyadi enggau siti agi proses, ianya proses bekaul-jaul, ke nengah nya “Bandung penyelamat mensia”, “pengujung pengenduh” ke society, benung didirika. Kami gaga ati meda, ba tiap-tiap menua enggau bengkah menua, orang ti amat gawaka pemaik bebendar nirika pengenduh tu.

Kami meda nya ba tiap-tiap berita ke alai ati ti ditungkun enggau pengerindu Petara, ruang bilik muka rumah sida ngagai bala pangan ti baru, bala kolaborator begunaka ajar Bahá’u’lláh dikena mutarka penanggul sosial, komuniti ngeringka budaya besaup pangan diri, genturung pendiau tauka tumpuk belajar ngepun sereta ngetanka semua kereja ti beguna ke pemansang spiritual enggau material sida empu, lokaliti diberekat enggau penumbuh Raban Gelumu Sambiang ti baru.

Semua chara enggau kereban Pelen ngemendarka tiap-tiap semengat ngenataika pemeri ngagai utai ti diguna mensia kemaya hari tu. Ukai meri ubat sementara aja ngagai semua penyakit ke bisi kemaya tu, bejalaika Pelen sigi proses konstruktif, ti bejalai lama, ti ngerembai sepemanjai beberapa generasyen, udah berengkah nyadi ba tiap-tiap society. Semua tu nunjuk ngagai pengujung ti diperumban, ti enda ulih dikelaung: Mesti bisi meruan, mayuh orang jampat betambah, ke deka nyerahka masa sida, tenaga sida, pengeran sida ngagai pemujur kereja tu.

Dini endur bukai enti enda ba prinsip Bahá’u’lláh pasal penyatu raban mensia endur dunya tau tetemuka visyen ti chukup luas dikena nyerakupka semua mayuh bengkah elemen ia? Bakani chara bukai enti enda nengah nyalin visyen nya nyadi siti atur ti bepelasar ba penyerakup dalam diversiti ke alai dunya ulih nyumanka penyerekang sosial ti magi ia? Sapa orang bukai ti ulih nyadi pengangkat ke nengah nya mensia di dunya tau tetemuka jalai baru pengidup, menasan nuju pemaik ti meruan? Nya alai panjaika jari bekaban ngagai tiap iku, sama pengawa, bekunsi servis, belajar kolektif, lalu sebaka bela mansang.

Kami nemu bakani pengeregas enggau pengering ke bisi ba siti-siti society ketegal bala nembiak dia ti sedar ngagai visyen Bahá’u’lláh lalu nyadi protagonis ba Pelen. Lalu ari nya, enggau naka pementas, pemerani, sereta bepanggai penuh ba Petara bala nembiak Bahá’í mesti mutus ati betesau ngagai orang ti serambau enggau sida lalu mai sida enggau kereja tu! Semua mesti angkat, tang bala nembiak mesti terebai.

Pengerumban jam kediatu mesti enda ngelindung pengaga spesiel ti datai ari servis. Kangau ngagai servis sigi saman ti ngelantangka ati, ti nyerangkung semua.

Ia narit tiap-tiap semengat ti taluk, nyentuk ke sida ti ditating mayuh kereja enggau tanggung pengawa. Laban dalam semua jalai endur bala semengat ti taluk kiruh gawa dia meh ulih tetemuka pengangkun ti beurat tegap sereta pengibuh sepemanjai umur ke pengelantang orang bukai. Semua kualiti ti baka nya meri koheren ngagai pengidup ti ngembuan mayuh peminta. Lalu maya pemadu manis ari semua ke sebarang semengat ti ditungkun ianya maya ti begulai enggau bala menyadi spiritual ti indu enggau lelaki, ngintu society ti begunaka pemakai spiritual.

Ba semua Sungkup Kudus, enggau ati ti melumpa, kami beterimakasih ngagai Bahá’u’lláh ketegal ke udah nirika kita enggau ngelatih kita dalam semua jalai Iya, lalu kami minta-kasih Iya ngenataika berekat Iya ngagai kita.

Enggau teda semina setaun sebedau renggat keterubah ba Pelen Sembilan Taun tembu, kami ransing ati meri riput pasal pemujur ia—bakani, nengah mayuh teladan beperenching pengawa mulia, visyen ti dikenataika Pengarap ngisi makin mayuh semayuh ati enggau pengandal.

Proses penumbuh terus mansang. Pemujur ti nyengala udah bisi nyadi ba mayuh gaya endur, ke alai pemansang ti signifikan nadai kala dipeda dulu suba, lebuh benih Pengarap udah mansutka mayuh anak benih gadung ti baru lalu kapasiti gawa enggau mayuh semengat tekala nya udah berengkah ayan. Semua pemansang tu suah nyadi ketegal pengangkun bala pioneer, ke ngembuan ati ti dikemau enggau pengerindu ke Tuhan sida, udah mayuh bendar berumban nuju menalan sida ba home front enggau di menua bukai. Dalam mayuh klaster ke alai program pemansang udah berengkah, perati ti baru udah dituju ngagai nguna, ngena kreativiti enggau pemintar, semua strategi ti udah dikelala enggau semua rintai kereja ti tau ngasuh bala pangan ngelimpas batu tanda kedua enggau ketiga. Lalu ba semua klaster ti ditemu ngembuan penguat, cheli-cheli society-building power Pengarap nyau makin terang, lebuh penteba pengeregas enggau transformatif pengidup Bahá’í dititih ulih makin mayuh raban semengat ti dikering.

Ba maya ti sama, pengawa perayat enggau society udah nyengala nyingkang ke mua. Inisiatif social action ti bepunka komuniti ti befokus ke pelajar udah pemadu jampat betambah, tang inisiatif bukai pen mansang mega, dalam bidang baka betanam-betupi, pengerai, rampa menua, empowerment ke orang indu, enggau arts. Pemansang ti baka tu nyengenda dipeda ba mayuh klaster ti pemadu kering, ke alai mayuh tumpuk tauka genturung pendiau—nyentukka ba rumah sepemanjai jalai tauka ba rumah tinggi densiti—nyadika tempat ti diwan siti populasyen ti ngasaika pengelantang ti datai ari ngenyadika mayuh prinsip Pengarap ngagai realiti ti dipeda. Ba sekeda tempat, bala ketuai sivik enggau orang siku-siku ke ngembuan tanggungjawab meri pelajar ke anakmit tauka pemansang sosial bukai ba tikas lokal ukai semina nguing ngagai bala Bahá’í minta penemu, tang minta bekereja sama dalam ngiga chara mutar ti praktikal. Nambah ke nya, kami lantang ati meda ba tikas nasional enggau antarabansa, langkah-rapat Bahá’í dalam sekeda randau ti besai reti udah betambah narit perati enggau basa.

Pelen Sembilan Taun bepanggai ba pengeluas, proses belajar global ti semitan ba menua bebukit di Bolivia sebaka mega ba luar-bandar Sydney. Proses belajar tu udah mansutka mayuh strategi enggau kereja ti ulih diguna ba tiap-tiap setting. Ia besistematik; ia organik; ia nyerangkung semua. Ia numbuhka jantil, ngerembai nyadi kaul dinamik, ba mayuh ruang bilik, ba genturung pendiau, ba bala nembiak, enggau ba semua orang ti udah sedia deka nyadi protagonis ba kereja mulia tu. Ia nirika mayuh komuniti ti penuh enggau pengulih. Ia ngasuh ngulihka niat tinggi ti dikunsi ulih mensia ti ngelama tu udah diserara ketegal geografi, jaku, budaya, tauka dipatih tang diatu udah ninga sereta nyaut kangau universal Bahá’u’lláh ti minta “anang ngetu gawaka pemanah pengidup orang bukai” . Lalu tu bepanggai penuh ba pemisa Lekajaku Petara ti ngidup—ti nyadika “daya pengempung” , “ti ngerak bala semengat enggau ti nanggam sereta ngatur dunya mensia”—enggau ba pengepuh kereja ti diperansang ia.

Beserepak enggau pemetang langit kudi, naka penerang meh penampak ti

manchar ari pengangkun kereja kita! Taja pen biau balai mangka dunya, pengenduh ti deka nyadika pengelindung raban mensia benung didirika ba mayuh menua, bengkah menua, enggau klaster. Tang agi mayuh patut dikereja. Tiap-tiap komuniti nasional endang bisi sadang diri empu bekaul enggau pemansang ti deka diulih maya tu, ba renggat pemuka Pelen. Jam terus bejalai. Bala pangan ti dikerindu, enggau bala penyadung ajar kudus, enggau bala champion ke Pemajik Beberekat—pengiruh kita diguna diatu. Tiap-tiap pemansang ti diulih dalam beberapa bulan ti jampat ngelebus sebedau Riḍván ti deka datai deka nyikap komuniti Nama Pemadu Tebangkar manah agi enggau utai ti patut dikembuan ia dikena ngulihka pemujur ba renggat kedua Pelen. Arapka kita tetap bulih pemujur. Ke tu kami besampi ngagai Tuhan kuasa-raja; ke tu kami minta bantu Iya ti enda balang; ke tu kami minta-kasih Iya awakka nganjung bala malikat ti disayau Iya mantu tiap iku kita.